கையில் இருக்கும் செல்போனை வைத்தே நீங்கள் நினைத்ததை சாதிக்கலாம்... இதோ அந்த சீக்ரெட்!

இன்றைய காலகட்டத்தில் செல்போன் இல்லாமல் ஒரு நிமிடம் கூட நம்மால் இருக்க முடியாது. காலையில் எழுந்தவுடன் முதல் வேலையாக மொபைல் ஸ்க்ரீனை தான் பலரும் பார்க்கிறோம். போன் என்றாலே அது நேரத்தை வீணடிக்கும் ஒரு பொருள் என்ற முத்திரை எல்லோர் மனதிலும் ஆழமாக பதிந்துவிட்டது. 

ஆனால், அந்த சின்ன திரைக்குள் உங்களின் ஒட்டுமொத்த வாழ்க்கையையும் மாற்றும் ஒரு மிகப்பெரிய சக்தி ஒளிந்திருக்கிறது. ஈர்ப்பு விதி எனப்படும் Law Of Attraction-ஐ நமது ஸ்மார்ட்போன் மூலம் எப்படி மிக எளிதாக செயல்படுத்துவது எனத் தெரிந்து கொள்ளலாம் வாங்க.

வால்பேப்பர்!

நாம் ஒரு நாளைக்கு குறைந்தது நூறு முறையாவது நமது மொபைலின் லாக் ஸ்க்ரீனை பார்ப்போம். அந்த இடத்தை ஒரு டிஜிட்டல் விஷன் போர்டாக மாற்றுவதுதான் முதல் படி. உங்களுக்கு எந்த கார் வாங்க ஆசையாக இருக்கிறதோ அல்லது எந்த வேலை கிடைக்க வேண்டும் என நினைக்கிறீர்களோ, அந்த புகைப்படத்தை அப்படியே வால்பேப்பராக செட் செய்து விடுங்கள். ஒவ்வொரு முறை போனை பார்க்கும் போதும், உங்களின் இலக்கு உங்கள் ஆழ்மனதில் மிக ஆழமாக பதிந்து கொண்டே இருக்கும். இது நம்ப முடியாத அளவுக்கு ஒரு பாசிட்டிவ் எனர்ஜியைக் கொடுக்கும்.

நன்றியுணர்வு!

பழங்காலத்தில் குறிப்பேடுகளில் தங்களுக்கு வேண்டியதை எழுதி வைப்பார்கள். இப்போது அந்த வேலையை நமது போனில் உள்ள நோட்ஸ் ஆப் மிக சுலபமாக செய்து விடுகிறது. தினமும் இரவில் தூங்க செல்வதற்கு முன்பாக, அந்த நாளில் நடந்த மூன்று நல்ல விஷயங்களை தவறாமல் போனில் டைப் செய்து வையுங்கள். உங்களின் இலக்கை ஏற்கனவே அடைந்து விட்டது போல ரொம்ப சந்தோஷமாக கற்பனை செய்து சில வார்த்தைகளை எழுதுவது பிரபஞ்சத்தோடு உங்களை நேரடியாக இணைக்கும் ஒரு சிறந்த தந்திரமாகும்.

வாய்ஸ் ரெக்கார்டர்!

நமது மூளைக்கு மற்றவர்கள் சொல்வதை விட, நமது சொந்த குரலில் கேட்கும் விஷயங்களை மிக சீக்கிரமாக நம்பும் சக்தி உண்டு. உங்களுக்கு என்ன வேண்டுமோ அதை பாசிட்டிவான வார்த்தைகளில் ஒரு வாய்ஸ் நோட்டாக உங்கள் போனில் நீங்களே ரெக்கார்ட் செய்து கொள்ளுங்கள். தினமும் காலை எழுந்தவுடனும், இரவு தூங்கும் முன்பும் அந்த ஆடியோவை ஹெட்போனில் கேளுங்கள். இப்படி தொடர்ந்து செய்யும் போது, உங்களின் மைண்ட்செட் முற்றிலுமாக மாறி உங்களை வெற்றியை நோக்கி தானாகவே ஓட வைக்கும்.

சோஷியல் மீடியாவை பாசிட்டிவாக மாற்றுங்கள்!

இன்ஸ்டாகிராம் மற்றும் யூடியூபில் நாம் என்ன பார்க்கிறோமோ அதுவாகவே நமது எண்ணங்களும் மாறும். நெகட்டிவான செய்திகள் மற்றும் சோகமான வீடியோக்களை தவிர்த்துவிட்டு, உங்களை மோட்டிவேட் செய்யும் நல்ல பதிவுகளை மட்டும் தொடர்ந்து பார்க்க ஆரம்பியுங்கள். உங்கள் போனின் Feed முழுவதும் வெற்றியாளர்களின் கதைகளால் நிறைந்திருந்தால், உங்களின் எண்ண அலைகளும் அவர்களைப் போலவே மிக உயர்வான ஒரு நிலையை அடையும்.

கையில் இருக்கும் ஸ்மார்ட்போன் ஒரு கூர்மையான கத்தி மாதிரி. அதை வைத்து நாம் காய்கறியும் வெட்டலாம், நமக்கு நாமே ஆபத்தையும் தேடிக்கொள்ளலாம். அதை எந்த அளவுக்கு ஆக்கப்பூர்வமாக பயன்படுத்துகிறோம் என்பதில் தான் நமது வெற்றியே அடங்கியிருக்கிறது. 

இனிமேல் சும்மா ரீல்ஸ் பார்த்து நேரத்தை வீணாக்காமல், மேலே சொன்ன இந்த சின்ன சின்ன டிப்ஸ்களை உங்களின் அன்றாட வாழ்வில் கொஞ்சம் ட்ரை செய்து பாருங்கள். உங்களுடைய கனவுகள் அனைத்தும் மிக சீக்கிரமாகவே நிஜமாக மாறும் என்ற முழு நம்பிக்கையுடன் செயல்படுங்கள்.