ஜோக்ஸ்: '’தடையம் இல்லாம ஊழல் செய்வதில், நீங்க கில்லாடியாம்’’..!

தலைவரே உங்க பேரு கின்னஸில் வருதாம்..!  

எதுக்கு?  

ஆதாரம் தடையம் இல்லாமல், ஊழல் செய்வதில், நீங்கள் கில்லாடியாம்..!

******************************

நிறைய பேசினா கழுத்து வலிக்குது டாக்டர். 

வாய்தானே வலிக்கனும், அதெப்டி கழுத்து வலிக்குது?

என் பொண்டாட்டி பேசிட்டே இருக்கா... நான் தலைய ஆட்டிட்டே இருக்கவேண்டியதா இருக்கே..!

******************************  

என் படத்துல இதுவரை யாருமே சொல்லாத மெசேஜ் இருக்கு…

அட போய்யா... என் செல் ஃபோன்ல கூடத்தான் நானே படிக்காத மெசேஜ் 58 இருக்கு...”

******************************

என் தோள்கள் தினவெடுக்கின்றன தளபதியாரே! 

எதிரி அனுப்பிய போர் ஓலையை  எடுத்து  படித்துப் பாருங்கள் மன்னா, சரியாகிவிடும்.

******************************

சாமிகிட்ட அடுத்த பிறவியில யார் உங்க மனைவியா வரணும்னு வேண்டிக்கிட்டீங்க? 

நாமளே மறுபடியும் கணவன் மனைவியா வரணும்னுதான் வேண்டிக்கிட்டேன். ஆனா, நான் மனைவியாவும், நீ கணவனாவும் இருக்கணும்னு பிரார்த்தனை பண்ணிக்கிட்டேன்! 

******************************

எனக்கும் உங்களுக்கும் சண்டைனு எதிர் வீட்டுக்காரர்கிட்ட சொன்னீங்களா? 

 அவருக்கும் அவரோட மனைவிக்கும் நடந்த பிரச்னைகளை அவர் சொல்லும்போது, நான் ஒண்ணு கூட சொல்லாட்டி நல்லா இருக்காதே சரசு?

******************************

உங்க மனைவி  உங்களை  அடிப்பாங்களா சார்?

அவுங்க நினைக்கிற மாதிரி நாம   நடந்துக்கிட்டா  நம்பளை எதுக்கு அடிக்கப்போறாங்க?