உக்ரைனுக்கு எதிரான போரில் ரஷ்யாவுக்கு ஆதரவாக வடகொரியா களமிறங்கியுள்ளது. அதாவது, வடகொரியா 10,000 பேரை ரஷ்யாவுக்கு அனுப்பியுள்ளதாகத் தகவல் வெளியாகி உள்ளது. அதில் ஒரு பகுதியினர் ஏற்கெனவே போரில் ஈடுபடுத்தப்பட்டுள்ளதாக அமெரிக்க ராணுவத் தலைமையகமான பென்டகன் தகவல் தெரிவித்துள்ளது.

டிஜிட்டல் பணப் பரிமாற்ற மோசடி செய்ய முயற்சிக்கும் சைபர் குற்றவாளிகளைப் பற்றி மத்திய அரசு எச்சரிக்கை விடுத்துள்ளது. அதாவது, Peace Pay, RTX Pay, Pocco Pay, RP Pay போன்ற பெயர்களில் வெளிநாட்டவர்கள் மோசடியில் ஈடுபடுவதாக விசாரணையில் தகவல் கிடைத்துள்ளது என மத்திய அரசு தெரிவித்துள்ளது.

வாக்காளர் பட்டியலில் பெயர் திருத்தம் செய்யும் பணி தொடங்குவதால் இன்று வரைவு வாக்காளர் பட்டியல் வெளியிடப்பட்டுள்ளது. நவம்பர் 16, 17 மற்றும் 23, 24ம் தேதிகளில் அன்று சிறப்பு முகாம்கள் நடத்த தேர்தல் ஆணையம் ஏற்பாடு செய்துள்ளது.

நடிகர் விக்ரம் நடிக்கும், ‘வீர தீர சூரன்’ - பாகம் 2 திரைப்படத்தின் தமிழ்நாடு வெளியீட்டு உரிமத்தை 5 ஸ்டார் நிறுவனம் பெற்றுள்ளதாக அப்படக்குழு அறிவித்துள்ளது.

காயம் காரணமாக இந்திய அணிக்கு எதிரான 3வது டெஸ்ட் கிரிக்கெட் போட்டியில் இருந்தும் கேன் வில்லியம்சன் விலகியுள்ளார். அடுத்த மாதம் நடைபெறவுள்ள இங்கிலாந்து கிரிக்கெட் அணிக்கு எதிரான தொடருக்காக வில்லியம்சனுக்கு கூடுதல் ஓய்வு அளிக்க நியூசிலாந்து அணி நிர்வாகம் முடிவு செய்துள்ளது.