இன்றைக்கு சுவையான புதினா வெண்பொங்கல் மற்றும் முருங்கைக்காய் ஊறுகாய் ரெசிபியை ஈஸியா வீட்டிலே எப்படி செய்யலாம்னு பார்ப்போம்.

புதினா வெண்பொங்கல் செய்ய தேவையான பொருட்கள்:

பச்சரிசி-1கப்

பாசிப்பருப்பு-1/2 கப்.

தண்ணீர்-5கப்.

நெய்- தேவையான அளவு.

முந்திரி-10.

புதினா-1 கைப்பிடி.

பச்சைமிளகாய்-1

இஞ்சி-1 துண்டு.

சீரகம்-1 தேக்கரண்டி.

மிளகு-1 தேக்கரண்டி.

உப்பு-தேவையான அளவு.

புதினா வெண்பொங்கல் செய்முறை விளக்கம்:

முதலில் குக்கரில் 1 கப் பச்சரிக்கு ½ கப் பாசிப்பருப்பை சேர்த்து சூடாகும் வரை வறுத்துவிட்டு இதை கழுவி எடுத்துக்கொள்ளவும். இப்போது இதை குக்கரில் சேர்த்து அத்துடன் 5 கப் தண்ணீர், 2 தேக்கரண்டி நெய் சேர்த்து 4 விசில் விட்டு நன்றாக வேக வைத்து எடுத்துக்கொள்ளவும்.

இப்போது ஒரு கைப்பிடி புதினா, பச்சை மிளகாய் 1, இஞ்சி 1 துண்டு சேர்த்து நன்றாக பேஸ்டாக அரைத்துக் கொள்ளவும். அடுப்பில் ஃபேனை வைத்து 5 தேக்கரண்டி நெய், உடைத்த முந்திரி 10, சீரகம் 1 தேக்கரண்டி, மிளகு 1 தேக்கரண்டி சேர்த்து பொதினா பேஸ்டை சேர்த்து நன்றாக தண்ணீர் சுண்டும் வரை வதக்கிக்கொள்ளவும்.

அரிசி,பருப்பை நன்றாக குழைய வேக வைத்ததுடன் உப்பு தேவையான அளவு, செய்த பொதினா பேஸ்ட்டை சேர்த்து கிளறிவிட்டு 1 தேக்கரண்டி நெய்விட்டு கிண்டி இறக்கினால் சுவையான புதினா வெண்பொங்கல் தயார். நீங்களும் இந்த ரெசிபியை வீட்டிலே ட்ரை பண்ணிப் பார்த்துட்டு சொல்லுங்க.

முருங்கைக்காய் ஊறுகாய் செய்ய தேவையான பொருட்கள்:

முருங்கைக்காய்-2

கடுகு-2 தேக்கரண்டி.

வெந்தயம்-1தேக்கரண்டி.

புளி-எழுமிச்சை பழ அளவு.

நல்லெண்ணெய்-1 தேக்கரண்டி.

ஊறுகாய் தாளிக்க,

காய்ந்த மிளகாய்-3

பூண்டு-10

கடுகு-1 தேக்கரண்டி.

நல்லெண்ணெய்-1 குழிக்கரண்டி.

கருவேப்பிலை-தேவையான அளவு.

மிளகாய் தூள்-1 தேக்கரண்டி.

கடுகு வெந்தய பொடி-1 தேக்கரண்டி.

உப்பு-தேவையான அளவு.

முருங்கைக்காய் ஊறுகாய் செய்முறை விளக்கம்:

முதலில் 2 பெரிய முருங்கைக்காயை வெட்டி எடுத்துக்கொள்ளவும். அடுப்பில் ஃபேனை வைத்து 2 தேக்கரண்டி கடுகு, 1 தேக்கரண்டி வெந்தயத்தை வறுத்து எடுத்து பொடியாக அரைத்து வைத்துக் கொள்ளவும். எழுமிச்சைப்பழ அளவு புளியை தண்ணீரில் கரைத்து கெட்டியான பேஸ்டை எடுத்து வைத்துக்கொள்ளவும்.

இப்போது ஃபேனில் புளி பேஸ்ட்டை சேர்த்து 1 தேக்கரண்டி நல்லெண்ணெய் சேர்த்து நன்றாக கெட்டியான பதத்திற்கு வதக்கி எடுத்துக்கொள்ளவும். இப்போது  ஃபேனில் நல்லெண்ணெய் 1 குழிக்கரண்டி சேர்த்துக்கொண்டு முருங்கைக்காயை அதில் சேர்த்து நன்றாக வதக்கி எடுத்துவிட்டு அதே எண்ணெய்யில் காய்ந்த மிளகாய் 3, கடுகு 1 தேக்கரண்டி, தட்டிய பூண்டு 10, கருவேப்பிலை சிறிதளவு சேர்த்து பொரித்து எடுத்து வைத்துக் கொள்ளுங்கள்.

இப்போது ஒரு பாத்திரத்தில் மிளகாய் தூள் 3 தேக்கரண்டி, வறுத்து அரைத்த கடுகு வெந்தயப்பொடி1 தேக்கரண்டி, தேவையான அளவு உப்பு, பொரிச்ச முருங்கைக்காயை சேர்த்து கலந்துவிட்டு புளி பேஸ்ட்டை சேர்த்து கடைசியாக வறுத்து வைத்திருக்கும் கருவேப்பிலை வரமிளகாய் கலவையை சேர்த்து நன்றாக கலந்துவிடவும். இதை 5 மாதம் வரை சேமித்து பயன்படுத்தலாம் நல்ல சுவையாக இருக்கும். நீங்களும் இந்த ரெசிபியை வீட்டிலே ட்ரை பண்ணிப் பார்த்துட்டு சொல்லுங்க.