கொய்யா இலை செய்யும் மாயம்!

கொய்யாப்பழத்தில உள்ள அதிக அளவு Vitamin C, உடலின் நோய் எதிர்ப்பு சக்தியை வலுப்படுத்துது. இதில் உள்ள நார்ச்சத்து (Fiber) செரிமானத்திற்கு உதவி, மலச்சிக்கலைக் குறைக்கிறது. மேலும், கொலஸ்ட்ராலைக் குறைத்து இதய ஆரோக்கியத்தை மேம்படுத்த உதவுது.

நம்ம உடல் ஆரோக்கியத்தில கொய்யா மர இலையின் (Guava leaf) பங்கு என்ன என்று இந்தப் பதிவில் பார்ப்போம்.

நம்ம ஊர்ல எல்லா வீட்டுத் தோட்டத்திலும் சுலபமா கிடைக்குற ஒரு மரம்னா அது கொய்யா மரம்தான். கொய்யா பழம் மட்டும் இல்ல, அந்த மரத்தோட இலைகளும் ரொம்பவே பயனுள்ளவை. பாட்டி, அம்மா காலத்திலிருந்தே கொய்யா இலைகளை மருந்தா பயன்படுத்திட்டு வராங்க. இப்பவும் இயற்கை வைத்தியத்துல இதுக்கு நல்ல மதிப்பு இருக்கு.

முக்கியமா, வயிறு சம்பந்தமான பிரச்சனைகளுக்கு கொய்யா இலை ரொம்ப நல்லது.

வயிற்றுப்போக்கு, வயிறு வலி, ஜீரண கோளாறு வந்தா, கொய்யா இலைகளை தண்ணியில போட்டு காய்ச்சி குடிச்சா சீக்கிரம் நிவாரணம் கிடைக்கும். குடலுக்குள்ள இருக்குற கெட்ட கிருமிகளை அழிக்க உதவுது.

அடுத்து, சர்க்கரை நோயாளிகள் காலை நேரத்தில கொய்யா இலை கஷாயம் குடித்து வந்தால் இரத்த சர்க்கரை அளவு கட்டுப்படும்.

வாய் புண், பல் வலி, ஈறு வீக்கம் இருந்தாலும் கொய்யா இலைகளை கொதிக்க வைத்து அந்த தண்ணியால வாய் கொப்பளிச்சா, கிருமிகள் குறையும்; வலியும் தணியும்.

அதுமட்டுமில்ல, முடி உதிர்வு, பொடுகு பிரச்சனைக்கு கொய்யா இலை தண்ணியால தலை கழுவினா நல்ல பலன் கிடைக்கும்; முடி வலுவாகும்.

கொய்யா மர இலை, சருமப் பிரச்சனைகளையும் சரி செய்யும். முகத்தில் பரு, அரிப்பு, சின்ன சின்ன புண்கள் வந்தா, கொய்யா இலை கஷாயத்தை ஆறவச்சு அந்த இடத்துல தடவினா நல்ல பலன் கிடைக்கும். இலைகளில் இருக்குற ஆன்டி-பாக்டீரியல் தன்மை, கிருமிகளை அழிச்சு, சருமத்தை சுத்தமா வச்சிருக்கும். அதனால இப்ப நிறைய இயற்கை அழகு சாதனங்கள்ல கூட கொய்யா இலை சாறு பயன்படுத்தறாங்க.

மேலும், உடம்புல நோய் எதிர்ப்பு சக்தியை அதிகரிக்கவும் கொய்யா இலை உதவுது. அடிக்கடி சளி, இருமல், காய்ச்சல் வர்றவங்க கொய்யா இலை கஷாயத்தை வாரத்துல இரண்டு மூணு தடவை குடிச்சா உடம்பு வலுவாகும். ரத்தத்துல இருக்குற நச்சுகளை வெளியேற்ற உதவுறதால, உடம்பு சுறுசுறுப்பா இருக்கும்.

மொத்தத்துல, மருந்துக்கடைக்கு ஓடாம, நம்ம வீட்டு தோட்டத்திலேயே கிடைக்குற கொய்யா மர இலைகள், உடம்புக்கு ஒரு இயற்கை வரப்பிரசாதம். சரியா பயன்படுத்தினா, சிறு சிறு உடல் பிரச்சனைகளுக்கு நல்ல தீர்வா அமையும்.

கொய்யா மரம் முழுக்க முழுக்க நமக்கு பயன் தர்ற ஒரு மரம்னு சொல்லலாம். பழமும் நலம், இலைகளும் நலம் – அதனால இந்த மரத்தை பாதுகாத்து, இவற்றை சரியான முறையில பயன்படுத்தினா நம்ம உடல் ஆரோக்கியத்திற்கு பெரிய உதவியா இருக்கும்.

(முக்கிய குறிப்பு: இந்தத் தகவல்கள் பொதுவான விழிப்புணர்வுக்காக மட்டுமே. மருத்துவ ஆலோசனைக்கு சரியான தகுந்த மருத்துவரை அணுகவும்)