தேசிய புத்தக காதலர் தினம் - 09-08-2024 - குழந்தைகளின் உலகத்தை விரிவாக்கும் புத்தக  வாசிப்பு!

ஒவ்வொரு ஆண்டும் ஆகஸ்ட்_9 அன்று தேசிய புத்தக காதலர் தினம் கொண்டாடப் படுகிறது. இது ஒரு அதிகாரபூர்வமற்ற விடுமுறை நாளாகும். இது புத்தகம் எழுதுபவர்களை வாசிப்பு மற்றும் இலக்கியத்தை கொண்டாட ஊக்குவிப்பதற்காக அனுசரிக்கப்படுகிறது. 

கற்றல், வாசிப்பு மற்றும் புத்தகங்கள், மக்களின் மனதில் உருவாகும் ஆர்வத்தை மகிழ்ச்சியுடன் கொண்டாடுவதற்காக ஆண்டு தோறும் புத்தக ஆர்வலர்கள் இந்த தினத்தை கொண்டாடுகிறார்கள். 

புத்தகத்தை விட நல்ல நண்பன் உண்டோ! அவை நாம் வளரவும், கற்றுக் கொள்ளவும், நம்முடைய கற்பனைத் திறனை அதிகரிக்கவும், உலகத்தை பற்றிய புரிதலை விரிவு படுத்தவும் உதவுகின்றன. 

புத்தகங்களை படிப்பது நம்மை மகிழ்விப்பதோடு மட்டுமல்லாமல் வாழ்க்கையின் சிலவற்றையும் கற்றுக் கொடுக்கிறது. மற்றும் நமது சிந்தனை, செயல் முறையை செம்மைபடுத்துகிறது. 

புத்தகம் தோன்றிய வரலாறு:

காகிதம்  உருவாவதற்கு முன்பே, மாத்திரைகள், வேலைப்பாடுகள், மற்றும் கையெழுத்து பிரதிகள் உட்பட பல வடிவங்களில் புத்தகங்கள் தோன்றின. கி.மு 3500 இல் மெசபடோமியர்கள் கியூனிஃபார்ம் என்று அழைக்கப்படும் கேலமஸ் தாவரத்தின் தண்டுகளைப் பயன்படுத்தி தயாரிக்கப்பட்ட ஒரு கூர்மையான கருவியை பயன்படுத்தி களிமண் மாத்திரைகளில் சின்னங்களை வெட்டினர். 

1436 ம் ஆண்டில் ஜெர்மனி யில் 'ஜோஹன்னஸ் குட்டன்பெர்க்' என்பவரால் பைபிள் புத்தகங்களை அச்சிடும் நோக்கத்துடன் அச்சகம் நிறுவப்பட்டது. ஆனால் விரைவில் அச்சகம் வெவ்வேறு விஷயங்களை அச்சிடுவதற்குப் பயன்படுத்தப்பட தொடங்கியது. அவற்றில் ஒன்றாக தொடங்கியது தான் புத்தகங்கள்.

புத்தக காதலர் தினத்தின் முக்கியத்துவம்:

வாசிப்பு என்பது இரு மனங்களுக்கு இடையிலான உரையாடல் என்பதால் நம்மை நாமே கண்டறிய உதவுகிறது. உலகத்தை அதன் பக்கங்கள் மூலம் அறிய உதவுகிறது. 

வாசிப்பு நமது எண்ணங்களை வளர்த்து கொள்வதற்கும், தற்போதைய அனுபவங்கள்  நமக்கு தெரிந்து கொள்வதற்கும் உதவுகிறது. படிப்பதால், பக்கவிளைவுகளோ, மோசமான தாக்கங்களோ இல்லை. புதிய கண்ணோட்டங்களுடன் மேலும் சிந்திக்கவும், புத்தகங்கள் நமக்கு உதவுகின்றன. 

கற்றல் மற்றும் தகவல்களை தெரிந்து கொள்வதற்கு, பின்னால் இருக்கும் ஒரே உந்துதலுக்காக புத்தகங்களைப் படிப்பதும் மற்றும் பிறரை பாராட்டும் பழக்கத்தை மீண்டும் கொண்டு வந்ததற்காக இந்த நாள் புத்தக ஆர்வலர்களால் பாராட்டப்படுகிறது. 

“சில புத்தகங்கள் ருசிக்கப் பட வேண்டும். மற்றவை விழுங்கப்பட வேண்டும். சிலவற்றை மென்று ஜீரணிக்க வேண்டும்.”

புத்தகங்களை எடுத்து படிக்கும் போது, வாசிப்பு பச்சாதாபம், விமர்சன சிந்தனை, கற்பனை, மற்றும் எழுத்தறிவு திறன், ஆகியவை உருவாக்குகின்றன.

வாசிப்பு பொழுதுபோக்கு மட்டுமன்றி பல ஆரோக்கிய நன்மைகளையும் அளிக்கும் என்று ஆய்வுகள் தெரிவிக்கின்றன. 

வாசிப்பு மன அழுத்தத்தை குறைத்து மூளையை கூர்மையாக்க உதவுகிறது. மேலும் நல்ல தூக்கத்தை தருகிறது. 

வாசிப்பு என்பது மனதில் இலவச மூலப்பொருளை எடுத்து சாத்திய கூறுகளின் கோட்டைகளை உருவாக்குவதால், நாகரீகத்தின் மிக பெரிய செயல்களில் ஒன்றாகும். 

இந்த நாளில் புத்தக அலமாரிகளை சுத்தம் செய்து  புத்தகங்களை மறு சீரமைக்கலாம். மேலும் தொலைபேசிகளைத் தவிர்த்து விட்டு நூலகத்திலோ அல்லது வாசகர்களோ ஒன்று கூடி புத்தகங்களுக்கான தங்களின் பரந்த மகிழ்ச்சியை ஒரு மகத்தான அறிவார்ந்த சுவராசிமான உண்மைகளை தெரிந்து கொள்ளலாம். 

குழந்தைகளே! உங்கள் உலகத்தை பெரிதாக்க, புத்தகங்களில் மீது காதல் கொள்ளுங்கள்!