கொளுத்தும் வெயில்… குழந்தைகளை ஆட்டும் வெப்ப அதிர்ச்சி! பெற்றோர் தவிர்க்கக்கூடாத 8 விதிகள்!

குழந்தைகளின் உடல் அளவுடன் ஒப்பிடும்போது உடல் மேற்பரப்பு அதிகமாக இருப்பதாலும், வியர்வை மூலம் வெப்பத்தை வெளியேற்றும் திறன் இன்னும் முழுமையாக வளராததாலும் அவர்கள் வெப்பத்தை விரைவாகச் சேமித்துக் கொள்ளலாம். அதிக ஈரப்பதம் இருக்கும் நாட்களில் வியர்வை ஆவியாகும் வேகம் குறைவதால் உடலைக் குளிர்விப்பதும் சிரமமாகிறது.

கடுமையான வெப்பநிலை நிலவும் நேரங்களில் வெளிப்புற விளையாட்டு, ஓட்டம், சைக்கிள் ஓட்டுதல் போன்ற உடல் உழைப்பு செயல்பாடுகளைத் தவிர்ப்பதுதான் நல்லது. அதிகாலை அல்லது மாலை நேரத்திற்கு அவற்றை மாற்றிக் கொள்ளலாம். குழந்தைகள் வெளியில் செல்ல வேண்டியிருந்தால் நிழலைத் தேர்ந்தெடுத்து, அடிக்கடி ஓய்வு கொடுக்க வேண்டும்.

அதுதான் தவறு. வெயிலில் விளையாடும்போது குழந்தைகள் வியர்வை மூலம் தண்ணீரையும் தாதுக்களையும் இழக்கிறார்கள். எனவே தாகம் வரும் வரை காத்திருக்காமல், வயதுக்கு ஏற்ற அளவில் அடிக்கடி நீர் மற்றும் நீர்ம உணவுகளை எடுத்துக் கொள்ள வேண்டும். கைக் குழந்தைகளுக்கு தாய்ப்பாலைத் தொடர்ந்து வழங்குவது முக்கியம். அதிக சர்க்கரை கொண்ட பானங்களை நீருக்குப் பதிலாக பயன்படுத்துவது தவறு.

வெயில் காலத்தில் இறுக்கமான, தடிமனான ஆடைகளுக்குப் பதிலாக தளர்வான, காற்றோட்டமான, இலகுவான ஆடைகளை அணிவிக்க வேண்டும். வெளியில் செல்லும்போது அகலமான விளிம்புள்ள தொப்பி அல்லது குடை போன்றவை பயன்படுத்துவது நேரடி சூரிய ஒளியிலிருந்து பாதுகாக்க உதவும்.

கண்டிப்பாக கூடாது.

'கதவைத் திறந்து விட்டு கடைக்குச் செல்கிறேன்…

குழந்தை தூங்குகிறது; இரண்டு நிமிடத்தில் வந்துவிடலாம்…'

என்ற எண்ணம் மிகப்பெரிய ஆபத்தை ஏற்படுத்தும். நிறுத்தப்பட்ட வாகனத்திற்குள் வெப்பநிலை மிக வேகமாக உயரக்கூடும். ஜன்னலைச் சற்றுத் திறந்து வைத்திருப்பதும் பாதுகாப்பான தீர்வு அல்ல. குழந்தையை நிறுத்தப்பட்ட வாகனத்தில் ஒருபோதும் தனியாக விடக்கூடாது.

அதிக வியர்வை, தலைவலி, தலைச்சுற்றல், தாகம், சோர்வு, தசைப்பிடிப்பு, வாந்தி போன்றவை வெப்பத்தால் ஏற்படும் உடல்நலப் பாதிப்பின் ஆரம்ப அறிகுறிகளாக இருக்கலாம். குழந்தையை உடனடியாக குளிர்ச்சியான இடத்திற்கு அழைத்துச் சென்று ஓய்வளிக்க வேண்டும். அறிகுறிகள் மோசமடைந்தால் மருத்துவ உதவியை உடனடியாக நாட வேண்டும்.

வெப்ப அதிர்ச்சி என்பது உயிருக்கு ஆபத்தான அவசரநிலை. குழந்தைக்கு மயக்கம், குழப்பம், உணர்விழப்பு, வலிப்பு, மிகவும் சூடான உடல், இயல்பற்ற நடத்தை போன்ற அறிகுறிகள் தோன்றினால் உடனடியாக அவசர மருத்துவ உதவியை நாட வேண்டும். அதுவரை குழந்தையை வெப்பத்திலிருந்து அகற்றி, உடலை விரைவாகக் குளிர்விக்கும் நடவடிக்கைகளை மேற்கொள்ள வேண்டும்.

• வெயில் அதிகமாக இருக்கும் நாட்களில் குழந்தையின் அன்றாட அட்டவணையை மாற்றி அமைக்கலாம்.

• வெளிப்புற விளையாட்டை வெயில் தாழ்ந்த நேரத்திற்கு மாற்றுங்கள்.

• தண்ணீர் பாட்டிலை உடன் வைத்திருங்கள்.

• இலகுவான ஆடைகளை அணிவியுங்கள்.

• வீட்டில் காற்றோட்டத்தை அதிகரியுங்கள்.

• குழந்தையை வெயிலில் நீண்ட நேரம் நிற்கவிடாதீர்கள்.

• பள்ளி, விளையாட்டு மைதானம் போன்ற இடங்களிலும் வெப்ப எச்சரிக்கைகளைப் பின்பற்றுங்கள்.