காய் மிக்சர்

தேவை: உருளைக்கிழங்கு - 2, மரவள்ளிக்கிழங்கு, சேப்பங்கிழங்கு - தலா ¼ கிலோ, முந்திரிப் பருப்பு - 25 கிராம், உப்பு, காரம், எண்ணெய், கறிவேப்பிலை - தேவைக்கு.

செய்முறை: தோல் நீக்கிய கிழங்குகளை மெலிதாகச் சீவவும். எண்ணெயில் மொரமொரப்பாகப் பொரித்து, உப்பு, காரம், பொரித்த கறிவேப்பிலை. முந்திரிப் பருப்பு சேர்க்கவும்.

- இந்திரா சந்திரன், திருச்சி

புஜியா

தேவை: பச்சரிசி மாவு - 2 கப், தயிர், பால் ஏடு, எலுமிச்சைச் சாறு - தலா 2 டீஸ்பூன், மிளகுப் பொடி - 1½ டீஸ்பூன், உப்பு – ¼ டீஸ்பூன், எண்ணெய் - பொரிக்க.

செய்முறை: எல்லாப் பொருள்களையும் ஒன றாகக் கலந்து, நீர் சேர்த்துப் பிசையவும். பெரிய கண் ஓமப்பொடி அச்சில் மாவைப் போட்டு எண்ணெயில் பொரிக்கவும்.

- அனுஷ்யா மம்தோரா, சென்னை

வாழைக்காய் ரிப்பன் பகோடா

தேவை: வாழைக்காய் - 1, கடலை மாவு, அரிசி மாவு - தலா ½ கப், வெண்ணெய்- 1 டீஸ்பூன், உப்பு, மிளகாய்த் தூள், எண்ணெய் - தேவைக்கு.

செய்முறை: தோல் சீவி வேகவைத்த வாழைக்காயை மிக்ஸியில் போட்டு மசிக்கவும். மாவுகள், இதரப் பொருள்களை விழுதுடன் சேர்த்துப் பிசையவும். பிசைந்த மாவை நாடா அச்சில் போட்டுப் பிழியவும்.

- ஆர்.வேதவல்லி, சென்னை