'எர்த் தெரபி'! வெறும் காலுடன் நடப்பதன் அறிவியல் அதிசயம்!

'எர்த் தெரபி' (Earth Therapy) என்பது பூமியின் மேற்பரப்புடன் நேரடித் தொடர்பு கொள்வதன் மூலம் உடலின் மின் ஆற்றலை சீரமைக்கும் ஒரு சிகிச்சை முறையாகும். இது மனம் மற்றும் உடல் நலனை மேம்படுத்தும் ஒரு சிறந்த சிகிச்சை முறையாகும். இது 'கிரவுண்டிங்' என்றும், 'எர்த்திங்' என்றும் அழைக்கப்படுகிறது. வெறும் காலுடன் மண், புல் அல்லது மணலில் நடப்பது அல்லது உட்காருவது போன்ற செயல்கள் மூலம் பூமியின் எலக்ட்ரான்களுடன் மீண்டும் இணைவதே இதன் அடிப்படை தத்துவமாகும்.

இதன் முக்கிய அம்சங்கள்:

• பூமியிலிருந்து வரும் எதிர்மறை மின்னலைகள் உடலில் உள்ள நேர்மறை அயனிகளை (free radicals) நடுநிலையாக்க உதவுகின்றன. இது உடலின் மின் சமநிலையை மீட்டெடுக்கிறது. பூமியுடன் நேரடி உடல் தொடர்பை ஏற்படுத்துவதன் மூலம் உடலில் நேர்மறையான விளைவுகளை உருவாக்குவதை நோக்கமாகக் கொண்டுள்ளது.

• பூமியிலிருந்து வரும் மின் அலைகள் நம் உடலில் உள்ள மின் ஆற்றலை மறுசீரமைப்பதாக நம்பப்படுகிறது. இது நாள்பட்ட அழற்சி (inflammation) தொடர்பான நோய்களை குறைக்க உதவுகிறது.

• நவீன வாழ்க்கை முறை மனிதர்களை பூமியுடனான இந்த நேரடித் தொடர்பிலிருந்து துண்டித்து விட்டதாக கருதப்படுகிறது. இதனால், பல உடல்நல பிரச்னைகள் ஏற்படுவதாகவும் கூறப்படுகிறது.

• பகல் இரவு கார்டிசோல் ஹார்மோன் சுழற்சியை இயல்பாக்கி தூக்கத்தின் தரத்தை மேம்படுத்துகிறது.

• வலி மற்றும் மன அழுத்தத்தைக் குறைத்து நரம்பு மண்டலத்தை அமைதிப்படுத்துகிறது. ரத்த ஓட்டத்தை மேம்படுத்தி இதய ஆரோக்கியத்திற்கு நன்மை பயக்கிறது.

• சிறந்த ரத்த ஓட்டம் மற்றும் வீக்கம் குறைவதால், காயங்கள் வேகமாக குணமாகின்றன.

• இந்த எர்த் தெரபி மூலம் மன அழுத்தம், பதட்டம் போன்ற மன ரீதியான பிரச்சினைகளைக் குறைக்கவும், உடல் ஆரோக்கியத்தை மேம்படுத்தவும் உதவும் என்றும் நம்பப்படுகிறது. சில ஆராய்ச்சிகள் இதன் நன்மைகளை ஆராய்ந்து வருகின்றன.

எப்படி பயிற்சி செய்வது?

• காலணிகளை கழற்றிவிட்டு வெறும் காலுடன் புல், மண் அல்லது மணலில் நடக்கவோ அல்லது நிற்கவோ செய்யலாம்.

• பூமியுடன் நேரடி தொடர்பு கொள்ளக்கூடிய கிரவுண்டிங் பாய்கள் அல்லது தாள்கள் போன்ற சிறப்பு பொருட்களையும் பயன்படுத்தலாம்.

• இயற்கை சார்ந்த பிற சிகிச்சைகளான தோட்டக்கலை அல்லது இயற்கை சூழலில் உடற்பயிற்சி செய்தல் போன்றவற்றிலும் ஈடுபடலாம்.

முடிந்தவரை அதிக நேரம் இயற்கையுடன் நேரத்தை செலவிடுவது மற்றும் இயற்கையான சூழலில் தியானம் செய்வது போன்றவை பயனுள்ளதாக இருக்கும். மொத்தத்தில் எர்த் தெரபி என்பது இயற்கையான சூழலுடன் இணைவதன் மூலம் உடல் மற்றும் மன ஆரோக்கியத்தை மேம்படுத்தும் ஒரு எளிய மற்றும் அணுகக்கூடிய நடைமுறையாகும்.

(முக்கிய குறிப்பு: இந்தத் தகவல்கள் பொதுவான விழிப்புணர்வுக்காக மட்டுமே. மருத்துவ ஆலோசனைக்கு சரியான தகுந்த மருத்துவரை அணுகவும்)