ஆளே அடையாளம் தெரியாமல் மாறி போன பாளையத்து அம்மன் பட பாப்பா..! 

நம்மில் பலருக்கும் பிடித்த படங்கள் இருக்கும். அதனை தொலைக்காட்சியில் எத்தனை முறை ஒளிபரப்பு செய்தாலும் சலித்துக்கொள்ளாமல் உட்கார்ந்து பார்ப்போம். 90-ஸ்களுக்கு பிடித்த படமாக இருப்பது பேய் படங்களுங்களும், அம்மன் படங்களும் தான். நாம் குழந்தையாக இருக்கும் பொழுது பார்த்து பயந்த பல திரைப்படங்கள் தற்பொழுது ஒளிப்பரப்பு செய்தாலும் அதே அனுபவத்துடன் பார்த்து ரசிப்போம்.

அந்தவகையில் நமக்கு பிடித்த திரைப்படம் தான் பாளையத்து அம்மன் திரைப்படம். அந்த படத்தில் அம்மனாக நடித்த மீனா மற்றும் பலரின் கதாபாத்திரங்கள் இன்னும் நமது நெஞ்சத்தை விட்டு மறையவில்லை என்று தான் கூறவேண்டும். மேலும் நம்மில் பலரும் தற்பொழுது வரை அந்த படங்களில் நடித்த நடிகர், நடிகைகள் என அனைவரும் இன்றும் அவ்வாறே தான் இருப்பார்கள் என கற்பனை வைத்திருப்போம். ஆனால் திடீரென்று அந்த படங்களில் நடித்த நடிகர்களை காணும் போது, நமக்கு ஆச்சரியங்களை கொடுக்கும். காரணம் தற்போது அவர்கள் ஆளே அடையாளம் தெரியாமல் மாறி போய் இருப்பார்கள்.

அந்த வகையில், பாளையத்து அம்மன் படத்தில் நடித்த குழந்தை நட்சத்திரத்தின் தற்போதைய வைரல் புகைப்படத்தை பார்த்த அனைவரும் இவர் தான் அந்த படத்தில் நடித்த பாப்பாவா என வியப்பாக  கேட்டு வருகிறார்கள்.

பாளையத்து அம்மன் படம்:

இத்திரைப்படம் தமிழில் கடந்த 2000-ஆம் ஆண்டு வெளிவந்த பக்தி திரைப்படமாகும். இந்த படத்தில் அம்மனாக மீனா நடித்திருப்பார். மேலும் ராம்கி, விவேக், திவ்யா உன்னி, செந்தில், சரண்ராஜ், மயில் சாமி அகியோர் முக்கிய கதாபாத்திரங்களில் நடித்திருப்பார்கள். இந்த திரைப்படம் சாத்தானிடம் இருந்து குழந்தையை காப்பாற்றி, எவ்வாறு பெற்றோர்களிடம் பாளையத்து அம்மன் கொடுக்கிறாள் என்பது தான் கதை. மேலும் குழந்தையை அம்மன் எடுத்துக்கொள்ள பார்க்கிறாள் என நினைத்து திவ்யா உன்னி பாசப்போராட்டம் செய்வதும் கதையாகும்.

பாளையத்து அம்மன் படத்தில் நடித்த பாப்பா:

பாளையத்து அம்மன் படத்தில் முக்கிய கதாபாத்திரமாக இருப்பது சத்யா-வாக நடித்த குழந்தை நட்சத்திரம்தான். அந்த குழந்தையை வைத்துதான் படத்தின் கதை இருக்கும். அந்த படத்தில் நடித்த பாப்பாவின் பெயர் 'அக்ஷயா ஜெயராம்'.  சமீபத்தில் சேனல் ஒன்றிற்கு அளித்த பேட்டியில் இவரை தற்போது அனைவரும் அடையாளம் கண்டுள்ளனர். 

படத்திற்கு பிரேக்:

அவர் அளித்துள்ள பேட்டியில் எனக்கு 4-வது இருக்கும் போதே படத்தில் நடிப்பதற்கான வாய்ப்புகள் கிடைத்தன். மேலும் பல படங்களில் நடித்தேன். இதனால் என்னுடைய பள்ளிக்கு நான் சரியாக செல்லாமல் ஆப்சென்ட் ஆகுவேன். ஒரு வருடத்திற்கு ஒரு படம் வந்தால் பரவாயில்லை, எனக்கு ஒரு வருடத்தில் 3 படங்கள் வரும். அதனால் என்னால் படிப்பில் கவனம் செலுத்த முடியவில்லை.

எனவே நான் நடிப்பிற்கு பிரேக் எடுத்துவிட்டேன். அதன்பிறகு எனக்கு சினிமா மறந்துவிட்டது. தற்போது நான் மார்க்கெட்டிங் துறையில் பணியாற்றி வருகிறேன் என அவர் தெரிவித்துள்ளார்.

அக்ஷயா ஜெயராம் கோட்டை மாரியம்மன், அழகி, தோஸ்த், ராஜ்ஜியம், ஆஞ்சநேயா மற்றும்  மனசெல்லாம் ஆகிய திரைப்படங்களில் நடித்திருந்தது குறிப்பிடத்தக்கது.