* பெரும்பான்மையான ஆண்களுக்குப் பேசுவதைக் காட்டிலும் கேட்பதற்குத்தான் அதிகமாகப் பிடிக்கும்.
* அதிகமான ஆண்கள் தங்கள் உணர்வுகளை வெளிப்படுத்த மாட்டார்கள். அவை எப்படிப்பட்ட பெரும் பிரச்னையாக இருந்தாலும் சரி, தாங்கள் இயல்பாக இருப்பது போலவே காட்டிக்கொள்வார்கள்.
* ‘நான் யார்? என்னால் என்ன முடியும்? என்னுடைய திறன் என்ன?’ போன்றவற்றை மற்றவர்களுக்குத் தெரியப்படுத்திக்கொண்டே இருப்பார்கள்.
* ஒரு நேரத்தில் ஒரு வேலையில் மட்டுமே கவனம் உடையவர்களாக இருப்பார்கள். அவர்களால் பெண்களைப்போல் ஒரே நேரத்தில் பல வேலைகளில் கவனம் செலுத்த முடியாது.
* விளையாட்டு, செய்திகள், பருவநிலை, காலநிலை, இன்றைய சூழ்நிலை போன்ற வெளி உலகம் சார்ந்த விஷயங்களை அறிந்துகொள்வதில் ஆண்கள் மிகவும் ஆர்வம் செலுத்துவார்கள்.
* எல்லாவற்றிலும் தனித்துவமாக இருக்க வேண்டும் என்று நினைப்பவர்கள். அது மட்டுமின்றி, மற்றவர்கள் ஏதாவது அறிவுரை வழங்கினால் அவர்களுக்குப் பிடிக்காது.
* முக்கியமான நாட்கள், முக்கியமான விழாக்களை நினைவில் வைத்துக்கொள்வது கொஞ்சம் கடினமான ஒன்று. அதனால் முக்கியமான தினங்களை எல்லாம் மறந்து, மனைவியிடம் திட்டு வாங்கும் ஆண்கள் பலர் இங்கு உள்ளனர்.
* ‘எடுத்தோம் கவிழ்த்தோம்’ என்று ஒரு செயலைச் செய்ய மாட்டார்கள். ஒரு செயலைத் தொடங்கும்முன் அந்தச் செயலால் வரும் நன்மை, தீமைகளை நன்கு ஆராய்ந்துதான் ஒரு முடிவை எடுப்பார்கள்.
* பெண்களின் மனநிலையைப் புரிந்துகொள்வது அவர்களுக்கு சவாலாகவே இருக்கும். குறிப்பாக பெண்களின் முக பாவனையை வைத்து அவர்களின் மனநிலையை அவ்வளவு எளிதில் புரிந்துகொள்ள முடியாது.
குறிப்பு: எல்லா ஆண்களும் இதேபோல்தான் இருப்பார்கள் என்று எண்ணிவிட வேண்டாம்! இவை ஆண்கள் இடையே பொதுவாகக் காணப்படும் குணாதிசயங்கள்! அவர்களுடன் பழகிப் பார்த்து அவர்களைப் புரிந்துகொள்வது சிறப்புடையதாக இருக்கும்.