45 வயதிலும் 25 வயது தோற்றம்... ஷாஹித் கபூரின் பிட்னஸ் சீக்ரெட் இதுதான்!

Shahid Kapoor Fitness Secrets:

பாலிவுட் நடிகர் ஷாஹித் கபூர் தனது 45வது பிறந்தநாளை கொண்டாடியுள்ளார். இந்த வயதிலும் ஒரு இருபது வயது இளைஞருக்கு நிகரான சுறுசுறுப்புடனும், கட்டழகான உடலுடனும் அவர் வலம் வருவது பலருக்கும் பெரும் ஆச்சரியத்தை அளிக்கிறது. இதற்காக அவர் ஏதோ மாயாஜாலம் செய்கிறார் என்றோ அல்லது நாள் முழுவதும் ஜிம்மில் கடுமையான பயிற்சிகளை மேற்கொள்கிறார் என்றோ நீங்கள் நினைத்தால் அது முற்றிலும் தவறு. 

எந்த ஒரு கஷ்டமும் இல்லாமல், தினசரி வாழ்க்கையில் அவர் பின்பற்றும் சில சுலபமான மற்றும் ஸ்மார்ட்டான பழக்கவழக்கங்கள் தான் இந்த வயதிலும் அவரை இவ்வளவு இளமையாக காட்டி வருகிறது. அப்படி அவர் என்னதான் செய்கிறார் என்பதை பற்றி தெரிந்து கொள்ளலாம் வாங்க.

சீரான உணவுப் பழக்கம்!

உடலை ஃபிட்டாக வைத்துக்கொள்ள வேண்டும் என்றால் பட்டினி கிடக்க வேண்டும் என்ற ஒரு மாயை மக்களிடம் உள்ளது. ஆனால் ஷாஹித் கபூர் இதை முற்றிலும் தவிர்க்கிறார். அவர் ஒரு முழுமையான சைவம் என்பதால், இயற்கை தரும் காய்கறிகள் மற்றும் பருப்பு வகைகளை தனது உணவில் அதிகம் சேர்த்துக்கொள்கிறார். புரதம், நார்ச்சத்து மற்றும் உடலுக்கு தேவையான அனைத்து சத்துக்களும் கிடைக்கும்படி தனது சாப்பாட்டை திட்டமிடுகிறார். 

எதை சாப்பிடலாம் என்பதை விட, எப்போது சாப்பிடக் கூடாது என்பதில் அவர் ரொம்பவே தெளிவாக இருக்கிறார். நள்ளிரவில் கண்டதை சாப்பிடும் பழக்கம் அவரிடம் அறவே கிடையாது. அளவான சாப்பாடு, அடிக்கடி சாப்பிடும் முறை மற்றும் வீட்டில் சமைத்த உணவுகள் இவை தான் அவரது ஆரோக்கியத்தின் அடிப்படை. மேலும் நிறைய தண்ணீர் குடிப்பது அவரது சருமத்தை பொலிவாக வைத்திருக்க உதவுகிறது.

சரியான உடற்பயிற்சி!

உடற்பயிற்சியைப் பொறுத்தவரை அவர் எப்போதுமே ஒரு குறிப்பிட்ட விஷயத்தை மட்டுமே செய்வது கிடையாது. வெறும் கார்டியோ பயிற்சிகளை மட்டும் நம்பி இருக்காமல், தனது தசை பலத்தை அதிகரிக்கும் பயிற்சிகளுக்கு அதிக முக்கியத்துவம் கொடுக்கிறார். நாற்பது வயதை தாண்டும் போது இயற்கையாகவே நமது உடலில் உள்ள தசைகள் வலுவிழக்க தொடங்கும். இதை தடுக்க ஸ்ட்ரென்த் ட்ரைனிங் எனப்படும் பயிற்சிகள் மிகவும் அவசியம். 

இது நமது எலும்புகளின் வலிமையை அதிகரிப்பதோடு, உடலின் வளர்சிதை மாற்றத்தையும் துரிதப்படுத்துகிறது. அதிக எடையை தூக்குவதை விட, தொடர்ந்து தினமும் உடற்பயிற்சி செய்வதையே அவர் அதிகம் விரும்புகிறார். அதிகாலையில் பயிற்சி செய்வது அன்றைய நாள் முழுவதையும் பிரெஷ்ஷாக வைத்திருக்க உதவும் என்பது அவரது அசைக்க முடியாத நம்பிக்கை.

முழுமையான ஓய்வு மற்றும் தூக்கம்!

நல்ல சாப்பாடு மற்றும் உடற்பயிற்சி மட்டும் ஆரோக்கியமான வாழ்க்கைக்கு போதுமானதாக இருக்காது. நமது உடல் தன்னைத்தானே புதுப்பித்துக்கொள்ள போதுமான ஓய்வு மிக மிக அவசியம். தினமும் இரவில் ஆழ்ந்த தூக்கம் இருக்கும்போது தான் நமது உடலின் வளர்ச்சிக்கு தேவையான ஹார்மோன்கள் சீராக உற்பத்தியாகிறது. சரியான தூக்கம் இல்லை என்றால் உடலின் எடை தானாகவே அதிகரிக்கும் அபாயம் உள்ளது. இதை உணர்ந்து, அவர் தனது தூக்கத்திற்கும் சரியான நேரத்தை ஒதுக்கி முழுமையான ஓய்வை உடலுக்கு வழங்குகிறார்.

ஒட்டுமொத்தமாகச் சொல்லப்போனால், ஃபிட்னஸ் நமது அன்றாட வாழ்வியலோடு ஒன்றிப்போக வேண்டிய ஒரு பழக்கம். சரியான உணவு, சீரான உடற்பயிற்சி மற்றும் போதுமான தூக்கம் ஆகிய இந்த மூன்றையும் ஒரு பேலன்ஸ்டு ஆக கொண்டு சென்றாலே எந்த வயதிலும் இளமையோடும் ஆரோக்கியத்தோடும் வாழ முடியும்.