கடலை மாவில் இருக்கும் கொடிய விஷம்... 3 நிமிடத்தில் செக் செய்யும் சூப்பர் ட்ரிக்!

மாலை நேரங்களில் சுடச்சுட பஜ்ஜி அல்லது போண்டா சாப்பிடுவது எனக்கு மிகவும் பிடிக்கும். இதற்காக கடைகளில் விற்கப்படும் கடலை மாவு பாக்கெட்டுகளை வாங்கி நான் பலமுறை சமைத்து இருக்கிறேன்.

ஆனால் நாம் விரும்பி உண்ணும் அந்த உணவில் பல ஆபத்தான வேதிப்பொருட்கள் சேர்க்கப்படுகின்றன என்பதை சமீபத்தில் அறிந்து நான் மிகவும் அதிர்ச்சியடைந்தேன். ஆனால் கடலை மாவில் கலப்படத்தை நாமே வீட்டில் எளிதாகக் கண்டுபிடித்து விடலாம்.

லாபத்திற்காக சேர்க்கப்படும் நஞ்சுகள்! 

அதிக லாபம் சம்பாதிக்க வேண்டும் என்பதற்காக சில வியாபாரிகள் எடையைக் கூட்ட கேசரி பருப்பு மாவைக் கலக்கிறார்கள். மேலும் இது பார்ப்பதற்கு நல்ல பிரகாசமான மஞ்சள் நிறத்தில் இருக்க வேண்டும் என்பதற்காக மெட்டானில் எல்லோ (Metanil Yellow) என்ற ஆபத்தான செயற்கை சாயத்தையும் சேர்க்கிறார்கள்.

இதைத் தொடர்ந்து சாப்பிட்டால் நரம்புப் பாதிப்பை ஏற்படுத்தும் லாத்திரிசம் (Lathyrism) என்ற மோசமான நோய் வருவதற்கு அதிக வாய்ப்புகள் உள்ளன.

மூன்று நிமிட பரிசோதனை!

இந்திய உணவுப் பாதுகாப்பு மற்றும் தர நிர்ணய ஆணையம் (FSSAI) இதை மிக எளிதாகக் கண்டறியும் ஒரு சூப்பரான முறையை நமக்கு அறிமுகம் செய்துள்ளது. ஒரு சிறிய கண்ணாடிப் பாத்திரத்தில் 1 கிராம் அளவிலான கடலை மாவு மற்றும் 3 மிலி தண்ணீரை ஊற்றி நன்றாகக் கலக்கிக் கொள்ள வேண்டும். அதில் 2 மிலி Concentrated HCl அமிலத்தைச் சேர்த்து நன்றாகக் குலுக்க வேண்டும்.

அமிலம் சேர்த்த பிறகு அந்தக் கலவையை 2 நிமிடங்கள் வரை அப்படியே அசையாமல் வைக்க வேண்டும். அதன் நிறம் இளஞ்சிவப்பு அல்லது மெஜந்தா நிறமாக மாறினால் அதில் நிச்சயம் கொடிய செயற்கை சாயம் சேர்க்கப்பட்டுள்ளது என்பதை நாம் உறுதியாக நம்பலாம். நிறத்தில் எந்தவொரு மாற்றமும் நிகழவில்லை என்றால் அது முற்றிலும் கலப்படம் இல்லாத மிகவும் சுத்தமான, தரமான பொருளாகும்.

சுண்ணாம்புத் தூளை கண்டறியும் முறை! 

சில இடங்களில் எடையை அதிகரிப்பதற்காகச் சாதாரண சாக் பவுடர் எனப்படும் சுண்ணாம்புத் தூளையும் இதில் கலக்கிறார்கள். ஒரு கண்ணாடி டம்ளரில் தூய்மையான தண்ணீரை நிரப்பி அதில் 1 ஸ்பூன் மாவைத் தூவினால் அது நேராகக் கீழே சென்று படிய வேண்டும். தண்ணீர் உடனடியாக மேகமூட்டம் போல மங்கலாக மாறி மாவு மிதந்தால் அதில் நிச்சயம் சுண்ணாம்புத் தூள் சேர்க்கப்பட்டுள்ளது என்பதை அறியலாம்.

நமது குடும்பத்தின் ஆரோக்கியம் என்பது நாம் தேர்ந்தெடுக்கும் உணவுப் பொருட்களில் தான் முழுமையாக அடங்கியுள்ளது. ஒவ்வொரு முறையும் சந்தையில் பொருட்களை வாங்கும் போது அங்கீகரிக்கப்பட்ட பிராண்டுகளை மட்டுமே பார்த்து வாங்குவது பாதுகாப்பானது. 

சந்தேகப்படும்படியான தரத்தில் பொருட்கள் இருந்தால் மேற்சொன்ன எளிய பரிசோதனைகளைச் செய்து நீங்கள் வாங்கும் கடலை மாவில் எவ்விதமான கலப்படமும் இன்றி மிகவும் பாதுகாப்பாகவும் ஆரோக்கியமாகவும் வைத்துக் கொள்ளுங்கள்.