முடி கொட்டுதா? சோஷியல் மீடியா டிப்ஸை நம்பி ஏமாறாதீங்க - உண்மையான தீர்வு இதோ!

கண்ணாடியில் பார்க்கும் போது சீப்பில் அதிக முடி உதிர்வதைக் கவனித்தாலே பலருக்கும் பதற்றம் ஏற்படுகிறது. அதிலும் சமூக வலைத்தளங்களில் பரவும் எண்ணற்ற குறிப்புகள், வீட்டு வைத்தியங்கள், அதிசய மருந்துகள் என்று சோஷியல் மீடியாவில் வரும் அழகுக் குறிப்புகள் போன்றவற்றால் எதை நம்புவது என்ற குழப்பமும் உருவாகிறது.. உண்மையில் முடி உதிர்வைத் தடுக்க அறிவியல் ஆதாரமுள்ள வழிமுறைகளும், பலன் தராத மூட நம்பிக்கைகளும் எவை என்பதைத் தெரிந்து கொள்வது அவசியம்..

முடி உதிர்வு என்பது ஆண்கள், பெண்கள் என அனைவரையும் பாதிக்கும் பொதுவான பிரச்சினை ஆகும். தினமும் சில முடிகள் உதிர்வது இயல்பானது தான். ஆனால் அதிக அளவில் முடி உதிரத் தொடங்கினால் அதன் காரணத்தை அறிந்து சரியான முறையில் அணுகுவது அவசியம்.

முடி உதிர்வு ஏற்பட உண்மையான காரணங்கள் என்ன?

முடி உதிர்வதற்கு மரபியல், மன அழுத்தம், தூக்கமின்மை, ஹார்மோன் குறைபாடுகள், ஊட்டச்சத்து குறைபாடு, சில நோய்கள் மற்றும் சில மருந்துகளின் பயன்பாடு போன்ற பல காரணங்கள் இருக்கலாம்.

குறிப்பாக புரதம், இரும்புச்சத்து, துத்தநாகம், வைட்டமின் D மற்றும் B12 குறைபாடு இருந்தாலும் முடி உதிர்வு ஏற்படலாம். எனவே கீரை வகைகள், பருப்பு, பழங்கள், காய்கறிகள் மற்றும் புரதச் சத்து நிறைந்த உணவுகளை உணவில் சேர்த்துக் கொள்வது நல்லது. கறிவேப்பிலையை தினமும் உணவில் சேர்த்துக் கொள்வது நல்லது. கறிவேப்பிலை எண்ணையை தலையில் தடவிக் கொண்டால் முடி உதிர்தல் இருக்காது. முடி வளர்ச்சியும் அதிகரிக்கும். தலைமுடியை சுத்தமாக வைத்திருப்பது மிகவும் அவசியம்.

அதிக ரசாயனங்கள் கலந்த பொருட்களை அடிக்கடி பயன்படுத்துவதைத் தவிர்க்க வேண்டும். அதிக வெப்பம் தரும் ஹேர் டிரையர், ஹேர் ஸ்டிரைய்ட்னர் போன்ற கருவிகளை அடிக்கடி பயன்படுத்துவதும் முடிக்கு பாதிப்பை ஏற்படுத்தலாம். மன அழுத்தத்தை குறைத்து, போதுமான தூக்கத்துடன் ஒழுங்கான வாழ்க்கை முறையைப் பின்பற்றுவதும் முடி ஆரோக்கியத்துக்கு உதவும்..

முடி உதிர்வு குறித்த பரவலான மூடநம்பிக்கைகள் என்ன?

மொட்டை அடித்தால் முடி அடர்த்தியாக வளரும் என்பது அறிவியல் ரீதியாக நிரூபிக்கப்படாத நம்பிக்கையாகும். முடியை அடிக்கடி வெட்டினால் வேகமாக வளரும் என்பதற்கும் ஆதாரம் ஏதும் இல்லை.. குறிப்பிட்ட எண்ணெய் அல்லது வீட்டு வைத்தியம் அனைவருக்கும் பலன் தரும் என்று கூறுவதும் தவறான கருத்தாகும்..

சமூக வலைத்தளங்களில் பரவும் அனைத்து தகவல்களையும் நம்பி செயல்படுவது சில நேரங்களில் பாதிப்பை ஏற்படுத்தக் கூடும். முடி உதிர்வு நீண்ட நாட்களாக தொடர்ந்தாலோ அல்லது திடீரென அதிகரித்தாலோ சரும மருத்துவரின் ஆலோசனையைப் பெறுவது நல்லது.

காரணத்தை கண்டறிந்து அதற்கேற்ற சிகிச்சையை மேற்கொள்வதே சரியான அணுகுமுறை ஆகும். அழகான தலைமுடி என்பது வெளிப்புற பராமரிப்பால் மட்டும் அல்ல; சீரான உணவு, நல்ல தூக்கம், மன அமைதி மற்றும் சரியான மருத்துவ ஆலோசனையாலும் கிடைக்கிறது. மூட நம்பிக்கைகளை விட அறிவியல் உண்மைகளை நம்பி செயல்படுவதன் மூலம் முடி ஆரோக்கியத்தை பாதுகாக்கலாம்.

முடி உதிர்தலைத் தடுக்க விலை உயர்ந்த பொருட்களையே பயன்படுத்த வேண்டும் என்ற எண்ணமும் தவறானது. ஒவ்வொருவரின் தலைமுடி மற்றும் சருமத்தின் தன்மை வேறுபடும். எனவே பிறருக்கு ஏற்ற தயாரிப்பு நமக்கும் பொருந்தும் என்று கருதக் கூடாது.

புதிய ஷாம்பு, சீரம் அல்லது எண்ணையை பயன்படுத்தும் முன் அதன் தரம் மற்றும் பொருட்களின் விபரங்களை அறிந்து பயன்படுத்துவது நல்லது. சமூக வலைத்தளங்களில் வரும் ஒவ்வொரு வீடியோவையும் பார்த்து வீட்டு வைத்தியங்களை பின்பற்றுவதையும் தவிர்க்க வேண்டும்.

எலுமிச்சை சாறு, சமையல் சோடா, பற்பசை போன்றவற்றை தலையில் தடவினால் முடி வளரும் என்ற கருத்துகளுக்கு அறிவியல் ஆதாரம் இல்லை. மாறாக அவை சிலருக்கு அலர்ஜி அல்லது தலை, சரும எரிச்சலை ஏற்படுத்தலாம். புகைபிடித்தல், அதிக மது அருந்துதல், போதிய அளவு தண்ணீர் குடிக்காதது போன்ற பழக்கவழக்கங்களும் முடியின் ஆரோக்கியத்தைப் பாதிக்கக்கூடும்.

தினமும் போதுமான அளவு தண்ணீர் அருந்துவதும், உடற்பயிற்சி செய்வதும், மன அழுத்தத்தை குறைக்கும் யோகா அல்லது தியானம் போன்றவற்றைப் பின்பற்றுவதும் உடல் நலத்துடன் சேர்த்து முடி ஆரோக்கியத்திற்கும் உதவுகின்றன.

முடி உதிர்வு ஏற்பட்டவுடன் பயப்பட வேண்டியதில்லை. அதன் காரணத்தை சரியாக கண்டறிந்து, தேவையான மாற்றங்களை வாழ்க்கை முறையில் மேற்கொண்டால் நல்ல முன்னேற்றம் கிடைக்கும். பொறுமையுடன் சரியான பராமரிப்பை மேற்கொள்வதே ஆரோக்கியமான தலைமுடிக்கான சிறந்த வழியாகும்..

முடி உதிர்வை மறைக்க தொப்பி, விக் அல்லது செயற்கை முடியைப் பயன்படுத்துவதில் தவறில்லை. ஆனால் அவற்றை சுத்தமாகப் பராமரிக்காவிட்டால் தலைச் சருமத்தில் தொற்று ஏற்படும் அபாயம் உள்ளது. அதே போல மருத்துவரின் ஆலோசனை இன்றி முடி வளர்க்கும் மாத்திரைகள் அல்லது சப்ளிமெண்ட்களை உட்கொள்வதையும் தவிர்க்க வேண்டும். பாதுகாப்பான அறிவியல் ஆதாரமுள்ள வழிமுறைகளே நீண்ட காலத்தில் நல்ல பலனைத் தரும். 

முடி உதிர்வு என்பது உடலின் ஒரு எச்சரிக்கை அறிகுறியாகவும் இருக்கலாம். எனவே மூட நம்பிக்கைகள் அல்லது சமூக வலைதள வதந்திகளை நம்புவதற்குப் பதிலாக ஆரோக்கியமான வாழ்க்கை முறை, சத்தான உணவு மற்றும் தேவையான போது மருத்துவரின் ஆலோசனையைப் பின்பற்றுவதே சரியான தீர்வாகும். அழகான தலைமுடிக்கு குறுக்கு வழிகள் ஏதும் இல்லை. தொடர்ந்து சரியான பராமரிப்பும், அறிவியல் அடிப்படையிலான அணுகுமுறையும் தான் நீடித்த பலனைத் தரும்.

சமூக வலைத்தள வதந்திகளிலிருந்து விடுபட்டு, உங்கள் தலைமுடியின் ஆரோக்கியத்தை அறிவியல் பூர்வமாகப் பாதுகாப்பதற்கான தெளிவான வழிகாட்டுதலைப் பெறுங்கள். இதன் மூலம் தேவையற்ற பயமின்றி, உங்களது கூந்தலை அடர்த்தியாகவும் பலமாகவும் மாற்றியமைக்க முடியும்.

Reference