பயோஹேக்கிங்: உடலின் சக்தியை 10 மடங்கு அதிகரிக்க நவீன வழி!

இன்றைய வேகமான உலகில், நாம் அனைவரும் தேடுவது ஒன்றுதான் அதிகப்படியான ஆற்றல் மற்றும் நீண்ட கால இளமை. இதற்காக நாம் ஜிம் செல்கிறோம்; சத்தான உணவுகளை உண்கிறோம். ஆனால், இவையாவையும் தாண்டி, உங்கள் உடலின் உயிரியல் அமைப்பை (biological system) ஒரு கணினி மென்பொருளைப் போல மாற்றியமைக்க முடிந்தால் எப்படி இருக்கும்? அதுதான் பயோஹேக்கிங்.

பயோஹேக்கிங் (Biohacking) என்றால் என்ன?

எளிமையாகச் சொன்னால், உங்கள் வாழ்க்கை முறை, உணவு மற்றும் தொழில்நுட்பத்தைப் பயன்படுத்தி உங்கள் உடலையும் மூளையையும் அதன் உச்சகட்ட திறனுக்கு கொண்டு செல்லும் ஒரு கலையே பயோஹேக்கிங். இது நம் முன்னோர்கள் செய்த சில விஷயங்களை நவீன அறிவியலோடு இணைப்பதே ஆகும்.

1. மூளையின் வேகத்தை அதிகரிக்க 'நூட்ரோபிக்ஸ்' (Nootropics):

நமது மூளை ஒரு சூப்பர் கம்ப்யூட்டர் போன்றது. அதன் வேகத்தை அதிகரிக்க 'நூட்ரோபிக்ஸ்' எனப்படும் மூளை ஊக்கிகளைப் பயன்படுத்துவது பயோஹேக்கிங்கின் ஒரு முக்கிய பகுதி. இதற்காக ரசாயன மாத்திரைகளை நாட வேண்டிய அவசியமில்லை.

மஞ்சள், மிளகு, வல்லாரை மற்றும் பிரம்மி போன்ற மருத்துவ குணமிக்க பொருள்களே போதுமானது. இவற்றுள் மஞ்சள் மற்றும் மிளகு மூளையில் ஏற்படும் வீக்கத்தைக் குறைத்து ஞாபக சக்தியை அதிகரித்தது. வல்லாரை மற்றும் பிரம்மி ஆனது இயற்கையான பயோஹேக்கிங் மூலிகைகள். இவை நரம்பு மண்டலத்தை வலுப்படுத்தி கவனச்சிதறலைத் தவிர்க்கின்றன.

2. இடைவிடாத நோன்பு (Intermittent Fasting):

உடலின் ஆற்றலை அதிகரிக்க மிகச்சிறந்த வழி, அவ்வப்போது ஓய்வு தருவதுதான். 16 மணி நேரம் உண்ணா நோன்பு இருப்பது உங்கள் உடலில் 'ஆட்டோபேஜி' (Autophagy) என்ற செயல்முறையைத் தூண்டுகிறது. இது உடலில் உள்ள பழுதடைந்த செல்களை நீக்கி, புதிய செல்களை உருவாக்குகிறது. இதன் மூலம் உங்கள் ஆயுட்காலம் அதிகரிப்பதோடு, உடலின் 'மெட்டபாலிக்' வேகம் 10 மடங்கு உயர்கிறது.

3. நீல ஒளி (Blue Light):

இரவு நேரங்களில் மொபைல் மற்றும் லேப்டாப் திரைகளில் இருந்து வரும் நீல ஒளி நமது தூக்கத்தைத் தூண்டும் 'மெலடோனின்' ஹார்மோனைப் பாதிக்கிறது. இதைத் தடுக்க இரவு 8 மணிக்கு மேல் 'ப்ளூ லைட் பிளாக்கிங் கிளாஸ்' பயன்படுத்த வல்லுநர்கள் பரிந்துரைக்கிறார்கள். ஆழ்ந்த தூக்கம் மட்டுமே உங்கள் உடலை அடுத்த நாளுக்கு முழுமையாகத் தயார்படுத்தும் 'பயோஹேக்' ஆகும்.

4. குளிர் நீர் சிகிச்சை:

காலையில் எழுந்ததும் சுடுநீரில் குளிப்பதை விட, சில்லென்ற குளிர்ந்த நீரில் குளிப்பது உங்கள் ரத்த ஓட்டத்தை உடனடியாக சீராக்குகிறது. இது உடலில் 'டோபமைன்' அளவை 250% வரை உயர்த்துகிறது. இதனால் நாள் முழுவதும் நீங்கள் உற்சாகமாகச் செயல்பட முடியும்.

5. சிவப்பு ஒளி சிகிச்சை (Red Light Therapy):

தற்போது பிரபலமாகி வரும் இந்த முறையில், குறைந்த அலைநீளம் கொண்ட சிவப்பு ஒளியில் இருப்பதன் மூலம் செல்களின் ஆற்றல் மையமான 'மைட்டோகாண்ட்ரியா' தூண்டப்படுகிறது. இது காயங்களை விரைவாக குணப்படுத்தவும், சருமத்தை இளமையாக வைத்திருக்கவும் உதவுகிறது.

அதே சமயம், பயோஹேக்கிங் என்பது ஒவ்வொருவரின் உடலுக்கு ஏற்றவாறு மாறுபடும். எதையும் பின்பற்றும் முன் உங்கள் உடலின் தேவையைத் தெரிந்து கொள்வது அவசியம்.

சரியான உணவு, தரமான தூக்கம், மற்றும் சில நவீன உத்திகளைக் கையாளுவதன் மூலம், நீண்ட காலம் வரை ஒரு இளைஞனைப் போல சுறுசுறுப்பாக வாழ இயலும்.

(முக்கிய குறிப்பு: இந்தத் தகவல்கள் பொதுவான விழிப்புணர்வுக்காக மட்டுமே. மருத்துவ ஆலோசனைக்கு சரியான தகுந்த மருத்துவரை அணுகவும்)