டீ பிரியர்களே கவனம்! டீ குடித்த உடனே தண்ணீர் குடிப்பது இவ்வளவு கேடா?

இந்தியர்களாகிய நாம் டீ, சாய் என்று அழைக்கப்படும் தேநீரை அதிகளவு நேசிக்கிறோம் என்பதை மறுக்க முடியாது. இந்தியாவில், தேநீர் என்பது வெறும் பானம் மட்டுமல்ல, அது ஒரு உணர்வு. நமது அன்றாட சடங்கின் ஒரு பகுதி. மேலும் அது ஓய்வான தருணத்தில் அன்பான பிணைப்புக்குமான ஒரு பாலமாகும்.

ஒரு சிலருக்கு டீ குடித்த பிறகு உடனே தண்ணீர் குடிக்க வேண்டும் என்று தோன்றும். அதீத தாகம் எடுக்கும். இது நல்லதா என்ற சந்தேகமும் வரும். பொதுவாக இது போன்ற உணர்வு இயல்பானதே. இதற்கு சில காரணங்கள் இருக்கலாம் என்று சொல்லப்படுகிறது.

டீயில் உள்ள கஃபீன் லேசான சிறுநீர் பெருக்கியாக செயல்படலாம்; இதனால் தாகம் ஏற்படலாம்.

டீயின் சூடு மற்றும் வாயில் ஏற்படும் உலர்வு காரணமாக தண்ணீர் குடிக்க வேண்டும் போல தோன்றலாம்.

டீயில் சர்க்கரை அதிகமாக இருந்தால், அது சிலருக்கு தாக உணர்வை அதிகரிக்கலாம்.

ஏற்கனவே உடலில் தண்ணீர் குறைவாக இருந்தால், டீ குடித்த பிறகு தாகமான வெளிப்படலாம்.

டீயின் துவர்ப்பு சுவையை அகற்ற தண்ணீர் குடிக்கத் தோன்றுவதும் உண்டு.

டீ குடித்த பிறகு தண்ணீர் குடிப்பதில் பிரச்னை இல்லை. தாகம் இருந்தால் தண்ணீர் குடிக்கலாம் என்கின்றனர் உணவு கட்டுப்பாடு நிபுணர்கள்.

ஆனால் டீ குடித்தாலே ஒவ்வொரு முறையும் அதிகமாக தாகம், அடிக்கடி சிறுநீர் கழித்தல், காரணமில்லாத எடை குறைதல் போன்றவை இருந்தால், ரத்தச் சர்க்கரை உள்ளிட்ட காரணங்களை மருத்துவரிடம் பரிசோதிப்பது நல்லது எனவும் அறிவுறுத்துகின்றனர்.

டீ எனப்படும் தேநீர் நமக்கு மிகவும் முக்கியமானது என்றாலும், உடலை நீரேற்றத்துடன் வைத்திருப்பதும் அதே அளவு முக்கியமானது. ஆனால் உண்மை என்னவென்றால், ஒரு நாளைக்கு மூன்று கோப்பைகளுக்கு மேல் தேநீர் அருந்தும் பெரும்பாலானோர், போதுமான அளவு தண்ணீர் குடிக்க மறந்துவிடுகிறார்கள். இது நீரிழப்புக்கு வழிவகுத்து, சோர்வு, தலைவலி மற்றும் பிற உடல்நலப் பிரச்சனைகளை ஏற்படுத்தும். இதைவிட மோசமாக, பலர் தேநீர் அருந்திய உடனேயே தண்ணீர் குடிக்கும் தவறைச் செய்கிறார்கள்.

தேநீரில் டானின்கள் மற்றும் பாலிஃபீனால்கள் போன்ற சேர்மங்கள் உள்ளன. இவை உணவில் உள்ள புரதங்கள் மற்றும் தாதுக்களுடன் வினைபுரிந்து, இரும்பு மற்றும் கால்சியம் போன்ற ஊட்டச்சத்துக்களை உறிஞ்சிக்கொள்ளக்கூடும்.

தேநீர் அருந்திய பிறகு நீங்கள் தண்ணீர் குடிக்கும்போது , ​​அது செரிமானத்திற்குத் தேவையான வயிற்று அமிலத்தை நீர்த்துப்போகச் செய்யலாம். இது செரிமானக் கோளாறு மற்றும் வயிற்று உப்புசத்திற்கு வழிவகுக்கக்கூடும்.

மேலும் பற்களில் ஏற்படும் சிரமம் குறித்த தகவல்களும் உண்டு. தேநீரில் நிறம் மாறுவதும் காலப்போக்கில் பற்களில் சிரமத்தை ஏற்படுத்துவதாக சொல்லப்படுகிறது. தேநீர் அருந்திய பிறகு தண்ணீர் குடிக்கும்போது, ​​பற்சிப்பியை இயற்கையாகப் பாதுகாக்கத் தேவையான அமிலங்களை உமிழ்நீர் உற்பத்தி செய்வதற்குப் போதுமான நேரம் கிடைக்காமல் போகலாம். மேலும், தேநீர் அருந்திய பிறகு குளிர்ந்த நீரைக் குடிப்பதால் பற்களில் சொத்தை மற்றும் கூச்ச உணர்வு போன்ற பிரச்னைகள் ஏற்படலாம்.

முக்கியமாக தேநீர் அருந்திய உடனேயே தண்ணீர் குடிப்பதால், உடலில் நீரேற்றம் இருப்பது போன்ற ஒரு தவறான உணர்வு ஏற்படலாம். ஏனெனில், அதன் சிறுநீர்ப்பெருக்கி விளைவின் காரணமாக, உடல் தொடர்ந்து மிக வேகமாகத் திரவங்களை இழக்கக்கூடும்.

உடலுக்குத் தேவையான சரியான நீரேற்றத்தைப் பராமரிக்க, தேநீரைத் தவிர்த்து, நாள் முழுவதும் போதுமான அளவு தண்ணீர் குடிப்பது அவசியமாகிறது.

பல்வேறு சுவைகளில் கிடைக்கும் தேநீர் பலவிதமான பலன்களைத் தருகிளது. குறிப்பாக, கருப்பு மற்றும் பச்சைத் தேநீரில் உள்ள லேசான சிறுநீர்ப்பெருக்கி அமிலம், தற்காலிகமாகத் திரவ இழப்பை அதிகரிக்க வழிவகுக்கும்.

தேநீர் அருந்திய உடனே தண்ணீர் குடிப்பதால் வயிற்றில் அமில அளவு அதிகரிக்கக்கூடும். தேநீரில் உள்ள காஃபின் காரணமாக, தேநீருக்குப் பிறகு திடீரென தண்ணீர் அருந்துவது அசௌகரியத்தை உண்டாக்கி, நெஞ்செரிச்சல் மற்றும் வயிற்று வலி போன்ற அறிகுறிகளுக்கு வழிவகுக்கும் என்பதால் தேநீர் அருந்திய உடனே தண்ணீர் பருகுவதை தவிர்ப்பது நல்லது. மீறி அவசியம் குடிக்க வேண்டும் என்று தோன்றினால் நல்ல டயட்டீஷியனிடம் ஆலோசனை கேட்பது நலம் தரும்.

Reference