'பட்டய' கிளப்பும் 'பட்டை': மரணத்தை தள்ளிப்போடும் மசாலாவின் மருத்துவ ரகசியங்கள்!

நம் சமையலறையில் எப்போதும் இருக்கும் ஒரு சிறிய மசாலா தான் இலவங்கப்பட்டை. ஆனால் இந்தச் சின்ன துண்டில் இருக்கும் நன்மைகள் பெரியவை. மணமும் சுவையும் தருவதோடு, உடல்நலத்தையும் காக்கும் தன்மை இதற்கு உண்டு.

இயற்கையான மரத்தின் உள் பட்டையிலிருந்து பெறப்படும் இது, பல நூற்றாண்டுகளாக மருத்துவத்திலும் சமையலிலும் பயன்படுத்தப்பட்டு வருகிறது.

இலவங்கப்பட்டை இரண்டு முக்கிய வகைகளில் கிடைக்கிறது– சிலோன் மற்றும் காசியா. இதில் சிலோன் மென்மையான சுவை கொண்டது; காசியா சற்று அதிக காரத்தன்மை கொண்டது. இரண்டும் பயனுள்ளவையே, ஆனால் அளவோடு எடுத்துக்கொள்ள வேண்டும்.

இலவங்கப்பட்டையின் முக்கிய ஆரோக்கிய நன்மைகளைப் பற்றி இந்தப் பதிவில் சுருக்கமாகப் பார்க்கலாம்:

• இலவங்கப்பட்டை தொற்றுகளைத் தடுக்கிறது. இதில் உள்ள நுண்ணுயிர் எதிர்ப்பு தன்மை, பாக்டீரியா மற்றும் பூஞ்சைகளை கட்டுப்படுத்த உதவுகிறது. வாய்நலத்தையும் பாதுகாக்கிறது.

• கொதிக்க வைத்த இலவங்கப்பட்டை நீர் இரத்தச் சர்க்கரையை கட்டுப்படுத்துகிறது. நீரிழிவு நோயாளிகளுக்கு மிகவும் உதவியாக இருக்கும். இன்சுலின் செயல்பாட்டை மேம்படுத்தி, சர்க்கரை அளவை சீராக வைத்திருக்க உதவுகிறது.

• கொதிக்க வைத்த இலவங்கப்பட்டை நீர் கொலஸ்ட்ராலை குறைக்கிறது. கெட்ட கொழுப்பை (LDL) குறைத்து, நல்ல கொழுப்பை (HDL) அதிகரிக்க உதவுகிறது. இதனால் இதய ஆரோக்கியம் மேம்படும்.

• கொதிக்க வைத்த இலவங்கப்பட்டை நீர் இதயத்தை பாதுகாக்கிறது. இரத்த ஓட்டத்தை சீராக்கி, இரத்த அழுத்தத்தை குறைக்க உதவுகிறது. இதய நோய் அபாயத்தையும் குறைக்கிறது.

• இலவங்கப்பட்டை அழற்சியை குறைக்கிறது. உடலில் ஏற்படும் வீக்கம் மற்றும் அழற்சியை குறைக்க உதவுகிறது. மூட்டுவலி உள்ளவர்களுக்கு இது நிவாரணம் தரலாம்.

• இலவங்கப்பட்டை செரிமானத்தை மேம்படுத்துகிறது. குடல் ஆரோக்கியத்தை சீராக்கி, வாயு, வயிற்றுப் பெருக்கு போன்ற பிரச்னைகளை குறைக்கிறது.

• இலவங்கப்பட்டை ஆன்டிஆக்ஸிடென்ட்கள் நிறைந்தது. உடலில் உள்ள நச்சுகளை நீக்கி, செல்களை பாதுகாக்கிறது. முதுமையை தாமதப்படுத்த உதவுகிறது.

• இலவங்கப்பட்டை, மூளை ஆரோக்கியத்தை காக்கிறது. நினைவாற்றல் மற்றும் நரம்பு செயல்பாட்டை மேம்படுத்த உதவுகிறது என்று ஆய்வுகள் கூறுகின்றன.

• இலவங்கப்பட்டை நோய் எதிர்ப்பு சக்தியை அதிகரிக்கிறது. உடல் நோய்களுக்கு எதிராக போராடும் திறனை மேம்படுத்துகிறது.

• இலவங்கப்பட்டை எடை கட்டுப்பாட்டுக்கு உதவுகிறது. பசியை குறைத்து, உடல் மாற்றச்செயலை அதிகரிக்க உதவுகிறது.

• இலவங்கப்பட்டை ஒவ்வாமை அறிகுறிகளை குறைக்கிறது. தும்மல், மூக்கடைப்பு போன்ற பிரச்னைகளுக்கு நிவாரணம் தரக்கூடும்.

• இலவங்கப்பட்டை புற்றுநோய் அபாயத்தை குறைக்க உதவுகிறது. மேலும், இது செல்சேதத்தைத் தடுக்க உதவுகிறது.

இலவங்கப்பட்டையில் இத்தனை நன்மைகள் இருந்தாலும், அளவுக்கு மீறி எடுத்துக்கொள்வது நல்லதல்ல. குறிப்பாக காசியா இலவங்கப்பட்டையை அதிகமாக எடுத்தால் கல்லீரல் பாதிப்பு ஏற்பட வாய்ப்பு உள்ளது. கர்ப்பிணிகள் மற்றும் மருந்து எடுத்துக்கொள்பவர்கள் மருத்துவரின் ஆலோசனைப்படி பயன்படுத்துவது நல்லது.

மொத்தத்தில், இலவங்கப்பட்டை என்பது சுவையும் ஆரோக்கியமும் தரும் ஒரு சிறிய இயற்கை வரம். தினசரி உணவில் சிறிதளவு சேர்த்தால், நல்ல நலனுடன் வாழ உதவும்.

(முக்கிய குறிப்பு: இந்தத் தகவல்கள் பொதுவான விழிப்புணர்வுக்காக மட்டுமே. மருத்துவ ஆலோசனைக்கு சரியான தகுந்த மருத்துவரை அணுகவும்)