இந்திய, இங்கிலாந்த் அணியின் ஐந்தாவது டெஸ்ட் போட்டி, தர்மசாலாவில், நாளை (மார்ச் 7ஆம் தேதி) தொடங்குகிறது. இந்திய அணி, இந்த தொடரைக் கைப்பற்றியிருந்தாலும், உலகக் கோப்பையில் புள்ளிக் கணக்கில் முன்னேற, தர்மசாலா போட்டியில் வெற்றி வாகை சூடுவது உதவும்.

• இந்தப் போட்டியில், தமிழ் நாட்டைச் சேர்ந்த சுழல்பந்து வீரர், இரவிச்சந்திரன் அஸ்வின், 100வது டெஸ்ட் போட்டியில் பங்கேற்று சாதனை படைக்க இருக்கிறார்.

• உலக அளவில், 76 கிரிக்கெட் வீரர்கள் 100 டெஸ்ட் போட்டிகள் விளையாடியுள்ளார்கள்.

• இந்தியாவைப் பொறுத்த வரை, இதுவரை 13 நபர்கள் 100 டெஸ்ட் போட்டிகளில் களம் இறங்கியுள்ளனர்.

• தமிழ்நாடு இந்திய அணிக்கு, வெங்கட்ராகவன், ஸ்ரீகாந்த், டபிள்யூ.வி.இராமன், சிவராம கிருஷ்ணன் என்று பல கிரிக்கெட் வீரர்களை அளித்துள்ளது. இவர்களில், வெங்கட்ராகவன் 57 டெஸ்ட்களிலும், ஸ்ரீகாந்த் 43 டெஸ்ட்களிலும், இந்திய அணியில் பங்கேற்றியிருக்கிறார்கள்.

• அஸ்வின், தமிழ்நாட்டிலிருந்து 100 டெஸ்ட் போட்டிகளில் ஆடிய முதல் வீரர் என்ற சாதனை படைக்க இருக்கிறார்.

• இதுவரை, 99 டெஸ்ட் போட்டிகளில் விளையாடி இருக்கும் அஸ்வின், 507 விக்கெட்டுகள், மற்றும் 3309 ரன்கள் எடுத்து, “ஆல் ரவுண்டர்” என்ற பெயர் எடுத்துள்ளார்.

• தற்போதைய தொடரின், ராஜ்கோட்டில் நடைபெற்ற மூன்றாவது போட்டியில் 500 டெஸ்ட் விக்கெட்டுகள் கைபற்றி, உலக அளவில், அதிக விக்கெட் எடுத்த பந்து வீச்சாளர்களில் 9வது இடத்தையும், இந்திய வீரர்களில் 2வது இடத்தையும் அடைந்துள்ளார்.

• இதுவரை 41 தொடர் டெஸ்ட் போட்டிகளில் விளையாடியுள்ள அஸ்வின், 10 முறைகள் தொடரின் நாயகன் விருது பெற்று, உலகத் தரத்தில் இரண்டாவது இடத்தில் இருக்கிறார். முதல் இடத்தில் இருப்பவர், ஸ்ரீலங்காவின் முத்தையா முரளீதரன் – 11 முறைகள், 61 டெஸ்ட் தொடர்கள்.

• இந்தியாவின் தொடரின் நாயகன் வரிசையில் அஸ்வின் முதலிடத்திலும், வீரேந்திர சேவாக் மற்றும் சச்சின் டெண்டுல்கர் 5 முறைகள் தொடர் நாயகன் விருது பெற்று இரண்டாவது இடத்திலும் இருக்கிறார்கள்.

• டெஸ்ட் போட்டியில், ஒரு இன்னிங்க்ஸில் 35 முறை 5 விக்கெட்டுகள் வீழ்த்தியும், போட்டியின் இரு இன்னிங்சிலும் சேர்த்து 8 முறை 10 விக்கெட்டுகள் எடுத்தும், உலகத் தர வரிசையில் 4வது இடத்திலும், இந்தியத் தரவரிசையில் முதல் இடத்திலும் இருக்கிறார்.

• அஸ்வின் அண்ணா பல்கலைக் கழகத்தின் கீழ் வருகின்ற எஸ்.எஸ்.என். கல்லூரியில் பொறியியல் படித்தார். கிரிக்கெட் விஞ்ஞானி என்று முந்தைய கிரிக்கெட் வீரர்கள் மற்றும் வர்ணனையாளர்களால் புகழப்படுகிறார்.

• சூழ்நிலைக்கேற்ப, ஆடுகளத்தின் தன்மைக்கேற்ப பந்து வீசும் முறையை மாற்றிக் கொள்வதில் வல்லவர் அஸ்வின். கிரிக்கெட்டின் நுணுக்கங்களையும், சட்ட திட்டங்களையும் நன்கு அறிந்தவர்.

• தடைகள் பல வந்தாலும், அவற்றை முறியடித்து, சாதனை படைக்கவிருக்கும் அஸ்வின் மேன்மேலும் முன்னேற வாழ்த்துவோம்.