தைராய்டு கோளாறுகளால் உலகெங்கிலும் மில்லியன் கணக்கான பெண்கள் பாதித்துள்ளனர். மேலும் இந்த நிலையை முறையாக நிர்வகிப்பதற்கு சரியான உணவுமுறைப் பழக்கம் தேவை.‌ இதற்கு முறையான மருந்து மற்றும் மருத்துவ கவனிப்பு அவசியம் என்றாலும் சில பழங்களை உணவில் சேர்த்துக் கொள்வது தைராய்டு பிரச்சனை உள்ள பெண்களுக்கு கூடுதல் நன்மைகளை அளிக்கிறது. அத்தகைய பழங்கள் பற்றி இப்பதிவில் பார்க்கலாம். 

பெர்ரி: ஸ்ட்ராபெரி, ப்ளூபெர்ரி மற்றும் ராஸ்பெரி போன்ற பெர்ரிக்களில் ஆக்ஸிஜனேற்றங்கள் நிறைந்துள்ளன. அவை வீக்கத்தைக் குறைக்கவும் தைராய்டு சுரப்பியை பாதுகாக்கவும் உதவுகின்றன. அவற்றில் இருக்கும் அதிகப்படியான நார்ச்சத்து செரிமானத்திற்கு உதவி, ஒட்டுமொத்த தைராய்டு ஆரோக்கியத்தையும் ஆதரிக்கிறது.‌

சிட்ரஸ் பழங்கள்: ஆரஞ்சு, திராட்சை, எலுமிச்சை மற்றும் பிற சிட்ரஸ் பழங்கள் வைட்டமின் சி-யின் சிறந்த ஆதாரங்களாகும். இது தைராய்டு செயல்பாட்டிற்கு முக்கியமானது. மேலும் வைட்டமின் சி ஹார்மோன்களின் உற்பத்திக்கு உதவி நோய் எதிர்ப்பு மண்டலத்தை பலப்படுத்துகிறது. சிட்ரஸ் பழங்கள் நீரேற்றத்தை வழங்குகின்றன மற்றும் ஆரோக்கியமான வளர்ச்சிதை மாற்றத்தை ஊக்குவிக்கின்றன.  

கிவி: பார்ப்பதற்கு சிறிய வடிவில் இருக்கும் இந்த பழம் தைராய்டு ஆரோக்கியத்துக்கு உதவும் ஊட்டச்சத்துக்களால் நிரம்பியுள்ளது. இதில் விட்டமின் சி, விட்டமின் ஈ மற்றும் பொட்டாசியம் போன்றவை உள்ளன. மேலும் இதில் நார்ச்சத்தும் இருப்பதால் குடல் இயக்கங்களுக்கு பெரிதளவில் உதவுகிறது. 

ஆப்பிள்: “An apple a day, Keep the Doctor Away” என்ற பழமொழி தைராய்டு ஆரோக்கியத்திற்கும் பொருந்தும். ஆப்பிளில் ஆன்ட்டிஆக்ஸிடென்ட்கள், நார்ச்சத்து மற்றும் வைட்டமின்கள் நிறைந்துள்ளன. இது ஒட்டுமொத்த நல்வாழ்வுக்கும் பங்களிக்கிறது. மேலும் அவை ரத்த சர்க்கரை அளவை கட்டுப்படுத்த உதவுவதால், தைராய்டு நிலை உள்ளவர்களுக்கு மிகவும் நல்லதாகும். 

அவகாடோ: என்னதான் அவகாடோ பழம் நமது ஊர்களில் அதிகமாகக் கிடைத்தாலும், அதை பெரும்பாலும் யாரும் விரும்பி சாப்பிடுவதில்லை. அவற்றில் ஆரோக்கியக் கொழுப்புகள் ஏராளமாக உள்ளன. மற்றும் அதிக அளவு வைட்டமின் கே, வைட்டமின் ஈ மற்றும் பொட்டாசியம் ஆகியவையும் உள்ளன. இந்த ஊட்டச்சத்துக்கள் தைராய்டு செயல்பாட்டுக்கு உதவி ஹார்மோன் சமநிலையை பராமரிக்க உதவுகின்றன. 

இந்த பழங்கள் தைராய்டு பிரச்சினை உள்ள பெண்களுக்கு பலன்களை வழங்கினாலும், உங்களது தைராய்டு பிரச்சனைக்கு ஏற்ற சரியான உணவுத் திட்டத்தை பராமரிக்க சுகாதார நிபுணரிடம் கலந்தாலோசிப்பது நல்லது. தைராய்டு பாதிப்பு உள்ளவர்கள் என்றுமே சமச்சீரான உணவு வகைகளை எடுத்துக்கொள்ள வேண்டும் என்பதை நினைவில் வைத்துக் கொள்ளுங்கள்.