Internet உங்களுக்கு எஜமானரா? அல்லது நீங்களா? உங்களை நீங்களே சோதித்துப் பாருங்கள்!

காலை அலாரம் ஒலியோடு கண் விழிப்பதில் தொடங்கி, இரவு தூங்கச் செல்லும் வரை நமது டிஜிட்டல் திரைகளுடனான (Screens) தொடர்பு நொடிக்கு நொடி அதிகரித்துக் கொண்டே போகிறது. இன்டர்நெட் இல்லாத ஒரு உலகத்தை இன்று நம்மால் ஒரு விநாடி கூடக் கற்பனை செய்து பார்க்க முடியாது. ஆனால், இந்தத் தொழில்நுட்பம் நம் வசதிக்காக உருவாக்கப்பட்ட எல்லைகளைத் தாண்டி, இன்று நம்மை அடிமைப்படுத்தத் தொடங்கியுள்ளது என்பதுதான் மறுக்க முடியாத கசப்பான உண்மை.

​டிஜிட்டல் மயமும் அதன் மறைமுக ஆபத்துகளும்

​இன்றைய டிஜிட்டல் யுகத்தில் ஸ்மார்ட்போன், லேப்டாப் மற்றும் சமூக வலைத்தளங்கள் இன்றி நம் வாழ்வு நகர்வதில்லை. ஒரு காலத்தில் பொழுதுபோக்காக இருந்த இன்டர்நெட் பயன்பாடு, தற்போது நம் அன்றாட வாழ்க்கையின் இயக்க சக்தியாக மாறிவிட்டது. அலுவலகப் பணிகள், ஆன்லைன் ஷாப்பிங், கல்வி, ஊடகம் என அனைத்தும் கைவிரல் நுனியில் கிடைப்பது மிகப்பெரிய வரம்தான்.

​ஆனால், இதுவே அளவுக்கு மீறும்போது ஆபத்தாக மாறுகிறது. தொடர்ச்சியாக நள்ளிரவு வரை மொபைல் ஸ்கிரீனைப் பார்ப்பது மனிதனின் இயற்கையான உயிரியல் கடிகாரத்தைப் (Circadian Rhythm) பாதிக்கிறது. இதனால் தூக்கமின்மை, கண் பார்வை குறைபாடுகள், மன அழுத்தம் மற்றும் காரணமற்ற சோர்வு போன்ற உடல்நலப் பிரச்சினைகள் ஏற்படுகிறது. குறிப்பாக, நம்மைச் சுற்றியுள்ள குடும்பத்தினருடன் நேரத்தைச் செலவிடுவதைக் குறைத்துவிட்டு, இணைய உலகத்தில் தொலைந்து போவது சமூக உறவுகளில் பெரும் இடைவெளியை ஏற்படுத்துகிறது.

​டிஜிட்டல் டிடாக்ஸ் (Digital Detox) ஏன் அவசியம்?

​இந்த டிஜிட்டல் அடிமைத்தனத்திலிருந்து தற்காத்துக் கொள்ள நமக்குக் கைகொடுப்பதுதான் 'டிஜிட்டல் டிடாக்ஸ்' எனப்படும் தற்காலிக இணையத் விலகல். அதாவது, திட்டமிட்டு சில மணி நேரங்களோ அல்லது வார இறுதி நாள்களிலோ அனைத்து மின்னணு சாதனங்களையும் தூக்கி வைத்துவிட்டு, இயற்கையோடும் நம்முடனும் நேரத்தைச் செலவிடுவது அவசியமாகிறது.

​டிஜிட்டல் டிடாக்ஸ் நமது மூளைக்குச் புத்துணர்ச்சி அளிக்கிறது. இது சிந்தனைத் திறனை மேம்படுத்துவதோடு, மனதை அமைதிப்படுத்துகிறது. புத்தக வாசிப்பு, நடைப்பயிற்சி, குடும்பத்துடன் பேசுவது மற்றும் நேரில் சந்தித்துப் பழகும் பழக்கங்களை இது மீட்டெடுக்க உதவுகிறது.

இன்டர்நெட் நமக்கு எஜமானராக இருக்கக் கூடாது; நாம்தான் அதற்கு எஜமானராக இருக்க வேண்டும் என்பதை இது நமக்கு உணர்த்துகிறது.

டிஜிட்டல் டிடாக்ஸ் வாழ்க்கையை எவ்வாறு மாற்றுகிறது?

தொடர்ந்து இணையத்தில் இயங்கிக் கொண்டே இருக்கும் மூளைக்கு டிஜிட்டல் டிடாக்ஸ் ஒரு அருமையான ஓய்வைத் தருகிறது. இது நமது சிந்தனைத் திறனை மேம்படுத்தவதோடு படைப்பாற்றலைத் தூண்டுகிறது. மன அழுத்தத்தை முற்றிலும் குறைக்கிறது ‌.

ஒரு நாள் அல்லது சில மணிநேரம் ஃபோனைத் தொடாமல் இருக்கும் போது நம்மைச் சுற்றியுள்ள இயற்கையின் அழகை நம்மால் முழுமையாக உணர முடிகிறது. புத்தக வாசிப்பு, நீண்ட நடைப்பயிற்சி, குடும்பத்தினருடன் மனம் விட்டு பேசுவது மற்றும் நீண்ட நாட்களாகத் தள்ளிப் போட்ட உறவினர்களை மற்றும் நண்பர்களை நேரில் சந்தித்துப் பழகும் பழக்கங்களை இது மீண்டும் மீட்டெடுக்க உதவுகிறது ‌.

இன்டர்நெட் என்பது நம் அலுவலக வேலைகளுக்கும் தேவைகளுக்கும் உதவக் கூடிய ஒரு கருவி தானே தவிர அதுவே நமது ஒட்டுமொத்த வாழ்க்கையாகி விடக் கூடாது. நாம் தான் தொழில்நுட்பத்தை ஆள வேண்டுமே தவிர தொழில்நுட்பம் நம்மை ஆள அனுமதிக்க கூடாது என்ற யதார்த்தமான உண்மையை இந்த டிடாக்ஸ் நமக்கு கற்றுக் கொடுக்கிறது.

அளவான பயன்பாடும் சரியான இடைவெளியும் மட்டுமே நமது மன அமைதிக்கும் உடல் ஆரோக்கியத்திற்கும் பலத்த பாதுகாப்பாக அமையும். நம் குழந்தைகளுடன் விளையாடுவது, அவர்களின் மழலைக் குரலைக் கேட்பது போன்ற அரிய தருணங்களை ஸ்மார்ட் போன் நம்மிடம் இருந்து திருடிக் கொள்கிறது.

எந்தவொரு சமூக ஊடக அறிவிப்பும் இல்லாத அமைதியான சூழலில் மூளை இயங்கும் போது நமது கவனச் சிதறல் குறைந்து மன அமைதி பெருகும் இதுவே ஆரோக்கியமான மகிழ்ச்சியான வாழ்வுக்கான எளிய ரகசியம் ஆகும்.​

தொழில்நுட்பம் என்பது நம் வாழ்க்கையை எளிதாக்க வந்த ஒரு கருவிதானே தவிர, நம் ஒட்டுமொத்த வாழ்க்கையையும் அது ஆக்கிரமிக்கக் கூடாது. மெய்நிகர் உலகத்தின் (Virtual World) மாயவலைக்குள்ளிருந்து வெளியே வந்து, நிஜ உலகின் அழகிய இயற்கையையும் மனித உறவுகளையும் ரசிக்கத் தொடங்குவோம். அளவான பயன்பாடே ஆரோக்கியமான வாழ்வுக்கான ரகசியம். இன்றே ஒரு சிறிய டிஜிட்டல் இடைவெளியை நமது வாழ்க்கையில் தொடங்குவோம்!

Reference: