காலை நேரம் என்பது ஒரு நாளின் மிகவும் முக்கியமான பகுதி. இந்த நேரத்தில் நாம் செய்யும் செயல்கள் அன்றைய நாளின் உற்பத்தித்திறன் மற்றும் மனநிலையை பெரிதும் பாதிக்கும். பல வெற்றிகரமான நபர்கள் காலை நேரத்தை சிறப்பாகப் பயன்படுத்துவதன் மூலம் தங்கள் இலக்குகளை எளிதாக அடைய முடிந்ததாகக் கூறுகின்றனர்.‌ இந்தப் பதிவில் வாழ்க்கையில் வெற்றி பெற காலை 11 மணிக்கு முன்னதாக செய்ய வேண்டிய 7 முக்கியமான விஷயங்கள் பற்றி விரிவாகப் பார்க்கலாம். 

1. அதிகாலையில் எழுந்து தியானம்: தினசரி போதிய அளவு தூங்குவது மிகவும் முக்கியம் என்றாலும், அதிகாலையில் எழுந்து தியானம் செய்வது மனதை அமைதிப்படுத்தி ஒரு நாளுக்கு நல்ல தொடக்கத்தைக் கொடுக்கும். தியானத்தின் மூலம் நாம் மன அழுத்தத்தைக் குறைத்து, உள் உணர்வுகளுடன் இணைந்து, ஒரு நாளைக்கு என்ன செய்ய வேண்டும் என்பதை தெளிவாக அறிந்து கொள்ளலாம். 

2. உடற்பயிற்சி: உடற்பயிற்சி செய்வது உடல் நலத்தை மேம்படுத்துவதுடன், மனதையும் புத்துணர்ச்சியாக வைத்திருக்கும். காலை நேரத்தில் 30 நிமிடங்கள் உடற்பயிற்சி செய்வது, உடலில் ஆற்றலை அதிகரித்து, நாள் முழுவதும் உற்சாகமாக இருக்க உதவும். 

3. காலை உணவு: காலை உணவு என்பது மிகவும் முக்கியமானது. இது உடலுக்குத் தேவையான ஆற்றலை அளித்து, நாள் முழுவதும் உற்சாகமாக இருக்க உதவும். காய்கறிகள், பழங்கள், தானியங்கள் போன்ற ஊட்டச்சத்துக்கள் மிக்க உணவுகளை காலை உணவில் சேர்த்துக் கொள்ளுங்கள். 

4. திட்டமிடல்: காலை நேரத்தில் அன்றைய நாளின் மிக முக்கியமான பணிகளைத் திட்டமிடுவது நேரத்தை சிறப்பாகப் பயன்படுத்த உதவும். இதன் மூலம் எந்த வேலையை முதலில் செய்ய வேண்டும், எவ்வளவு நேரம் அதற்கு ஒதுக்க வேண்டும் என்பதை முடிவு செய்யலாம். 

5. கற்றல்: புதிய விஷயங்களை கற்றுக்கொள்வது மற்றும் திறன்களை மேம்படுத்துவது வாழ்க்கையில் வெற்றி பெற மிகவும் முக்கியம். காலை நேரத்தில் புத்தகம் படித்தல், இணையத்தில் ஏதாவது படித்தல் அல்லது புதிய திறன்களை வளர்த்துக் கொள்வதற்கு நேரத்தை ஒதுக்கலாம். 

6. நேர்மறை சிந்தனை: எப்போதும் நேர்மறையாக சிந்திக்க கற்றுக் கொள்ளுங்கள். நேர்மறையான எண்ணங்கள் நம் வாழ்க்கையை நேர்மறையான திசையில் மாற்றும். காலை நேரத்தில் நேர்மறையான உறுதிமொழிகளை எடுத்து, நேர்மறையாக செயல்பட்டால் வாழ்க்கையில் சரியான திசையை நோக்கி பயணிக்க உதவியாக இருக்கும். 

7. சமூக ஊடகங்கள்: முடிந்தவரை காலை 11 மணிக்கு முன்பாக சமூக ஊடகங்கள் பயன்படுத்துவதைத் தவிர்க்கவும். இவை நம்மை பெரிதும் பாதிக்கும்.‌ காலை வேளையில் சமூக ஊடகங்களிலிருந்து விலகி இருப்பது நம்மை மன அழுத்தத்தில் இருந்து விடுவித்து, உற்பத்தித் திறனை அதிகரிக்கும். 

காலை நேரத்தை சிறப்பாக பயன்படுத்துவது வாழ்க்கையில் வெற்றி பெற மிகவும் முக்கியம். மேலே குறிப்பிட்ட ஏழு விஷயங்களை தினமும் பின்பற்றுவதன் மூலம், நாம் மனதளவிலும் உடல் ரீதியாகவும் நலமாக இருக்கலாம். இதன் மூலம் நம் இலக்குகளை எளிதாக அடைய முடியும்.