எடைய குறைக்கனுமா? - அப்போ இந்த சோயா ராகி அடைய மட்டும் சாப்பிடுங்க!

நம்ம உணவுல புரதச்சத்தும், நார்ச்சத்தும்தான் ரொம்ப முக்கியம்னு தெரியும். அந்த லிஸ்ட்ல நம்ம கேழ்வரகு நார்ச்சத்துக்கும், சோயா புரதச்சத்துக்கும் ரொம்ப ஃபேமஸ். இந்த ரெண்டையும் சேர்த்து ஒரு சுவையான அடை செஞ்சா எப்படி இருக்கும்? அதோட டேஸ்ட்டும், ஆரோக்கியமும் வேற லெவல். இது குழந்தைகளுக்கு, டயட்ல இருக்குறவங்களுக்குனு எல்லாருக்கும் பெஸ்ட் சாய்ஸ். வாங்க, இந்த அடை எப்படி செய்யறதுன்னு பார்க்கலாம்.

தேவையான பொருட்கள்:

• கேழ்வரகு மாவு - 1 கப்

• சோயா மாவு - கால் கப்

• அரிசி மாவு - 2 டேபிள் ஸ்பூன்

• பெரிய வெங்காயம் - 1

• பச்சை மிளகாய் - 1 

• இஞ்சி - 1 டீஸ்பூன்

• கறிவேப்பிலை, கொத்தமல்லி இலை - கொஞ்சம்

• சீரகம் - அரை டீஸ்பூன்

• உப்பு - தேவையான அளவு

• தண்ணீர் - மாவு பிசைய தேவையான அளவு

• எண்ணெய்/நெய் - அடை சுட தேவையான அளவு

செய்முறை:

முதல்ல ஒரு பெரிய பவுலை எடுத்துக்கோங்க. அதுல கேழ்வரகு மாவு, சோயா மாவு, அரிசி மாவு மூணையும் ஒண்ணா சேர்த்துக்கோங்க. இப்போ பொடியாக நறுக்கின வெங்காயம், பச்சை மிளகாய், துருவிய இஞ்சி, கறிவேப்பிலை, கொத்தமல்லி இலை, சீரகம் மற்றும் தேவையான உப்பு எல்லாத்தையும் சேருங்க.

எல்லாத்தையும் நல்லா கலந்து விட்டதுக்கு அப்புறம், கொஞ்சம் கொஞ்சமா தண்ணி சேர்த்து மாவை பிசைஞ்சுக்கோங்க. மாவு ரொம்ப தண்ணியா இருக்கக்கூடாது. அடை மாவு மாதிரி வழக்கமான தோசை மாவை விட கொஞ்சம் கெட்டியா இருக்கணும். மாவை பிசைஞ்சதும் ஒரு 15 நிமிஷம் அப்படியே ஊற விடுங்க.

இப்போ அடுப்புல தோசைக்கல்ல வச்சு நல்லா சூடு பண்ணுங்க. தோசைக்கல்ல சூடானதும், அடுப்ப மிதமான தீயில வச்சுக்கோங்க. மாவை ஒரு கரண்டியில எடுத்து, கல்லுல ஊத்தி மெல்லமா அடை மாதிரி பரப்பி விடுங்க. அடை ரொம்ப மெல்லிசா இருக்க வேண்டாம், கொஞ்சம் திக்காவே இருக்கட்டும்.

அடைய சுத்தி எண்ணெய் இல்லனா நெய் ஊத்தி, ரெண்டு பக்கமும் நல்லா பொன்னிறமா, மொறுமொறுப்பா ஆகுற வரைக்கும் சுட்டு எடுங்க. அடை மெதுவா வேகணும், அப்போதான் உள்ள இருக்க மாவு எல்லாம் நல்லா வெந்து மொறுமொறுப்பா வரும்.

புரதச்சத்தும், நார்ச்சத்தும் நிறைந்த, சுவையான சோயா ராகி அடை ரெடி! இதை அப்படியே சாப்பிடலாம் இல்லனா தேங்காய் சட்னி, புதினா சட்னி கூட வச்சு சாப்பிடலாம். ரொம்ப ஈஸியான இந்த ரெசிபிய நீங்களும் உங்க வீட்ல கண்டிப்பா ட்ரை பண்ணி அசத்துங்க.