சர்க்கரை போட்டு காபி குடித்தால் இவ்ளோ ஆபத்தா... நரம்பியல் நிபுணரின் பகீர் வார்னிங்!

காலையில் எழுந்தவுடன் சுடச்சுட ஒரு கப் காபி குடிக்கவில்லை என்றால் பலருக்கும் அன்றைய பொழுதே விடியாது. அந்த அளவுக்கு காபி நமது அன்றாட வாழ்க்கையில் ஒன்றிப்போன ஒரு விஷயமாக மாறிவிட்டது. ஆனால், நாம் இவ்வளவு விரும்பி குடிக்கும் அந்த காபியை சரியான முறையில் குடிக்கிறோமா என்பது பலருக்கும் தெரியாத ஒரு பெரிய விஷயமாகும். மருத்துவ நிபுணர்கள் காபி குடிக்கும் சரியான முறை பற்றி பல விஷயங்களை கூறுகின்றனர். அவை என்னன்ன என்பது பற்றி இந்த பதிவில் பார்க்கலாம். 

கல்லீரல் ஆரோக்கியம்: பாலும் சர்க்கரையும் செய்யும் கெடுதல்!

நாம் அனைவருமே காபியில் சுவைக்காக தாராளமாகப் பாலும் சர்க்கரையும் சேர்த்துக் குடிப்பதைத்தான் வழக்கமாக வைத்துள்ளோம். ஆனால், இப்படிச் செய்வது காபியில் உள்ள இயற்கையான மருத்துவ குணங்களை முதல் மிடறிலேயே முழுமையாக அழித்துவிடுகிறது என்று மருத்துவர்கள் மிகத் தெளிவாக எச்சரிக்கின்றனர். சுவைக்காக நாம் சேர்க்கும் சர்க்கரை மற்றும் பால், காபியை வெறும் ஒரு சாதாரண பானமாக மாற்றி நமது உடலுக்கு எந்த ஒரு நல்ல பயனும் கிடைக்காமல் செய்துவிடுகிறது.

கல்லீரல் ஆரோக்கியம்: பிளாக் காபியின் ஆச்சரியமூட்டும் நன்மைகள்!

உண்மையில் பிளாக் காபி என்பது நமது உடலுக்குக் கிடைக்கும் ஒரு மாபெரும் அமிர்தம் போன்றது. சர்க்கரை மற்றும் பால் சேர்க்காத ஒரு சாதாரண கப் பிளாக் காபியில் ஆயிரத்திற்கும் மேற்பட்ட பயோஆக்டிவ் சேர்மங்கள் நிரம்பிக் கிடக்கின்றன. இவை நமது உடலுக்குள் நடக்கும் பல மேஜிக்குகளுக்குக் காரணமாக அமைகின்றன. குறிப்பாக, கல்லீரல் ஆரோக்கியத்தை மேம்படுத்துவதில் பிளாக் காபிக்கு நிகர் வேறு எதுவுமே இல்லை. உடலில் ஏற்படும் தேவையற்ற வீக்கங்களைக் குறைப்பதில் இது மிக முக்கியப் பங்கு வகிக்கிறது.

தினமும் குடித்தால் என்ன ஆகும்?

தினமும் இரண்டு அல்லது மூன்று கப் பிளாக் காபி குடித்து வருபவர்களுக்கு ஃபேட்டி லிவர் எனப்படும் கொழுப்பு படிந்த கல்லீரல் பிரச்சனை மற்றும் கல்லீரல் நார்ப்பெருக்க நோய் வருவது பெருமளவு தடுக்கப்படுவதாக மருத்துவர்கள் ஆணித்தனமாக கூறுகின்றனர். நீங்கள் உங்கள் காபியில் எப்போது பாலை ஊற்றுகிறீர்களோ, அப்போதே அதன் முழு மருத்துவ குணமும் செத்துப்போய்விடுகிறது என்பதை நாம் கட்டாயம் புரிந்துகொள்ள வேண்டும்.

எப்படி ஆரம்பிப்பது?

இத்தனை வருடங்களாகப் பால் கலந்த காபியைக் குடித்துவிட்டுத் திடீரெனக் கசப்பான பிளாக் காபிக்கு மாறுவது சற்று கடினமான காரியமாகத் தோன்றலாம். ஆனால், இதைப் படிப்படியாக மிக எளிதாகச் செய்ய முடியும். ஆரம்பத்தில் மிகச் சிறிய அளவிலான கப்புகளில் குடிக்கத் தொடங்குங்கள். முதல் சில நாட்களுக்கு உங்கள் நாக்கிற்கு இது சற்று கசப்பாகவும் வித்தியாசமாகவும் தெரியலாம். ஆனால், தொடர்ந்து குடித்து வரும்போது உங்கள் உடலும் நாக்கும் இதற்கு மிகச் சுலபமாகப் பழகிவிடும்.

நமது அன்றாட வாழ்வில் நாம் செய்யும் இத்தகைய சிறிய  மாற்றங்கள் தான் எதிர்காலத்தில் நமது ஒட்டுமொத்த உடல் ஆரோக்கியத்தையும் தீர்மானிக்கின்றன. காபி பிரியர்கள் இனிமேல் வெறும் சுவைக்காக மட்டும் குடிக்காமல், ஆரோக்கியத்திற்காகவும் குடிக்கப் பழகுங்கள். பாலும் சர்க்கரையும் கலந்த சாதாரண காபியைத் தவிர்த்துவிட்டு, பிளாக் காபியை உங்களின் தினசரி வழக்கமாக மாற்றிக் கொண்டால், மருத்துவமனைப் பக்கம் செல்ல வேண்டிய அவசியமே இருக்காது.

Reference - Neurosurgeon with 33 years of experience shares why you should add black coffee to diet: 'A single cup contains more…