சிறுகதை: மனதின் தாகம்!

வட்டாட்சியர் அலுவலகத்து வெயில் சுட்டெரித்த நாளில் தொடங்கி, மழையில் அடங்கும் ஒரு எளிய மனிதனின் பாசப் போராட்டம் பற்றிய சிறுகதை
சிறுகதை | a man with dog and his mother
சிறுகதை | a man with dog and his motherImage credit: Chatgpt
செ.ஹரிஷ்

செ. ஹரிஷ், விருதுநகர் மாவட்டம், சாத்தூர் அருகிலுள்ள, ஆ. இராமலிங்காபுரத்தைச் சேர்ந்தவர். தற்போது MCA முதலாம் ஆண்டு (2026–2028) படித்து வரும் ஹரீஷ், சிறு வயதிலிருந்தே எழுத்தார்வம் மிகுந்து, பல கட்டுரை மற்றும் சிறுகதை போட்டிகளில் கலந்து கொண்டு சில வெற்றிகளையும் பெற்றுள்ளார். கல்வி கணினி அறிவியல் சார்ந்ததாக இருந்தாலும், தமிழ் மீதான ஆர்வத்தால் இதுவரை 25-க்கும் மேற்பட்ட சிறுகதைகளையும் கட்டுரைகளையும் எழுதியுள்ளார். தனது எழுத்து எளிய மக்களுக்கும் புரியும் வகையில் அமையவேண்டும் என்பதில் மிகுந்த கவனம் உள்ளவர். சிறுகதைகள் என்பவை மனித வாழ்வியலின் எதார்த்தங்களை அதன் அர்த்தம் மாறாமல் எடுத்துக்காட்டும் மிகச் சிறந்த இலக்கியப் படைப்பாகும் என்ற நம்பிக்கை கொண்டவர். அந்த வகையில், இவரது சிறுகதைகள் அனைத்தும் மனித வாழ்வியல் எதார்த்தங்களுக்கு மிக நெருக்கமாக இருக்கும்.

Updated on: 
Kalki Strip
Kalki Strip

மதிய வெயில் சுள்ளென்று சுளுக்கெடுத்துக்கொண்டிருந்த நேரம் அது. வியர்வைத் துளிகள் மணிமணியாய் தலையிலிருந்து கழுத்து வழியாகப் பாம்புபோல் நெளிந்து முதுகிற்குள் நுழைவதை சிவக்குமார் உணர்ந்தான். சட்டையை இழுத்து தலையைக் குனிந்து நெஞ்சுக்கு காற்று படும்படி ஊதினான். வாயிலிருந்து வந்த காற்றும் வெப்பஅலை போல் கொதித்தது. தலைக்கு மேலிருந்த காத்தாடியும் கடிகாரத்தின் சிறிய முள் போல் வட்டமிட்டது. 

சிவக்குமாரின் பக்கத்து இருக்கையில் ஒரு கர்ப்பிணி தனது மகளோடு உட்கார்ந்திருந்தார். மகள் போனை பார்த்தபடி ரீல்சை தள்ளிவிட்டபடி இருந்தாள். புழுக்கத்தை விரட்ட அந்தக் கர்ப்பிணிக்கு மகளின் பிறப்புச் சான்றிதழ் விசிறியாக உதவிக்கொண்டிருந்தது.

இதையெல்லாம் கவனித்தபடி உட்கார்ந்திருந்தான். நேரம் ஓடியது.

சிவக்குமார் புழுக்கம் தாங்கமுடியாமல் வட்டாட்சியர் அலுவலகத்தை விட்டு வெளியே வந்தான். எதிரே உள்ள பழச்சாறு கடைக்குச் சென்றான். பழச்சாறு அறிவிப்புப் பலகையில் ‘லெமன்-10ரூ’ என்று எழுதப்பட்டிருந்ததைப் பார்த்து, ஐஸ் நிறையப் போடச் சொல்லி ஒரு லெமனை வாங்கிக் குடித்தான். 

தொண்டை மட்டும்தான் குளிர்ந்திருந்தது, மறுபடியும் ஒரு லெமன் வாங்கிக் குடிப்போமா? என்று நினைத்தவன், கையில் இருந்த 40 ரூபாயைப் பார்த்து உடனே சட்டைப் பையில் வைத்தான். 

Loading content, please wait...