தென்னாப்பிரிக்காவில் அகிம்சை வழியில் அடிமைச் சங்கிலியை உடைந்தெறிந்த மாபெரும் தலைவராக நெல்சன் மண்டேலா பிறந்த ஜூலை 18ம் தேதி ஒவ்வொரு ஆண்டும் சர்வதேச நெல்சன் மண்டேலா தினமாக கொண்டாடப்படுகிறது.

தென்னாப்பிரிக்க கறுப்பின மக்களின் விடுதலைக்காக 18 ஆண்டுகள் சிறையில் அகிம்சை வழியில் போராடிய நெல்சன் மண்டேலா, மகாத்மா காந்திக்கு பிறகு அறவழி போராட்டத்தின் அடையாளமாக இன்றளவும் பார்க்கப்படுகிறது. நெல்சன் மண்டேலாவின் அகிம்சை வழி போராட்டத்தை கௌரவிக்கும் வகையில் அவருக்கு 1993ம் ஆண்டு அமைதிக்கான நோபல் பரிசு வழங்கி கௌரவிக்கப்பட்டது.

1918 ஆம் ஆண்டு ஜூலை 18 ஆம் தேதி தென்னாப்பிரிக்காவில் பிறந்த நெல்சன் மண்டேலா, துன்பங்களை எதிர்கொண்ட போதிலும் நம்பிக்கை மற்றும் ஒற்றுமையின் அடையாளமாக வளர்ந்தார். சவால்களை எதிர்கொண்ட போதிலும், அவர் அமைதி, நல்லிணக்கம் மற்றும் சமத்துவத்தின் கலங்கரை விளக்கமாக வெளிப்பட்டார். சமூக நீதி மற்றும் மனித உரிமைகள் மீதான அவரது அசைக்க முடியாத நம்பிக்கை அவரை உலகின் போற்றுதலுக்கு உரிய தலைவராக உயர்த்தியது.

வரலாறு:

2009 ஆம் ஆண்டு மண்டேலாவின் 91வது பிறந்தநாளில் ஐக்கிய நாடுகள் சபை சர்வதேச நெல்சன் மண்டேலா தினத்தை அதிகாரப்பூர்வமாக அங்கீகரித்தது . அனைவருக்கும் அமைதி, சுதந்திரம் மற்றும் சமத்துவத்தை மேம்படுத்துவதற்கான அவரது குறிப்பிடத்தக்க முயற்சிகளுக்கு இதுவொரு சர்வதேச அஞ்சலியாக கருதப்படுகிறது. மண்டேலா தனது வாழ்நாள் முழுவதும் செய்ததைப் போலவே, தனிநபர்கள் நடவடிக்கை எடுக்கவும் அவர்களின் நடவடிக்கை சமூகத்தில் மாற்றத்தை ஏற்படுத்தவும் இந்த நாளின் நோக்கமாக உள்ளது.

நெல்சன் மண்டேலா சர்வதேச தினம் 2023 தீம்:

இந்த ஆண்டிற்கான தீம் "உங்கள் மூலம் மனித சமூக மரபு வாழ்கிறது: காலநிலை மாற்றம் மற்றும் அனைவருக்கும் சத்தான உணவு கிடைப்பதை உறுதி செய்தல் ஆகியவற்றின் அவசரத் தேவையை இந்த ஆண்டுக்கான கருப்பொருளாக உள்ளது. மேலும், உலகளாவிய சவால்களை சமாளிப்பதில் ஒற்றுமை மற்றும் ஒத்துழைப்பின் முக்கியத்துவத்தை நெல்சன் மண்டேலா சர்வதேச தினம் 2023 தீம் அடிக்கோடிட்டுக் காட்டுகிறது.