பெரும்பாலான நாட்களை வீட்டிற்குள்ளேயே செலவிடுவது 70+ சூப்பர் சீனியர்களுக்கு குறிப்பிடத்தக்க தாக்கங்களை ஏற்படுத்தலாம், குறிப்பாக அவர்களுக்கு உடல்நலப் பிரச்சினைகள் இருந்தால், அது அவர்களுக்கு நடக்கவோ அல்லது நகரவோ கூட கடினமாக இருக்கும். இதை எப்படி சமாளிக்கலாம் என்பதை பற்றி தெரிந்து கொள்வோம்.

1. உடல் ஆரோக்கியத்தில் நிகழும் சரிவு:

• வீட்டிற்குள்ளேயே இருப்பது பெரும்பாலும் உட்கார்ந்த வாழ்க்கை முறைக்கு வழிவகுக்கிறது, இதன் விளைவாக தசைச் சிதைவு, மூட்டு விறைப்பு மற்றும் இருதய ஆரோக்கிய பாதிப்பு ஏற்படுகின்றன.

• சூரிய ஒளியில் குறைவாக வெளிப்படுவது ‘வைட்டமின் டி’ குறைபாட்டை ஏற்படுத்தும், இதனால் எலும்புகள் பலவீனமடைந்து, சிறு அடிபட்டாலே எலும்பு முறிவுகள் ஏற்படும் அபாயம் அதிகம்.

• உடல் செயல்பாடு மற்றும் மோசமான ஊட்டச்சத்து குறைபாடு நோயெதிர்ப்பு மண்டலத்தை பலவீனப்படுத்தும். தனிநபர்கள் பிற நோய்களால் மிகவும் எளிதில் பாதிக்கப்படுவர்.

2. மனநலப் பிரச்சனைகள்:

• பெரும்பாலான நேரத்தை வீட்டிற்குள் செலவிடுவது சமூக தனிமைப்படுத்தலுக்கு வழிவகுக்கும், இது மனச்சோர்வு, பதட்டம் மற்றும் அறிவாற்றல் போன்றவற்றை அதிகரிக்க வாய்ப்புண்டு.

• உங்களை எதிலும் ஈடுபடுத்தி கொள்ளாமல் அல்லது சமூக தொடர்புகள் இல்லாமல் இருந்து வந்தால், அறிவாற்றல் செயல்பாடுகள் மோசமடைந்து டிமென்ஷியா(dementia) நோய்க்கான அபாயத்தை அதிகரிக்கும்.

• நீடித்த தனிமையான வாழ்வு சோகத்தின் உணர்வுகளுக்கு வழிவகுக்கும். அது ஒட்டுமொத்த உணர்ச்சி நல்வாழ்வை எதிர்மறையாக பாதிக்கும்.

• வெகு நாட்கள் சூரிய ஒளி மற்றும் உடல் செயல்பாடு இல்லாதது பருவகால பாதிப்புக் கோளாறு (Seasonal Affective Disorder (SAD) போன்ற மனநல கோளாறுகளுக்கு வழிவகுக்கும்.

3. வாழ்க்கை முறை மற்றும் தினசரி செயல்பாடு:

• காலப்போக்கில், தனிநபர்கள் அன்றாடப் பணிகளுக்காக மற்றவர்களையே சார்ந்திருக்க வேண்டிய சூழ்நிலை ஏற்படும்.

• வழக்கமான நடைமுறைகள் மற்றும் உடல் செயல்பாடு இல்லாதாது, தூக்க முறைகளை சீர்குலைத்து, தூக்கமின்மை அல்லது ஒழுங்கற்ற தூக்க பழக்கத்திற்கு வழிவகுக்கும்.

உடல் ரீதியாக எளிதில் நகர முடியாத பிரச்சனை உள்ளவர்களுக்கான தீர்வுகள்

1. வீட்டில் செய்ய வேண்டிய மாற்றங்கள்:

• வீட்டைச் சுற்றி எளிதாகவும் பாதுகாப்பாகவும் செல்ல ஹேண்ட்ரெயில்கள்(handrails), கைப்பிடிகள் (Grab Bars) மற்றும் தேவையான படிக்கட்டுகளை நிறுவலாம் .

• மேஜை, நாற்காலி போன்றவைகளை நாம் நடப்பதற்கு வசதியாக ஓரம் தள்ளி வைக்கலாம். இதனால் நடக்க சிரம படுபவர்கள் சுலபமாக நடக்க முடியும்.

2. உடல் பயிற்சிகளில் ஈடுபடுத்திக் கொள்ளுங்கள்:

• கால் தூக்குதல், கைகளை உயர்த்துதல் மற்றும் நீட்டுதல் போன்ற உட்கார்ந்திருக்கும் போது செய்யக்கூடிய பயிற்சிகளை செய்யவும்.

• வீட்டிற்குள் பயன்படுத்தக்கூடிய நிலையான பைக்குகள்(stationary bikes), டிரெட்மில்லை (treadmills) பயன்படுத்தலாம்.

3. சமூக தொடர்புகளைப் பேணுதல்:

• குடும்பம் மற்றும் நண்பர்களுடன் தொடர்ந்து இணைந்திருக்க வீடியோ அழைப்புகள், சமூக ஊடகங்களை பயன்படுத்தலாம்.

4. மன மற்றும் அறிவாற்றலுக்கான ஊக்கம்

• மனதை சுறுசுறுப்பாக வைத்திருக்க புதிர்கள், குறுக்கெழுத்துக்கள் மற்றும் பலகை விளையாட்டுகள்(puzzles, crosswords, and board games) போன்ற செயல்களில் ஈடுபடுங்கள்.

• அறிவாற்றல் செயல்பாடுகளைத் தூண்டுவதற்கு புத்தகங்களைப் படிக்கலாம் அல்லது ஆன்லைன் படிப்புகளுக்கான சில கல்வி வீடியோக்களை பார்க்கலாம்.

5. ஆரோக்கியமான உணவு மற்றும் ஊட்டச்சத்து:

• பழங்கள், காய்கறிகள், கம்மியான புரதங்கள் மற்றும் முழு தானியங்கள் நிறைந்த உணவை எடுத்து கொண்டு உங்கள் ஒட்டுமொத்த ஆரோக்கியத்தை பராமரிக்கலாம்.

• ஒரு சுகாதார வல்லுனருடன் கலந்தாலோசித்த பிறகு, சூரிய ஒளி வெளிப்பாடு குறைவாக கிடைக்கும் பட்சத்தில் ‘வைட்டமின் டி’ க்காண சில ஊட்டச்சத்து நிரம்பிய சப்ளிமெண்ட்ஸை எடுத்துக் கொள்ளலாம்.

6. தொழில்முறை ஆதரவு:

• அன்றாடப் பணிகளுக்கு உதவுவதற்கும் துணையை வழங்குவதற்கும் வீட்டு சுகாதார உதவியாளர்கள் அல்லது பராமரிப்பாளர்களை நியமிக்கலாம்.

• வழக்கமான மருத்துவ ஆலோசனைகள் மற்றும் மனநல ஆதரவுக்காக டெலிஹெல்த் சேவைகளைப் பயன்படுத்தலாம்.