யாரெல்லாம் முளைக்கட்டிய பயறு சாப்பிடக்கூடாது தெரியுமா? 

முளைக்கட்டிய பயறு வகைகள் பொதுவாக நம் உணவுப் பழக்கத்தில் ஒரு ஆரோக்கியமான ஒன்றாகும். இதில் உள்ள ஏராளமான ஊட்டச்சத்துக்கள் நம் உடலுக்கு நன்மை பயக்கும் என்பதில் சந்தேகமே இல்லை.‌ ஆனால், இந்த உணவு அனைவருக்கும் ஆரோக்கியமானது அல்ல. இந்தப் பதிவில் யாரெல்லாம் முளைகட்டிய பயறு வகைகளைச் சாப்பிடக்கூடாது என்பது பற்றி பார்க்கலாம். 

முளைக்கட்டிய பயிறு வகைகளில் புரதம், நார்ச்சத்து, வைட்டமின்கள் மற்றும் தாதுப் பொருட்கள் நிறைந்துள்ளன. இவை நம் உடலுக்குத் தேவையான ஆற்றலை அளித்து, நோய் எதிர்ப்பு, சக்தியை அதிகரிக்கச் செய்கின்றன. ஆனால், இவற்றை அதிகமாகவோ அல்லது தவறான முறையில் சாப்பிடுவதால், சிலருக்கு உடல் உபாதைகள் ஏற்படலாம். 

முளைக்கட்டிய பயறு வகைகளைத் தவிர்க்க வேண்டிய நபர்கள்: 

• முளைக்கட்டிய பயறு வகைகளில் நார்ச்சத்து அதிகமாக இருப்பதால், செரிமானம் தொடர்பான பிரச்சனை உள்ளவர்களுக்கு இது செரிமானத்தை மெதுவாக்கி வயிற்றுப்போக்கு, வாயு, அஜீரணம் போன்ற பிரச்சனைகளை ஏற்படுத்தலாம். 

• இதில் புரதச்சத்து அதிகமாக இருப்பதால், சிறுநீரகப் பிரச்சனை உள்ளவர்களுக்கு இது சிறுநீரகத்தில் கூடுதல் சுமையை ஏற்படுத்தி, சிறுநீரக செயல்பாட்டை பாதிக்கலாம். 

• மூல நோயால் பாதிக்கப்பட்டவர்கள் முளைக்கட்டிய பயறு வகைகளை சாப்பிடுவதால் அவர்களது நிலை மேலும் மோசமடையக்கூடும். 

• கர்ப்பிணிப் பெண்கள் முளைகட்டிய பயறு வகைகளை அதிகமாக சாப்பிடுவதைத் தவிர்க்க வேண்டும். ஏனெனில், இதில் சில வகை பாக்டீரியாக்கள் இருக்க வாய்ப்புள்ளது. இது கர்ப்பிணிப் பெண்களுக்கும், கருவிலுள்ள குழந்தைக்கும் பாதிப்பை ஏற்படுத்தலாம். 

• பாலூட்டும் தாய்மார்கள் முளைக்கட்டிய பயறு வகைகளை மிதமான அளவில் சாப்பிடலாம். ஆனால், இதனால் குழந்தைக்கு வயிற்றுப்போக்கு அல்லது அலர்ஜி ஏற்பட வாய்ப்புள்ளதால், மருத்துவரின் ஆலோசனையை பெற்று உட்கொள்வது நல்லது. 

• வயதானவர்களுக்கு செரிமான மண்டலம் பலவீனமாக இருக்கும். எனவே, முளைகட்டிய பயறு வகைகளைச் சாப்பிடுவதால் அவர்களுக்கு செரிமானப் பிரச்சனைகள் ஏற்படலாம். மேலும், வாயுத்தொல்லை உள்ளவர்கள் முளைகட்டிய பயறு வகைகளை சாப்பிடுவதால் வாயு தொல்லை அதிகரிக்கலாம். 

முளைக்கட்டிய பயறுகள் நம் உடலுக்கு மிகவும் நன்மை பாய்க்கும் உணவு. ஆனால், எல்லா நன்மை பயக்கும் உணவுகளும் எல்லோருக்கும் ஏற்றதாக இருக்காது. சிலருக்கு இது சில பிரச்சினைகளை ஏற்படுத்தும். எனவே, முளைகட்டிய பயறுகளை சாப்பிடுவதற்கு முன் மருத்துவரை அணுகி ஆலோசனை பெற வேண்டும். மேலும், எந்த உணவாக இருந்தாலும் அதை மிதமான அளவில் சாப்பிடுவது ஆரோக்கியத்திற்கு நல்லது.