உடலுக்கு மிகுந்த நன்மை பயக்கும் வைட்டமின் எஃப் பற்றி தெரிந்து கொள்வோம்!

வைட்டமின் சத்துக்களில் மற்ற வைட்டமின்களைப் போல வைட்டமின் எஃப் என்று தனியாக ஒன்றும் இல்லை. ஆனால், இது இரண்டு அத்தியாவசிய கொழுப்பு அமிலங்களின் சேர்க்கையால் உருவாவது. இது உடலுக்கு மிகுந்த நன்மை பயக்கும். அது பற்றி இந்தப் பதிவில் பார்க்கலாம்.

வைட்டமின் எஃப் இரண்டு அத்தியாவசிய கொழுப்பு அமிலங்களான ஒமேகா 3 (ஆல்பா-லினோலெனிக் அமிலம்) மற்றும் லினோலிக் அமிலம் (ஒமேகா 6 கொழுப்பு அமிலம்) ஆகியவற்றால் ஆனது.

வைட்டமின் எஃப்பின் ஆரோக்கிய நன்மைகள்:

1. இந்தக் கொழுப்பு அமிலங்கள் மூளையின் செயல்பாடு, செல்லுலார் செயல்பாடு மற்றும் ஹார்மோன் உற்பத்தி உள்ளிட்ட பல்வேறு உடல் செயல்பாடுகளில் முக்கியப் பங்கு வகிக்கின்றன.

2. நோயெதிர்ப்பு அமைப்பு செயல்பாடு, இரத்த அழுத்தக் கட்டுப்பாடு, இரத்த உறைதல், வளர்ச்சி மற்றும் வளர்ச்சி உள்ளிட்ட வழக்கமான உடல் செயல்முறைகளில் இந்த இரண்டு கொழுப்புகளும் முக்கியப் பங்கு வகிக்கின்றன.

3. மூட்டு வலி, மூட்டு வீக்கத்தை குறைத்தல், செரிமான பாதையை சரிப்படுத்துதல் மேலும் நுரையீரல் மற்றும் மூளை ஆகியவற்றின் சிறப்பான செயல்பாட்டிற்கு உதவுகிறது.

4. இதய ஆரோக்கியத்தை மேம்படுத்துகிறது. இதய நோய் அபாயத்தைக் குறைக்கிறது.

5. கர்ப்பிணிப் பெண்களுக்கு வைட்டமின் ஏ சத்து அவசியம் தேவை. ஏன் என்றால் கரு வளர்ச்சிக்கு இது முக்கியத் தேவையாக இருக்கிறது.

6. மன ஆரோக்கியத்தை ஆதரிக்கவும் மனச்சோர்வு, பதற்றம், மன அழுத்தம் போன்றவற்றின் அறிகுறிகளை குறைக்கவும் உதவுகிறது.

7. நீரிழிவு நோயாளிகளின் இரத்த சர்க்கரை அளவை கட்டுப்படுத்த உதவுகிறது.

வைட்டமின் எஃப் நிறைந்த உணவுகள்: ஆல்பா - லினோலெனிக் அமிலம் மற்றும் லினோலெனிக் அமிலம் (LA) கொண்ட பலவகையான உணவுகளை சாப்பிட்டால் வைட்டமின் F சப்ளிமெண்ட்ஸ் தேவையில்லை. பெரும்பாலான உணவு ஆதாரங்களில் இரண்டும் இருந்தாலும், பலவற்றில் மற்றொன்றை விட ஒரு கொழுப்பின் அளவு அதிக விகிதத்தில் உள்ளது.

லினோலெனிக் அமிலம் நிறைந்த உணவுகள்: பொதுவாக, மீன், கொட்டைகள், விதைகள் மற்றும் தாவர எண்ணெய்கள் போன்ற பல்வேறு உணவுகளில் இவை காணப்படுகின்றன. சோயாபீன் எண்ணெய், ஆலிவ் எண்ணெய், சோள எண்ணெய், சூரியகாந்தி விதைகள், பீக்கன் கொட்டைகள், பாதாம் போன்ற உணவுகளில் லினோலெனிக் அமிலம் உள்ளது.

ஆல்பா - லினோலெனிக் அமிலம் நிறைந்த உணவுகள்: ஆல்பா லினோலினிக் அமிலம் என்பது மிக முக்கியமான ஒமேகா 3 கொழுப்பு அமிலம் ஆகும். நமது உடல் வளர்ச்சிக்கும் உறுப்புகளைப் பராமரிப்பதிலும் மிக முக்கியப் பங்கு வகிப்பதால் அவசியமான கொழுப்பு அமிலமாக இது கருதப்படுகிறது. முதல் முறையாக மாரடைப்பு வந்தவர்களுக்கு, மறுமுறை வராமல் தடுக்க உதவுகிறது.

ஆல்பா லினோலினிக் அமிலம் ஆளி விதை எண்ணெய், ஆளி விதை, சியா விதைகள், சணல் விதைகள், அக்ரூட், சியா போன்ற கொட்டை வகைகள், மீன், முட்டை, இறைச்சி மற்றும் பால் பொருட்கள் போன்ற உணவுகளில் ஆல்பா - லினோலெனிக் அமிலம் உள்ளது.