ஒரு காலத்தில் செய்திகள் பத்திரிகைகளில் மட்டுமே வெளியாகும். புகைப்படங்கள் இல்லாமல் செய்திகள் முழுமையாக இருக்காது. ஆனால், அந்த புகைப்படங்கள் பத்திரிக்கை அச்சகத்திற்கு எப்படி சென்றடைந்தன என்பது உங்களுக்குத் தெரியுமா? அதற்கான பதில்தான் Wirephoto. தொலைதூரத்தில் நடக்கும் நிகழ்வுகளின் புகைப்படங்களை உடனடியாக அச்சகத்திற்கு அனுப்பி வைக்கும் ஒரு தொழில்நுட்பம்தான் வயர் ஃபோட்டோ. இந்தத் தொழில்நுட்பம் பத்திரிகை உலகில் ஒரு புரட்சியை ஏற்படுத்தியது. 

Wirephoto என்றால் என்ன? 

ஒயர் ஃபோட்டோ என்பது தொலைபேசி வளையமைப்பு மூலமாக புகைப்படங்களை ஒரு இடத்தில் இருந்து இன்னொரு இடத்திற்கு அனுப்பும் ஒரு தொழில்நுட்பம். இந்த தொழில்நுட்பத்தில், ஒரு புகைப்படம் முதலில் மின்னணு சிக்னலாக மாற்றப்படும். பின்னர் அந்த சிக்னல் தொலைபேசி வலையமைப்பு மூலமாக அனுப்பப்படும். இறுதியில் அந்த சிக்னல் பெறப்பட்ட இடத்தில் மீண்டும் புகைப்படமாக மாற்றப்படும். இந்த முழு செயல்முறையும் சில நிமிடங்களில் நடைபெறும். 

வரலாறு: இந்தத் தொழில்நுட்பத்தின் வரலாறு 19 ஆம் நூற்றாண்டின் இறுதியில் தொடங்கியது. அந்த காலத்தில் புகைப்படங்களை அனுப்ப பல முயற்சிகள் மேற்கொள்ளப்பட்டன. ஆனால், அந்த முயற்சிகள் அனைத்தும் வெற்றி பெறவில்லை. 1900-களின் தொடக்கத்தில் புகைப்படங்களை மின்னணு சிக்னலாக மாற்றும் தொழில்நுட்பம் உருவாக்கப்பட்டது. இது வயர் ஃபோட்டோவின் வளர்ச்சிக்கு ஒரு முக்கிய கட்டமாக அமைந்தது. 1930-களில் வயர் ஃபோட்டோ தொழில்நுட்பம் மேலும் மேம்படுத்தப்பட்டது. இதன் காரணமாக புகைப்படங்களை வேகமாகவும், துல்லியமாகவும் அனுப்பப்பட்டது. இதன் விளைவாக பத்திரிகைகள் தங்கள் வாசகர்களுக்கு புதிய செய்திகளை உடனடியாக வழங்கினர். 

இரண்டாம் உலகப்போரின் போது வயர் ஃபோட்டோ தொழில்நுட்பம் பரவலாக பயன்படுத்தப்பட்டது. போர்க்களத்தில் எடுக்கப்பட்ட புகைப்படங்கள் உடனடியாக பத்திரிகைகளுக்கு அனுப்பப்பட்டன. இது பொதுமக்கள் போரின் கொடுமைகளை உணர்ந்துகொள்ள உதவியது. பின்னர், இந்தத் தொழில்நுட்பம் மேலும் மேம்படுத்தப்பட்டு, புகைப்படங்களை உயர்தரத்தில் அனுப்பும்படி உருவாக்கப்பட்டன. இதனால், பத்திரிகைகள் தங்கள் வாசகர்களுக்கு மிகவும் தரமான புகைப்படங்களை வழங்க முடிந்தது. 

வயர் ஃபோட்டோ தொழில்நுட்பம் பத்திரிகை உலகில் பெரும் புரட்சியை ஏற்படுத்தியது. இதன் காரணமாக பத்திரிகைகள் தங்கள் வாசகர்களுக்கு புதிய செய்தியை உடனடியாக வழங்க முடிந்ததால், மக்கள் மத்தியில் பத்திரிகைகளின் நம்பகத்தன்மை அதிகரித்தது. இது பத்திரிக்கைத் துறையின் வளர்ச்சிக்கு முக்கியமான ஒன்றாக அமைந்தது. 

அந்த காலத்தில் இந்தத் தொழில்நுட்பம் கண்டுபிடிக்கப்படவில்லை என்றால், இன்று நாம் பத்திரிகைகளில் காணும் புகைப்படங்கள் இல்லாமலேயே போயிருக்கும். இந்த தொழில்நுட்பம் பத்திரிக்கைத் துறை மட்டுமின்றி, மேலும் பல துறைகளிலும் பரவலாக பயன்படுத்தப்பட்டது.