<rss version="2.0" xmlns:atom="http://www.w3.org/2005/Atom" xmlns:content="http://purl.org/rss/1.0/modules/content/" xmlns:media="http://search.yahoo.com/mrss/" xmlns:sy="http://purl.org/rss/1.0/modules/syndication/"><channel><title>kalkionline</title><link>https://kalkionline.com</link><description>Sign up and subscribe to read our Archives.</description><atom:link href="https://kalkionline.com/stories.rss" rel="self" type="application/rss+xml"></atom:link><language>ta</language><lastBuildDate>Sat, 21 Nov 2026 12:19:55 +0530</lastBuildDate><sy:updatePeriod>hourly</sy:updatePeriod><sy:updateFrequency>1</sy:updateFrequency><item><title>உடலுக்குக் குளிர்ச்சி தரும் பத்தமடை பாய்: 150 ஆண்டு கால கைவினை அதிசயம்!</title><link>https://kalkionline.com/lifestyle/art/pathamadai-korai-mat-types-price-cooling-craft</link><comments>https://kalkionline.com/lifestyle/art/pathamadai-korai-mat-types-price-cooling-craft#comments</comments><guid isPermaLink="false">283f1df5-bf79-488e-809d-82af63a2c0bc</guid><pubDate>Sat, 21 Nov 2026 12:15:00 +0530</pubDate><atom:updated>2026-11-21T12:15:00.000+05:30</atom:updated><atom:author><atom:name>நடேஷ் கன்னா</atom:name><atom:uri>/api/author/2192519</atom:uri></atom:author><description></description><media:keywords>cultures,Traditional arts,Handicraft Festival</media:keywords><media:content height="900" url="https://media.assettype.com/kalkionline/2026-11-21/btwzaubo/art-6.jpg" width="1600"><media:title type="html"><![CDATA[ பத்தமடை பாய் - Traditional Craft]]></media:title><media:description type="html"><![CDATA[ பத்தமடை பாய் - Traditional Craft]]></media:description></media:content><media:thumbnail url="https://media.assettype.com/kalkionline/2026-11-21/btwzaubo/art-6.jpg?w=280" width="280"></media:thumbnail><category>Art / Culture</category><content:encoded><![CDATA[ <p><strong>தி</strong>ருநெல்வேலி மாவட்டம், சேரன் மகாதேவி. அருகில் உள்ளது பத்தமடை எனும் ஊர். இங்குள்ள முஸ்லிம் சமுதாயத்தை சேர்ந்தவர்கள் தலைமுறை தலைமுறையாக இந்த பாய் முடைதல் தொழிலைச் செய்து வருகின்றனர். சுமார் 150 ஆண்டுகளாக இந்தத் தொழிலில் இவர்கள் ஈடுபட்டு வருகின்றனர். </p><p>தாமிரபரணி நதிக்கரையில் உள்ள கோரைப் புற்கள் மற்றும் கத்தாழையைக் கொண்டு இந்தப் பாய் தயார் செய்யப்படுகிறது. எனவே, இந்தப் பாயில் படுத்துறங்க உடலுக்குக் குளிர்ச்சியாக இருக்கும்.</p><p>அக்காலத்தில் இப்பகுதி மக்கள் இந்தப் பாய் முடையப் பயன்படும் கோரைப் புற்கள் மற்றும் பாய்களை நனைய வைக்க தாமிரபரணி ஆற்றைப் பயன்படுத்தி வந்தனர். தற்போது அவர்களின் இருப்பிடங்களில் பெரிய அளவில் தொட்டி கட்டி, அதில் நீர் நிரப்பி பாய்களை நனைய வைக்கின்றனர்.</p><p>திருமணத்தின்போது மணமகன், மணமகள், தேதி, ஊர் பெயரை சேர்த்து இந்தப் பாயை இவர்கள் நெய்து கொடுக்கிறார்கள். இங்கு தயார் செய்யப்படும் பாய்கள் உலகப் பிரசித்தி பெற்றவை. பத்தமடை பாய் புவிசார் குறியீடு பெற்றிருப்பது சிறப்பு அம்சமாக.</p><p>நூற்றாண்டுகளைக் கடந்தும் உலகப் புகழ் பெற்று விளங்கும் பத்தமடை பாய் விளங்கி வருகிறது.</p><aside><a href="https://kalkionline.com/lifestyle/art/manappatti-samayal-madurai-catering-village-history">மணப்பட்டி சமையல்: ஒரு கிராமமே சமையற்கலைஞர்களாக மாறிய ஆச்சரிய வரலாறு!</a></aside><p>இந்த பாய் தயார் செய்தல் என்பது, கோரை புற்களை உலர்த்துவது, காயவைப்பது, ஊறவைப்பது, தரம் பிரித்தல், சாயம் இடுதல் என நீண்ட செயல்முறைகளை கொண்டது. தற்போது மின்சக்தி மூலம் இது செய்யப் படுகிறது. இந்தப் பாய்கள் தரத்தைப் பொறுத்து 150 ரூபாய் முதல் 8000 ரூபாய் வரை விற்பனை செய்யப்படுகிறது.</p><p>பத்தமடை சுவாமி சிவானந்தா பிறந்த ஊர் ஆகும். 1963ம் ஆண்டு இங்கிலாந்து ராணி இரண்டாம் எலிசபெத் முடிசூட்டு விழாவுக்கு இங்கிருந்து தயாரிக்கப்பட்ட பாய்கள் இந்தியாவின் சார்பாக பரிசாக வழங்கப்பட்டது. அதன் வேலைப்பாட்டை பார்த்து ராணி அசந்துபோய் விட்டாராம்.</p><p>இந்தியாவுக்கு வரும் வெளிநாட்டு தலைவர்களுக்கும் இந்தப் பாய் பரிசாக வழங்கி கௌரவிக்கப்படுகிறது. சமீபத்தில் ஜப்பானுக்கு சென்ற பிரதமர் இங்கு ஸ்பெஷலாக தயார் செய்யப்பட்ட பாய்களை ஜப்பான் பிரதமர், மன்னர் ஆகியோருக்கு பரிசாக வழங்கினார் என்றால் அதன் தரத்தைப் பார்த்துக் கொள்ளலாம்.</p><p>நூற்றாண்டுகளைக் கடந்தும் உலகப் புகழ் பெற்று விளங்கும் பத்தமடை பாய் இங்கு செய்யப்படும் பாய்களில் முரட்டு பாய், நடுத்தர பாய், நுண் நெசவு பாய் என மூன்று தரங்கள் உள்ளன. தற்போது இந்த பாய் புவிசார் குறியீடு பெற்று இருப்பதுடன், ‘கிராஃப்ட் கவுன்சில் ஆப் இந்தியா’ என்ற அமைப்பு மூலம் பல்வேறு சலுகைகள் மூலம் நவீன முறையில் செய்யப்பட்டு வருகிறது.</p><p>சுதந்திரப் போராட்ட வீரர்கள், தலைவர்கள், புகழ் பெற்ற சின்னங்கள் மற்றும் நடிகர்கள், இயற்கை ஓவியங்கள் என பலதரப்பட்ட வண்ண ஓவியங்கள் இந்தப் பாயில் இடம்பெற்று வருகின்றன. தலைமுறை தலைமுறையாக நடைபெற்று வரும் இந்த பத்தடை பாய் முடைதல் தொழிலைப் பேணி பாதுகாக்க வேண்டியது மிகவும் அவசியம்.</p><aside><a href="https://kalkionline.com/lifestyle/art/pathamadai-pai-mat-weaving-process-weavers-life-challenges">திருநெல்வேலி பத்தமடை பாய் எப்படி நெய்யப்படுகிறது தெரியுமா?</a></aside>]]></content:encoded></item><item><title>புதினா சாதம் கருப்பாகிறதா? நிறம் மாறாமல் சுவையாகச் செய்ய டிப்ஸ்!</title><link>https://kalkionline.com/lifestyle/food-and-cooking/mint-rice-turning-dark-tips-and-recipe</link><comments>https://kalkionline.com/lifestyle/food-and-cooking/mint-rice-turning-dark-tips-and-recipe#comments</comments><guid isPermaLink="false">8eb79e63-74e0-4202-b055-a4a3e017c6e0</guid><pubDate>Sat, 21 Nov 2026 11:59:40 +0530</pubDate><atom:updated>2026-11-21T11:59:40.673+05:30</atom:updated><atom:author><atom:name>சேலம் சுபா</atom:name><atom:uri>/api/author/1691714</atom:uri></atom:author><description></description><media:keywords>recipe,food</media:keywords><media:content height="941" url="https://media.assettype.com/kalkionline/2026-11-21/1e4vln2v/1000033477.png" width="1672"><media:title type="html"><![CDATA[ புதினா சாதம் ]]></media:title><media:description type="html"><![CDATA[ புதினா சாதம்]]></media:description></media:content><media:thumbnail url="https://media.assettype.com/kalkionline/2026-11-21/1e4vln2v/1000033477.png?w=280" width="280"></media:thumbnail><category>Food / Cooking</category><content:encoded><![CDATA[ <p>பொதுவாக புதினாக்கீரையின் தனித்துவ மணமும், அழகான பச்சை நிறமும், சாப்பிடத் தூண்டும். புதினா உணவுக்கு மணமும் சுவையும் தரும் ஒரு மூலிகை மட்டுமல்ல பல ஆரோக்கிய நன்மைகளையும் கொண்டது. இதில் வைட்டமின் A, வைட்டமின் C, குறைந்த சதவீதம் இரும்புச்சத்து, கால்சியம், பொட்டாசியம், நார்ச்சத்து, ஆன்டி ஆக்ஸிடன்ட்கள் ஆகியவை நிறைந்துள்ளதால் பல உடல்நல பாதிப்புகளுக்கு நிவாரணம் தருகிறது.</p><p><strong>புதினாவின் நன்மைகள்</strong></p><p>1. வயிற்று உப்புசம், வாயுத்தொல்லை போன்றவற்றைக் குறைத்து செரிமானத்தை மேம்படுத்தும்.</p><p>2. புதினாவின் இயற்கையான மணம் புத்துணர்ச்சியைத் தருகிறது. வாயில் ஏற்படும் துர்நாற்றத்தைத் தற்காலிகமாகக் குறைக்க உதவும்.</p><p>3. புதினாவின் மணம் சிலருக்கு குமட்டல் உணர்வைக் குறைக்க உதவலாம்.</p><p>4. ஆன்டி ஆக்ஸிடன்ட்கள் நிறைந்ததால் உடலில் செல்களைப் பாதிக்கக்கூடிய ஆக்ஸிடேட்டிவ் அழுத்தத்தைக் குறைக்க உதவும். இதில் வைட்டமின் C உள்ளிட்ட சில ஊட்டச்சத்துக்கள் உள்ளதால் நோய் எதிர்ப்பு ஆரோக்கியத்திற்கு உதவும்.&nbsp;</p><p>5. மேலும் புதினாவில் உள்ள மெந்தால் மூக்கடைப்பு ஏற்பட்டிருக்கும்போது குளிர்ச்சியான உணர்வைத் தருகிறது.&nbsp;</p><p>6. புதினா எண்ணெயை வெளிப்புறமாகப் பயன்படுத்துவது சில வகைத் தலைவலிகளைக் குறைக்க உதவலாம்.</p><p>7. இதில் உள்ள ஆன்டி ஆக்ஸிடன்ட்கள் சரும செல்களைப் பாதுகாக்க உதவுகின்றன.</p><p>8. உடல் எடையைக் கட்டுப்படுத்த விரும்புபவர்கள் உணவில் புதினாவைச் சேர்த்துக் கொள்ளலாம்.</p><p>பொதுவாக வீடுகளில் புதினாவில் துவையல், சாதம், சட்னி, தேநீர், சாலட் மற்றும் பிரியாணி போன்ற உணவு வகைகளில் சேர்க்கப்படுகிறது. ஆனால் அளவுக்கு அதிகமாகப் புதினாவை எடுப்பது அமிலத்தன்மை அல்லது நெஞ்செரிச்சல் பிரச்னை உள்ள சிலருக்கு அறிகுறிகளை அதிகரிக்கலாம் என்பதையும் கவனத்தில் கொள்ள வேண்டும்.</p><figure><img alt="புதினா சாதம்" src="https://media.assettype.com/kalkionline/2026-11-21/qo4mh6u2/1000033478.png" /><figcaption>புதினா சாதம்</figcaption></figure><p><strong>இங்கு புதினா சாதம் பற்றி பார்ப்போம்..</strong></p><p>விசேஷங்களில் அல்லது உணவகங்களில் சாப்பிடும் புதினா சாதம் ருசியாக இருக்கும். ஆனால் வீட்டில் புதினா சாதம் செய்யும்போது சில நேரங்களில் நிறம் மாறி கருமையாகிவிடும். சில சமயங்களில் புதினாவின் இயற்கையான மணத்துக்குப் பதிலாகக் கசப்புச் சுவை அதிகமாக இருக்கும். இதற்கு என்ன வழி என்பது தெரியாமல் புதினா சாதம் செய்வதையே தவிர்ப்போம். இனி அந்தக் கவலை வேண்டாம்.</p><p>ஹோட்டல் ஸ்டைலில் மணமாகவும், பச்சை நிறம் மாறாமலும் புதினா சாதம் செய்ய இந்த 3 விஷயங்களைக் கவனித்தாலே போதும்.</p><p>1. நல்ல புதினாவைத் தேர்வு செய்வதும் சுத்தம் செய்வதும் மிக முக்கியம். இளமையான, பச்சைப் பசேல் என்ற புதிய புதினா இலைகளைத் தேர்வு செய்ய வேண்டும். மஞ்சள் நிறம் மற்றும் அழுகிய இலைகளை நீக்கிவிட வேண்டும்.</p><p>2. இலைகளைத் தண்ணீரில் நன்றாகக் கழுவி, ஈரமில்லாமல் வடிகட்ட வேண்டும்.</p><p>3. புதினாவுடன் சிறிதளவு கொத்தமல்லி சேர்த்தால் சுவையும் மணமும் அதிகரிக்கும். புதினா இலைகளை நீண்ட நேரம் தண்ணீரில் ஊறவைப்பதைத் தவிர்க்கவும்.</p><p><strong>புதினா அரைக்கும் முறையிலும் கவனம் தேவை.</strong></p><p><strong>புதினா பேஸ்ட் தயாரிக்க தேவையான பொருட்கள்.</strong></p><p>புதினா – 1 கட்டு</p><p>கொத்தமல்லி – சிறிதளவு</p><p>பச்சை மிளகாய் – 3</p><p>இஞ்சி – சிறிய துண்டு</p><p>பூண்டு – 4 பல்</p><p>தேங்காய்த் துருவல் – 2 டேபிள்ஸ்பூன்</p><p>எலுமிச்சைச் சாறு – 1 டீஸ்பூன்</p><aside><a href="https://kalkionline.com/lifestyle/food-and-cooking/easy-green-gram-sprouting-guide">பச்சைப்பயறு முளைகட்டுவது எப்படி? கசப்பு மற்றும் நாற்றம் தவிர்க்க எளிய வழிகள்!</a></aside><p><strong>செய்முறை:</strong></p><p>கடாயில் சிறிதளவு எண்ணெய் ஊற்றி பச்சை மிளகாய், இஞ்சி, பூண்டு ஆகியவற்றை வதக்கவும்.</p><p>அடுப்பை அணைத்துவிட்டு புதினா, கொத்தமல்லி சேர்த்துக் கிளறவும்.</p><p>ஆறியதும் தேங்காய்த் துருவல் சேர்த்து மிகக் குறைந்த தண்ணீரில் அரைக்கவும்.</p><p>எலுமிச்சைச் சாற்றை அரைத்த விழுதில் சேர்க்கலாம். புதினாவை அதிக நேரம் வதக்கினால் அதன் நிறமும் மணமும் குறையலாம். அதிக நேரம் அரைப்பதும், சூடான விழுதை நீண்ட நேரம் வைத்திருப்பதும் கூட நிறம் மாறக் காரணமாகலாம்.</p><p><strong>அடுத்ததாக சாதத்துடன் கலக்கும்போது தேவையான செயல் முறை..</strong></p><p>உதிரி உதிரியாக வடித்த சாதத்தைப் பயன்படுத்துவதே நல்லது. பரவலாக சாதத்தை ஆறவிட்டு பிறகே புதினா விழுதைக் கலக்க வேண்டும்.</p><p>கடாயில் சிறிதளவு எண்ணெய் அல்லது நெய் ஊற்றி கடுகு, உளுந்து, கடலைப்பருப்பு, முந்திரி, கறிவேப்பிலை ஆகியவற்றை பதமாக கருகாமல் தாளிக்கவும். அதில் அரைத்த புதினா விழுதைச் சேர்த்து மிதமான தீயில் ஒரு நிமிடம் மட்டும் கிளறவும்.</p><p>பின்னர் சாதத்தைச் சேர்த்துக் கிளறி அடுப்பை அணைக்கவும்.</p><aside><a href="https://kalkionline.com/lifestyle/food-and-cooking/why-green-chutney-turns-dark-hotel-style-tips">பச்சை சட்னி ஏன் கருப்பாகிறது? ஹோட்டல் சுவை மாறாத பசுமை ரகசியம் இதுதான்!</a></aside><p><strong>புதினா சாதம் கசப்பாக வராமல் இருக்க இந்த 3 கூடுதல் குறிப்புகளும் நினைவில் வையுங்கள்.</strong></p><p>1. புதினாவின் தண்டுகளை அதிகமாகச் சேர்க்க வேண்டாம். குறிப்பாகக் கடினமான தண்டுகளை நீக்கிவிடவும்.</p><p>2. புதினாவை அதிக நேரம் வதக்கவோ, அதிகமாகச் சமைக்கவோ கூடாது.</p><p>3. புதினா விழுதில் அதிக அளவு வெந்தயம் அல்லது மசாலாப் பொருட்களைச் சேர்க்க வேண்டாம். இவை சுவையை மாற்றிவிடும் வாய்ப்பு அதிகம்.</p><p><strong>புதினா சாதத்துடன் தொட்டுக்கொள்ள</strong></p><p>உருளைக்கிழங்கு வறுவல், அப்பளம், வெள்ளரிக்காய் தயிர்ப் பச்சடி ஆகியவை நல்ல சாய்ஸ்.</p><p>புதினா சாதத்தின் பச்சை நிறத்தைப் பாதுகாக்க புதினாவை அதிக நேரம் சூடுபடுத்தாமல் இருப்பதுதான் முக்கிய ரகசியம். குறைந்த நேரத்தில் சமைத்தால் அதன் இயற்கையான மணமும் சுவையும் நன்றாகக் கிடைக்கும் என்பதை அறிந்து கொள்ளுங்கள். அப்புறமென்ன இனி கசப்பற்ற சுவையான புதினா சாதம் உங்கள் வீட்டிலும் மணக்கட்டும்.</p><p>புதினா சாதம் ஏன் நிறம் மாறுகிறது, கசப்பு ஏன் ஏற்படுகிறது என்பதைப் புரிந்துகொண்டு, ஹோட்டல் போன்ற சுவையிலும் பச்சை நிறத்திலும் வீட்டிலேயே எளிதாகத் தயாரிக்கவும், புதினாவின் நன்மைகளையும் அளவோடு பயன்படுத்தவும் வாசகருக்கு உதவும்.</p>]]></content:encoded></item><item><title>கத்திரிக்காய் குழையாமல் மணம் கமகமக்கும் விருந்து ரசவாங்கி செய்வது எப்படி?</title><link>https://kalkionline.com/lifestyle/food-and-cooking/chettinad-kathirikkai-rasavangi-recipe-tips</link><comments>https://kalkionline.com/lifestyle/food-and-cooking/chettinad-kathirikkai-rasavangi-recipe-tips#comments</comments><guid isPermaLink="false">a9d9aa7a-83b8-4c08-a715-9da8d3636dbb</guid><pubDate>Sat, 21 Nov 2026 11:30:00 +0530</pubDate><atom:updated>2026-11-21T11:30:00.000+05:30</atom:updated><atom:author><atom:name>கல்பனா ராஜகோபால்</atom:name><atom:uri>/api/author/2346864</atom:uri></atom:author><description></description><media:keywords>brinjal,chettinad receipe,healthy cooking</media:keywords><media:content height="900" url="https://media.assettype.com/kalkionline/2026-11-20/uqa30ce9/food-5.jpg" width="1600"><media:title type="html"><![CDATA[ கத்திரிக்காய் ரசவாங்கி - Brinjal Rasavangi,]]></media:title><media:description type="html"><![CDATA[ கத்திரிக்காய் ரசவாங்கி - Brinjal Rasavangi,]]></media:description></media:content><media:thumbnail url="https://media.assettype.com/kalkionline/2026-11-20/uqa30ce9/food-5.jpg?w=280" width="280"></media:thumbnail><category>Food / Cooking</category><content:encoded><![CDATA[ <p><strong>ர</strong>சவாங்கி என்று சொன்னாலே செட்டிநாடுதான் நினைவுக்கு வரும். இந்த ரசவாங்கி அவர்கள் வீட்டு பாரம்பரிய சமையலில் பிரபலமான ஒரு வகை கூட்டு போன்ற உணவு.</p><p>இது வறுத்து அரைத்த மசாலாவின் மணத்துடனும் இருக்கும். செட்டிநாட்டு விருந்தில் தவறாமல் முக்கிய இடம் வகிக்கிறது.</p><p>இந்த ரசவாங்கியைப் பூசணிக்காய், வாழைக்காய் வைத்தும் சமைக்கலாம். ஆனால், கத்திரிக்காய் ரசவாங்கியின் சுவைக்கு ஈடு இணை எதுவும் கிடையாது.</p><p>ரசவாங்கி என்றால் அது சாதாரண கத்திரிக்காய் சாம்பார் அல்ல. குழைந்த பருப்புடன் கத்திரிக்காயும், வறுத்து அரைத்த மசாலாவின் சுவையும் சேர்ந்ததுதான் ரசவாங்கியின் சிறப்பு.</p><p>ஆனால், சில சமயங்களில் கத்திரிக்காய் அதிகமாக வெந்து குழைந்து காணாமல் போய்விடும். மசாலாவும் சரியான பதத்தில் அமையாமல் சதி செய்து சுவையைக் கெடுத்துவிடும். அப்படியில்லாமல், கல்யாண வீட்டு ரசவாங்கி போல கமகமவென்று செய்ய சில முக்கியமான ரகசியங்கள் இருக்கின்றன. அவற்றைப் பார்ப்போமா?</p><p><strong>1. பிஞ்சுக் கத்திரிக்காயும் நறுக்கும் முறையும்!</strong></p><p>ரசவாங்கி செய்வதற்கு விதைகள் அதிகம் இல்லாத, இளசான பிஞ்சுக் கத்திரிக்காய்களைத்தான் பயன்படுத்த வேண்டும்.</p><p>கத்திரிக்காயை மிகவும் சிறிய துண்டுகளாக நறுக்கினால் வேகும்போதே குழைந்துவிடும். எனவே, சற்று பெரிய துண்டுகளாக நறுக்கி, அவை நிறம் மாறாமல் இருக்க நறுக்கியதும் தண்ணீரில் போட்டு வைக்கவும்.</p><p><strong>2. கருகாமல் வறுத்து அரைக்கும் மசாலாதான் ருசியின் ரகசியம்!</strong></p><p>மசாலாவை மிதமான தீயில் வைத்து வறுப்பதுதான் நல்லது. கருகவிடக் கூடாது. அப்போதுதான் ரசவாங்கிக்கு நல்ல மணமும் சுவையும் கிடைக்கும்.</p><p>ஒரு வாணலியில் சிறிதளவு எண்ணெய் ஊற்றி இரண்டு ஸ்பூன் கடலைப்பருப்பு, ஒரு ஸ்பூன் உளுத்தம்பருப்பு, ஒரு ஸ்பூன் தனியா, 5 முதல் 6 காய்ந்த மிளகாய், சிறிதளவு வெந்தயம் சேர்த்து மிதமான தீயில்</p><p>வறுக்கவும். கடைசியாக அரை மூடி துருவிய தேங்காய் சேர்த்து லேசாக வறுத்து ஆறவிடவும். பின்னர் தேவையான தண்ணீர் சேர்த்து நைஸாக அரைத்துக்கொள்ளவும்.</p><p><strong>3. கத்திரிக்காய் குழையாமல் இருக்க இந்த டிப்ஸ்!</strong></p><p>கத்திரிக்காயை நறுக்கியதும் தண்ணீரில் போட்டு வைக்கவும். பிறகு ஒரு கடாயில் சிறிதளவு நல்லெண்ணெய் ஊற்றி நறுக்கிய கத்திரிக்காயைச் சேர்த்து லேசாக வதக்கவும். பின்னர் புளிக்கரைசல், தேவையான உப்பு, மஞ்சள்தூள் சேர்த்து மிதமான தீயில் வேகவிடவும். கத்திரிக்காய் முக்கால் பதம் வெந்ததும் அடுத்த கட்டத்திற்குச் செல்லலாம்.</p><figure><img alt="கத்திரிக்காய் ரசவாங்கி - Brinjal Rasavangi," src="https://media.assettype.com/kalkionline/2026-11-20/f9xsh6u3/food-1-2.jpg" /><figcaption>கத்திரிக்காய் ரசவாங்கி - Brinjal Rasavangi,</figcaption></figure><p><strong>4. பருப்பை எப்போது சேர்க்கவேண்டும்?</strong></p><p>துவரம்பருப்பை மஞ்சள்தூள் சேர்த்து தனியாக நன்றாக வேகவைத்து மசித்து வைக்கவும். கத்திரிக்காய் முக்கால் பதம் வெந்ததும் வேகவைத்த பருப்பையும் அரைத்த மசாலாவையும் சேர்த்து, தேவையான அளவு தண்ணீர் ஊற்றி மிதமான தீயில் கொதிக்கவிடவும்.</p><p>ரசவாங்கி சாம்பாரைவிடக் கெட்டியாகவும், கூட்டைவிடச் சற்று தளர்வாகவும் இருக்கவேண்டும்.</p><p><strong>5. மணம் கமகமக்க மிதமான தீயில் கொதித்தலும் தாளிப்பும்!</strong></p><p>ரசவாங்கியைத் தயாரித்ததும் உடனே இறக்காமல், மசாலாவும் பருப்பும் கத்திரிக்காயும் ஒன்றோடொன்று கலந்து வரும்வரை சில நிமிடங்கள் மிதமான தீயில் கொதிக்கவிடவும்.</p><p>பிறகு, ஒரு சிறிய வாணலியில் நல்லெண்ணெய் அல்லது நெய் ஊற்றி கடுகு, உளுத்தம்பருப்பு, கறிவேப்பிலை, பெருங்காயத்தூள், சிறிதளவு வறுத்த எள் ஆகியவற்றைச் சேர்த்துத் தாளித்து ரசவாங்கியில் சேர்த்துக் கலக்கவும்.</p><aside><a href="https://kalkionline.com/lifestyle/food-and-cooking/kalyana-veetu-morkuzhambu-recipe-secrets">கல்யாண வீட்டு மோர்க்குழம்பு ருசி ரகசியம்! வீட்டில் இப்படி வைங்க!</a></aside><p><strong>பாரம்பரிய விருந்து ரசவாங்கி – செய்முறை</strong></p><p><strong>தேவையான பொருட்கள்:</strong></p><p>கத்திரிக்காய் – ¼ கிலோ</p><p>துவரம்பருப்பு – ½ கப்</p><p>புளி – சிறிய எலுமிச்சை அளவு</p><p>மஞ்சள்தூள் – ¼ டீஸ்பூன்</p><p>உப்பு – தேவையான அளவு</p><p>வெல்லம் – சிறிதளவு</p><p>நல்லெண்ணெய் – 3 டேபிள்ஸ்பூன்</p><p>கடுகு – ½ டீஸ்பூன்</p><p>உளுத்தம்பருப்பு – 1 டீஸ்பூன்</p><p>கறிவேப்பிலை – சிறிதளவு</p><p>அரைக்க வேண்டிய பொருட்கள்:</p><p>கொத்தமல்லி விதைகள் – 2 டேபிள்ஸ்பூன்</p><p>கடலைப்பருப்பு – 1 டேபிள்ஸ்பூன்</p><p>உளுத்தம்பருப்பு – 1 டீஸ்பூன்</p><p>காய்ந்த மிளகாய் – 5</p><p>மிளகு – ½ டீஸ்பூன்</p><p>வெந்தயம் – ¼ டீஸ்பூன்</p><p>எள் – 1 டீஸ்பூன்</p><p>தேங்காய்த் துருவல் – ¼ கப்</p><p><strong>செய்முறை:</strong></p><p>1. முதலில் கடாயில் சிறிது எண்ணெய் ஊற்றி கொத்தமல்லி விதை, கடலைப்பருப்பு, உளுத்தம்பருப்பு, மிளகு, வெந்தயம், காய்ந்த மிளகாய் ஆகியவற்றைத் தனித்தனியாகப் பொன்னிறமாக வறுக்கவும். கடைசியாக எள், தேங்காய்த் துருவல் சேர்த்து வறுத்து ஆறவிடவும்.</p><p>2. ஆறியதும் மிக்ஸி ஜாரில் போட்டு அளவாகத் தண்ணீர் சேர்த்து விழுதாக அரைத்துக்கொள்ளவும்.</p><p>3. கத்திரிக்காயை நீளவாக்கில் நான்காக நறுக்கி, தண்ணீரில் போட்டு வைக்கவும்.</p><p>4. துவரம்பருப்பை மஞ்சள்தூள் சேர்த்து தனியாக நன்றாக வேகவைத்து மசித்து வைக்கவும்.</p><p>5. கடாயில் நல்லெண்ணெய் ஊற்றி நறுக்கிய கத்திரிக்காயைச் சேர்த்து லேசாக வதக்கவும். பின்னர் புளிக்கரைசல், மஞ்சள்தூள், உப்பு சேர்த்து வேகவிடவும்.</p><p>6. கத்திரிக்காய் முக்கால் பதம் வெந்ததும் வேகவைத்த பருப்பையும் அரைத்த மசாலாவையும் சேர்க்கவும். தேவையான அளவு தண்ணீர் ஊற்றி மிதமான தீயில் கொதிக்கவிடவும்.</p><p>7. மசாலாவின் பச்சை வாசனை நீங்கி, எண்ணெய் மேலே பிரிந்து வரும்போது சிறிதளவு வெல்லம் சேர்த்து இறக்கவும்.</p><p>சூடான சாதம், நெய், அப்பளம் என ஒரு கிளாசிக் காம்போவாகப் பரிமாறினால், விருந்து சாப்பாட்டுக்கு ஏற்ற அருமையான ரசவாங்கி தயார்!</p><aside><a href="https://kalkionline.com/lifestyle/food-and-cooking/kambu-ravai-upma-kichadi-recipes-tamil">உப்புமா வேண்டாம் என்பவர்களும் விரும்பும் கம்பு ரவை உப்புமா, கிச்சடி ரெசிபிகள்!</a></aside>]]></content:encoded></item><item><title>குழந்தைகளுக்கு சுயமாக மருந்து கொடுப்பது ஆபத்தா? பெற்றோர் அறிய வேண்டிய 10 உண்மைகள்!</title><link>https://kalkionline.com/wellness/self-medication-for-children-dangers-10-questions-answers</link><comments>https://kalkionline.com/wellness/self-medication-for-children-dangers-10-questions-answers#comments</comments><guid isPermaLink="false">68f106da-378a-43d6-8e1c-87d3670ad0d5</guid><pubDate>Sat, 21 Nov 2026 11:14:36 +0530</pubDate><atom:updated>2026-11-21T11:14:36.609+05:30</atom:updated><atom:author><atom:name>Dr K. Ravanan M.D, Paediatrics</atom:name><atom:uri>/api/author/2501857</atom:uri></atom:author><description></description><media:keywords>child care,Self medication</media:keywords><media:content height="900" url="https://media.assettype.com/kalkionline/2026-11-21/0u8z5igy/Self-medication-for-children.jpg" width="1600"><media:title type="html"><![CDATA[ Self-medication for children | குழந்தைகளுக்கு சுய மருத்துவம்]]></media:title><media:description type="html"><![CDATA[ Self-medication for children | குழந்தைகளுக்கு சுய மருத்துவம்]]></media:description></media:content><media:thumbnail url="https://media.assettype.com/kalkionline/2026-11-21/0u8z5igy/Self-medication-for-children.jpg?w=280" width="280"></media:thumbnail><category>Wellness</category><content:encoded><![CDATA[ <p>குழந்தைகளுக்கு சுயமாக மருந்து கொடுப்பது ஆபத்து!</p><p>பெற்றோர் அறிந்திருக்க வேண்டிய 10 முக்கியக் கேள்விகளும் பதில்களும்!</p><div><div class="question"><p>1. குழந்தைக்குக் காய்ச்சல் வந்தால், ஏற்கெனவே கொடுத்த மருந்தை மீண்டும் கொடுக்கலாமா?</p></div><div class="answer"><p>கூடாது. முந்தைய முறை ஏற்பட்ட நோய்க்கும் இப்போதைய நோய்க்கும் ஒரே காரணம் இருக்க வேண்டிய அவசியமில்லை. அறிகுறிகள் ஒரே மாதிரியாக இருந்தாலும், அவற்றுக்கான காரணங்களும் சிகிச்சைகளும் மாறுபடலாம். பழைய மருந்துச் சீட்டைப் பயன்படுத்துவதற்குப் பதிலாக, குழந்தையின் தற்போதைய நிலையை மருத்துவர் சோதித்து சிகிச்சை அளிப்பது அவசியம்.</p></div></div><div><div class="question"><p>2. மருத்துவரின் ஆலோசனையின்றி மருந்துக் கடையில் மருந்து வாங்குவது ஏன் தவறு?</p></div><div class="answer"><p>எல்லா மருந்துகளும் குழந்தைகளுக்கு ஏற்றவை அல்ல. வயது, உடல் எடை, நோயின் தன்மை, ஏற்கெனவே பயன்படுத்தும் மருந்துகள் ஆகியவற்றைக் கருத்தில் கொண்டே மருந்து தேர்ந்தெடுக்கப்பட வேண்டும். தவறான மருந்து அறிகுறிகளை மறைத்து, சரியான சிகிச்சை கிடைப்பதைத் தாமதப்படுத்தலாம்.</p></div></div><div><div class="question"><p>3. பெரியவர்களுக்கான மருந்தைச் சிறிய அளவில் கொடுக்கலாமா?</p></div><div class="answer"><p>நிச்சயம் கூடாது. பெரியவர்களுக்கான மாத்திரையைப் பாதியாக உடைத்துக் கொடுப்பது பாதுகாப்பான அளவைக் கொடுக்கும் என்பதற்கு உத்தரவாதமில்லை. சில மாத்திரைகளை உடைக்கவோ நசுக்கவோ கூடாது. குழந்தைகளுக்கான மருந்தளவு, குறிப்பிட்ட மருந்தின் தன்மையையும் குழந்தையின் உடல் எடையையும் பொறுத்து மாறுபடும்.</p></div></div><div><div class="question"><p>4. மருந்தின் அளவை எவ்வாறு சரியாகக் கணக்கிடுவது?</p></div><div class="answer"><p>மருத்துவர் குறிப்பிட்ட அளவையும் இடைவெளியையும் துல்லியமாகப் பின்பற்ற வேண்டும். வீட்டுத் தேக்கரண்டிகளுக்குப் பதிலாக, மருந்துடன் வழங்கப்படும் அளவுக் கருவியைப் பயன்படுத்துங்கள். மருந்தின் செறிவு மாறுபடக்கூடும் என்பதால், ஒரே அளவு எல்லா தயாரிப்புகளுக்கும் பொருந்தாது.</p></div></div><div><div class="question"><p>5. சளி, இருமலுக்கு நுண்ணுயிர்க்கொல்லி மருந்துகள் தேவையா?</p></div><div class="answer"><p>பெரும்பாலான சாதாரண சளி, இருமல் பாதிப்புகள் வைரஸ் தொற்றுகளால் ஏற்படுகின்றன. அவற்றுக்கு நுண்ணுயிர்க்கொல்லிகள் பயனளிக்காது. தேவையின்றி இம்மருந்துகளைப் பயன்படுத்துவது, மருந்துகளை எதிர்க்கும் நுண்ணுயிர்கள் உருவாகும் அபாயத்தை அதிகரிக்கிறது. பாக்டீரியா தொற்று இருப்பதாக மருத்துவர் கருதினால் மட்டுமே அவற்றைப் பயன்படுத்த வேண்டும்.</p></div></div><div><div class="question"><p>6. இருமல் மருந்துகள் மற்றும் காய்ச்சல் மருந்துகள் பக்கவிளைவுகளை ஏற்படுத்துமா?</p></div><div class="answer"><p>ஆம். மருந்தின் வகை, அளவு, குழந்தையின் வயது ஆகியவற்றைப் பொறுத்து பக்கவிளைவுகள் ஏற்படலாம். சில இருமல் மருந்துகள் சிறு குழந்தைகளுக்கு ஆபத்தானவை. ஒரே உட்பொருள் கொண்ட இரண்டு மருந்துகளை அறியாமல் கொடுத்தால், அளவுக்கு அதிகமான மருந்து உடலுக்குள் செல்லக்கூடும்.</p></div></div><figure><img alt="Child Fever | குழந்தை காய்ச்சல்" src="https://media.assettype.com/kalkionline/2026-06-18/hmftzptb/Child-Fever-1.jpg" /><figcaption>Child Fever | குழந்தை காய்ச்சல்</figcaption></figure><div><div class="question"><p>7. வீட்டில் மீதமுள்ள மருந்தையோ, மற்றொரு குழந்தைக்குக் கொடுக்கப்பட்ட மருந்தையோ பயன்படுத்தலாமா?</p></div><div class="answer"><p>கூடவே கூடாது. ஒரே குடும்பத்தைச் சேர்ந்த குழந்தைகளுக்குக்கூட ஒரே மருந்தும் ஒரே அளவும் பொருந்த வேண்டிய அவசியமில்லை. காலாவதியான மருந்துகள், சரியாகச் சேமிக்கப்படாத திரவ மருந்துகள் ஆகியவற்றையும் பயன்படுத்தாதீர்கள். மருத்துவரின் ஆலோசனையின்றி மருந்துகளைப் பகிர்ந்து கொடுப்பதைத் தவிர்க்க வேண்டும்.</p></div></div><div><div class="question"><p>8. மூலிகை மருந்துகள், வீட்டுவைத்திய முறைகள் முற்றிலும் பாதுகாப்பானவையா?</p></div><div class="answer"><p>அப்படிக் கூற முடியாது. இயற்கையான பொருட்களுக்கும் பக்கவிளைவுகள் இருக்கலாம். சில பொருட்கள் கல்லீரல் அல்லது சிறுநீரகத்தைப் பாதிக்கலாம், ஏற்கெனவே பயன்படுத்தும் மருந்துகளுடன் வினைபுரியலாம். குழந்தைகளுக்குப் புதிய மூலிகைத் தயாரிப்புகளையோ மருந்துகளையோ கொடுப்பதற்கு முன் மருத்துவரிடம் ஆலோசனை பெறுவது நல்லது.</p></div></div><aside><a href="https://kalkionline.com/wellness/child-breath-holding-spell-first-aid-causes">அழும்போது குழந்தை மூச்சை நிறுத்துகிறதா? நீல நிறம், மயக்கம் வந்தால் உஷார்!</a></aside><div><div class="question"><p>9. எந்த அறிகுறிகள் ஏற்பட்டால் உடனடியாக மருத்துவ உதவி தேவை?</p></div><div class="answer"><p>குழந்தைக்கு மூச்சுவிடுவதில் சிரமம், வலிப்பு, விழிப்புணர்வு குறைதல், கடுமையான நீரிழப்பு அல்லது மருந்தை அளவுக்கு அதிகமாக உட்கொண்டிருக்கலாம் என்ற சந்தேகம் இருந்தால் உடனடியாக அவசர மருத்துவ உதவியை நாடுங்கள். குறிப்பாக மூன்று மாதத்திற்குட்பட்ட குழந்தைக்கு 38°C அல்லது அதற்கு மேற்பட்ட காய்ச்சல் இருந்தால் அவசர மருத்துவ மதிப்பீடு அவசியம்.</p></div></div><div><div class="question"><p>10. குழந்தைகளைச் சுயமருத்துவத்திலிருந்து பாதுகாக்கப் பெற்றோர் என்ன செய்ய வேண்டும்?</p></div><div class="answer"><p>மருத்துவர் பரிந்துரைத்த மருந்துகளை மட்டுமே, குறிப்பிட்ட அளவிலும் கால அளவிலும் கொடுங்கள். மருந்துகளைக் குழந்தைகளுக்கு எட்டாத இடத்தில் வையுங்கள். நோயின் அறிகுறிகள் நீடித்தாலோ மோசமடைந்தாலோ மருத்துவ ஆலோசனை பெறுங்கள். குழந்தையின் நலனைப் பாதுகாப்பதில் பெற்றோரின் விழிப்புணர்வும் பொறுப்பான முடிவுகளும் முக்கியப் பங்கு வகிக்கின்றன.</p></div></div><aside><a href="https://kalkionline.com/wellness/avian-flu-risks-in-children-parent-guide-tamil">பறவைக் காய்ச்சல் குழந்தைகளுக்கு ஆபத்தா? பெற்றோர்கள் தெரிந்து கொள்ள வேண்டிய உண்மைகள்!</a></aside><p><strong>நினைவில் கொள்ளுங்கள்:</strong> மருந்து கொடுப்பது மட்டுமே அக்கறை அல்ல. சரியான காரணத்தைக் கண்டறிந்து, சரியான சிகிச்சையைச் சரியான நேரத்தில் பெற்றுத் தருவதே உண்மையான அக்கறை.</p>]]></content:encoded></item><item><title> 25 நாட்களில் பசுமையான பொன்னாங்கண்ணி கீரை! மாடித் தோட்டத்திற்கு ஏற்ற எளிய மண் கலவை எது?</title><link>https://kalkionline.com/lifestyle/home-and-family/ponnanganni-keerai-growing-in-pot-tips</link><comments>https://kalkionline.com/lifestyle/home-and-family/ponnanganni-keerai-growing-in-pot-tips#comments</comments><guid isPermaLink="false">955b71c4-410d-4a9b-9024-f180eaa51f0c</guid><pubDate>Sat, 21 Nov 2026 11:00:00 +0530</pubDate><atom:updated>2026-11-21T11:00:00.000+05:30</atom:updated><atom:author><atom:name>கிரி கணபதி</atom:name><atom:uri>/api/author/1730300</atom:uri></atom:author><description></description><media:keywords>home,Keerai</media:keywords><media:content height="900" url="https://media.assettype.com/kalkionline/2026-11-21/86bmex2k/%E0%AE%AA%E0%AF%8A%E0%AE%A9%E0%AF%8D%E0%AE%A9%E0%AE%BE%E0%AE%99%E0%AF%8D%E0%AE%95%E0%AE%A3%E0%AF%8D%E0%AE%A3%E0%AE%BF-%E0%AE%95%E0%AF%80%E0%AE%B0%E0%AF%88-ponnanganni-keerai-growing-in-pot" width="1600"><media:title type="html"><![CDATA[ பொன்னாங்கண்ணி கீரை ponnanganni keerai growing in pot]]></media:title><media:description type="html"><![CDATA[ பொன்னாங்கண்ணி கீரை ponnanganni keerai growing in pot]]></media:description></media:content><media:thumbnail url="https://media.assettype.com/kalkionline/2026-11-21/86bmex2k/%E0%AE%AA%E0%AF%8A%E0%AE%A9%E0%AF%8D%E0%AE%A9%E0%AE%BE%E0%AE%99%E0%AF%8D%E0%AE%95%E0%AE%A3%E0%AF%8D%E0%AE%A3%E0%AE%BF-%E0%AE%95%E0%AF%80%E0%AE%B0%E0%AF%88-ponnanganni-keerai-growing-in-pot?w=280" width="280"></media:thumbnail><category>Home / Family</category><content:encoded><![CDATA[ <p>வீட்டிலேயே ரசாயனம் இல்லாத சுத்தமான கீரைகளை வளர்த்துச் சமைக்க வேண்டும் என்ற ஆசை பலருக்கும் இருக்கும். அதிலும் பொன்னாங்கண்ணி கீரை வளர்ப்பதற்குப் பெரிய தோட்டமோ, அதிக இடமோ தேவையில்லை. பால்கனி அல்லது மாடியில் இருக்கும் ஒரு சிறிய தொட்டியில் ஒரே 1 கிளையை நட்டாலே போதும். முறையாகப் பராமரித்து வந்தால், பல மாதங்களுக்குத் தொடர்ந்து பசுமையான கீரையை அறுவடை செய்துகொண்டே இருக்கலாம்.</p><p>இந்தக் கீரையின் வேர்கள் மண்ணுக்குள் ஆழமாகச் செல்லாது, பக்கவாட்டில்தான் அதிகம் படரும். எனவே, 8 முதல் 10 அங்குலம் ஆழமும் அகலமும் கொண்ட சாதாரண தொட்டி அல்லது குரோ பேக் இதற்குப் போதுமானது. தொட்டியின் அடியில் அதிகப்படியான தண்ணீர் வெளியேறத் துளைகள் இருப்பதை முதலில் உறுதி செய்துகொள்ள வேண்டும்.</p> <p>மண் கலவையைப் பொறுத்தவரை செம்மண், மண்புழு உரம் மற்றும் தேங்காய் நார் கழிவு ஆகிய 3 பொருட்களையும் சம அளவில் கலந்து பயன்படுத்தலாம். மண்புழு உரம் கிடைக்காதவர்கள் அதற்குப் பதிலாக நன்கு மக்கிய தொழுவுரத்தைப் பயன்படுத்தலாம். தளர்வான மண் கலவை வேர்கள் எளிதாகப் படர உதவும்.</p><p><strong>கடையில் வாங்கும் தண்டிலேயே நடவு செய்யும் வழி!</strong></p><p>இதற்காகத் தனியாக விதைகளோ நாற்றுகளோ தேடி அலைய வேண்டாம். சமையலுக்காகக் கடையில் வாங்கி வரும் கீரையின் தண்டுகளிலிருந்தே இதை எளிதாக வளர்க்க முடியும். இலைகளை ஆய்ந்து எடுத்த பிறகு, சற்று தடிமனான, 4 முதல் 6 அங்குல நீளமுள்ள கிளையைத் தேர்ந்தெடுக்க வேண்டும்.</p> <figure><img alt="பொன்னாங்கண்ணி கீரை ponnanganni keerai growing in pot" src="https://media.assettype.com/kalkionline/2026-11-21/5e6ldsjh/பொன்னாங்கண்ணி-கீரை-ponnanganni-keerai-growing-in-pot" /><figcaption>பொன்னாங்கண்ணி கீரை ponnanganni keerai growing in pot</figcaption></figure><p>தண்டின் அடிப்பகுதியில் இருக்கும் இலைகளை முழுமையாக நீக்கிவிடவும். அதன் பிறகு, தண்டின் கணுப் பகுதி மண்ணுக்குள் நன்கு புதையுமாறு நேராக இல்லாமல் சாய்வாக நட வேண்டும். சாய்வாக நடுவதால் கணுப் பகுதியிலிருந்து வேர்கள் வேகமாக உருவாகும்.</p> <aside><a href="https://kalkionline.com/lifestyle/food-and-cooking/horse-gram-sprouting-tips-masala-sundal-recipe">கொள்ளு சரியாக முளைக்காததற்குக் காரணம் இதுதான்! 2 முக்கிய டிப்ஸ் & மசாலா சுண்டல் ரெசிபி!!</a></aside><p>செடி ஆரோக்கியமாக வளர தினமும் குறைந்தது 4 முதல் 5 மணி நேரம் நேரடிச் சூரிய ஒளி படும் இடத்தில் தொட்டியை வைக்க வேண்டும். நிழலான இடத்தில் வைத்தால் வளர்ச்சி குறையும். மண்ணில் எப்போதும் லேசான ஈரப்பதம் இருக்குமாறு தினமும் தண்ணீர் தெளித்து வரவும். ஆனால், தொட்டியில் தண்ணீர் தேங்கி நிற்காமல் பார்த்துக்கொள்வது மிக அவசியம்.</p><p>மேலும், 15 நாட்களுக்கு ஒருமுறை 1 கைப்பிடி மண்புழு உரம் இடலாம். அல்லது மீன் அமிலம் கரைசலைத் தெளித்து வந்தால் இலைகள் பெரிதாகவும் மிகவும் செழிப்பாகவும் வளரும்.</p><p><strong>அடுத்தடுத்து அறுவடை எடுக்க டிப்ஸ்!</strong></p><p>தண்டை நட்ட 20 முதல் 25 நாட்களிலேயே கீரை அறுவடைக்குத் தயாராகிவிடும். அறுவடை செய்யும்போது பலர் செய்யும் தவறு செடியை வேரோடு பிடுங்கிவிடுவதுதான். அப்படிச் செய்யாமல், தரைமட்டத்திலிருந்து 2 அங்குலம் இடைவெளி விட்டு மேல்பகுதியை மட்டும் கத்தரிக்கோலால் வெட்டி எடுக்க வேண்டும்.</p> <aside><a href="https://kalkionline.com/lifestyle/environment/how-to-grow-methi-leaves-fenugreek-leaves-at-home">20 நாட்களில் கைநிறைய வெந்தயக் கீரை: வீட்டிலேயே வளர்க்கும் எளிய முறை!</a></aside><p>இவ்வாறு வெட்டும்போது அந்த இடத்திலிருந்து பக்கக் கிளைகள் அதிகமாகத் துளிர்விடும். இதன் மூலம் 10 நாட்களுக்கு ஒருமுறை தொடர்ந்து புதிய தளிர்களை அறுவடை செய்ய முடியும்.</p><p>இனி நீங்கள் எப்போதாவது சமையலுக்குப் பொன்னாங்கண்ணி கீரை வாங்கும்போது அதன் தண்டுகளைக் குப்பையில் போடாமல், ஒரு சிறிய தொட்டியில் நட்டுப் பாருங்கள்; சில வாரங்களிலேயே உங்கள் வீட்டுச் சமையலறைக்குத் தேவையான புதிய கீரை கைக்கெட்டும் தூரத்தில் தயாராகிவிடும்.</p> ]]></content:encoded></item><item><title>ஏ.பி. நாகராஜனை ஏன் எம்.ஜி.ஆரால் கூட காப்பாற்ற முடியவில்லை? சினிமாவின் மர்மம்!</title><link>https://kalkionline.com/entertainment/cinema/why-mgr-could-not-save-ap-nagarajan-navarathinam-story</link><comments>https://kalkionline.com/entertainment/cinema/why-mgr-could-not-save-ap-nagarajan-navarathinam-story#comments</comments><guid isPermaLink="false">aa16fd4a-59ac-4b9c-bcea-41b7a1f76a9c</guid><pubDate>Sat, 21 Nov 2026 10:14:59 +0530</pubDate><atom:updated>2026-11-21T10:14:59.732+05:30</atom:updated><atom:author><atom:name>என்.எஸ்.வி.குருமூர்த்தி</atom:name><atom:uri>/api/author/2370980</atom:uri></atom:author><description></description><media:keywords>cinema,MGR</media:keywords><media:content height="941" url="https://media.assettype.com/kalkionline/2026-11-21/3z88veot/1000033403.png" width="1672"><media:title type="html"><![CDATA[ சினிமா ]]></media:title><media:description type="html"><![CDATA[ சினிமா]]></media:description></media:content><media:thumbnail url="https://media.assettype.com/kalkionline/2026-11-21/3z88veot/1000033403.png?w=280" width="280"></media:thumbnail><category>Cinema</category><content:encoded><![CDATA[ <p>"நெற்றிக்கண்ணைக் காட்டினும் குற்றம் குற்றமே…சங்கை அரிந்துண்டு வாழ்வோம் உம் போல் இரந்துண்டு வாழ்வதில்லை" என சாட்சாத் சிவபெருமானிடமே கம்பீரமாக எதிர்த்து வீரவசனம் பேசி மக்கள் மனதில் நக்கீரராக வாழ்ந்தவர் இயக்குனர் அருட்செல்வர் ஏ பி நாகராஜன்.</p><p>அவருடைய மிகச் சிறந்த படைப்புகளில் சில… திருவிளையாடல், தில்லானா மோகனாம்பாள், நவராத்திரி, திருவருட் செல்வர், சரஸ்வதி சபதம். இவை முக்கியமானவை. அவருடைய சொந்தத் தயாரிப்பில் வந்தவை.</p><p>திருவிளையாடல் 31.07.1965 ல் ரிலீஸ். அதே ஜூலையில் 9 ஆம் தேதி எம் ஜி ஆரின் ஆயிரத்தில் ஒருவன் ரிலீஸ். இரண்டு படங்களும் வசூலில் சக்கை போடு போட்டன.</p><p>சம்பூர்ண ராமாயணம் தமிழில் இவர் வசனம் எழுதிய படம். மூதறிஞர் இராஜாஜி சினிமா பார்த்ததில்லை. இந்தப் படத்தைப் பார்த்து சிலாகித்து பேசினார்.</p><p>சிவாஜி தான் இவருக்கு எல்லாமே. 3.11.64 ல் வெளியானது சிவாஜியின் நவராத்திரி. அது சிவாஜிக்கு 100 வது படம். ஏ பி நாகராஜன் இயக்கத்தில் வந்த வெற்றிப் படம் அது.&nbsp;</p><p>சவாலான பாத்திரங்களை உருவாக்கி சிவாஜியை செதுக்கினார் ஏ பி என். அதில் ஒவ்வொரு சிவாஜியும் ஒரு ரசம். ஆனந்தம், அற்புதம், கருணை, அருவருப்பு, வீரம், நகை, இப்படியாக ஒவ்வொரு சிவாஜியையும் ஒரு நாள் சாவித்திரி சந்திப்பார்.</p> <p>நவராத்திரி படம் சிவாஜிக்கு ஒரு மகுடம்… நடிப்புக்கல்லூரி மாணவர்களுக்கு ஒரு என்சைக்ளோபீடியா..விக்கிபீடியா..கூகுள்.&nbsp;</p><p>அதே நாளில் எம் ஜி ஆரின் படகோட்டி ரிலீஸ் ஆனது. சிவாஜியின் முரடன் முத்துவும் அதே தீபாவளி 03.11.64 ரிலீஸ் பந்துலு படம். முரடன் முத்து… தோல்வி.</p><p>தன் படம் முரடன் முத்து, எம்ஜி ஆர் படகோட்டி இவற்றுடன் மோதியது சிவாஜியின் நவராத்திரி.</p><p>இதே போல் சிவாஜி படங்கள் அவர் படங்களுடனேயே மோதிக்கொண்ட நிகழ்வுகள் உண்டு. 29.10.1970 ல் எங்கிருந்தோ வந்தாள், சொர்க்கம், மோதின. இரண்டும் வெற்றி.</p><p>சுமதி என் சுந்தரி, பிராப்தம் 14.04.71 ரிலீஸ் ஒரே நாளில். தனக்கு வில்லன் தானே என சிவாஜி படங்கள் மோதின. பிராப்தம் தோல்வி.</p><p>தன் சொந்தப் படங்களில் சில தொடர் தோல்விகளைச் சந்தித்த ஏ பி நாகராஜன் பந்துலு போல் எம் ஜி ஆரை வைத்து ஆயிரத்தில் ஒருவன் போல ஒரு ஹிட் தந்தால் நிதி நிலைமை சரியாகும் என நினைத்தார். எம் ஜி ஆரை அணுகினார். அவரும் ஒரு கதை தயாரிக்கச் சொன்னார்.</p><p>சிக்கனமாக தன் சத்யா ஸ்டுடியோவில் படபிடிப்பை வைத்துக் கொண்டார் எம் ஜி ஆர். ஆனால் முடிவெடுத்த கால கட்டம் தான் சரியில்லை. 1977 ல் எம் ஜி ஆர் அரசியல் வாழ்வில் புயல் அடித்தது எனலாம். சட்டமன்றத் தேர்தலை எதிர்கொள்ள வேண்டிய காலம்.</p><p>1972 ல் தனிக் கட்சி ஆரம்பித்து தமிழகமெங்கும் சுற்றுப் பயணம் செய்து 1977 தேர்தலை சந்திக்க பெரும் பிரயத்தனம் செய்தார்.&nbsp;</p><p>அந்த நேரத்தில் ஏ பி நாகராஜன் 'நவரத்தினம்' தயாரிக்க முடிவெடுத்தார். கதை ஒன்பது ரத்தினங்களாக நாயகிகளை எம் ஜி ஆர் சந்திப்பார் என எழுதி இருந்தார். முத்து, மாணிக்கம், மரகதம், வைரம், பவளம், நீலம், வைடூரியம், புஷ்பா, கோமதி இப்படியாக நாயகிகள் பெயர் இருக்கும்.</p><figure><img alt="சினிமா" src="https://media.assettype.com/kalkionline/2026-11-21/lshjxcd8/1000033444.png" /><figcaption>சினிமா</figcaption></figure><p>படத்தை முடித்தால் போதும் போதும் என்றாகிவிட்டது. எம் ஜி ஆருக்காக எல்லோரும் காத்திருப்பார்கள். எம் ஜி ஆரால் வர இயலாது. ஷூட்டிங் கான்சல் ஆகி விடும். அவர் அரசியல் மீட்டிங் முடித்து ஷூட்டிங் வர லேட் ஆகி விடும்.&nbsp;</p><p>பண விரயம் அதிகமானது. ஏற்கனவே நிதி நெருக்கடியில் இருந்த ஏ பி என் திக்குமுக்காடிப் போனார். ஒரு வழியாக எடுத்து 05.03.1977 ல் ரிலீஸ் செய்தார்.</p><p>சோதனை.. படம் சரியாகப் போகவில்லை. கல்கியில் காந்தன் அவர்கள் நெகடிவ் விமர்சனம் எழுதினார்.</p><p>இசை என்னவோ எடுபடவில்லை. (குன்னக்குடி வைத்திய நாதன்..ஏ பி என் படங்களின் ஆஸ்தான வித்வான்).</p><p>எம் ஜி ஆர் இசைக்கு எப்போதும் நேரம் ஒதுக்கி கவனிப்பார். அந்த 1977ல் அவருக்கு நேரம் இல்லை. ஜுனில் நடைபெற உள்ள சட்டமன்ற எலெக்ஷனில் அவர் பிஸியாகிவிட்டார். ஏ பி என் நெருக்கடியில் சிக்கினார். 05.04.1977 ல் மாரடைப்பால் 49 வயதில் காலமானார் எனச் சொல்கிறார்கள். காரணம் வேறு எனவும் சொல்கிறார்கள்.</p><p>அன்று அவர் பூத உடல் தாங்கிய வாகனம் எட்வர்ட் எலியட்ஸ் சாலை வழியே வந்தது.(தற்போது டாக்டர் இராதாகிருஷ்ணன் சாலை).&nbsp;</p><p>முன்னால் எம் ஜி ஆர் நடந்தே வந்தார் கிருஷ்ணாம்பேட்டை இடுகாடு வரை. போலீஸ் இல்லை. ரசிகர் கூட்டம் இல்லை. இதைப் பார்த்த நான் பின்னால் சென்றேன் அங்கு.</p><p>சிவகுமார், சுருளிராஜன் எம் ஜி ஆர் இன்னும் பல பிரபலங்கள் இடுகாட்டில் இருந்தார்கள்.</p><aside><a href="https://kalkionline.com/entertainment/cinema/mgr-anbe-vaa-movie-song-book-avm-secrets">கிராமஃபோன் வடிவில் MGR படத்தின் பாட்டுப் புத்தகம்... ‘அன்பே வா’ பின்னணியில் இவ்ளோ சுவாரஸ்யமா?</a></aside><p>அப்போது சுருளி ராஜன் கண்ணீர் ததும்ப “இப்படி உங்களை கொன்னுட்டாங்களே ஐயா” எனக் கதறினார். சுருளியை சிவகுமார் பேசாதே என சைகை காட்டித் தள்ளி அழைத்துப் போனார்.&nbsp;</p><p>&nbsp;பந்துலு (ஆயிரத்தில் ஒருவன்), ஸ்ரீதர் (உரிமைக்குரல்), ஜி என் வேலுமணி (படகோட்டி), என பலரையும் படங்கள் நடித்துக் கொடுத்து நிதி நெருக்கடியில் இருந்து மீட்ட எம் ஜி ஆரால் ஏ பி நாகராஜனை ஏன் மீட்க முடியவில்லை..?&nbsp;&nbsp;</p><p>சினிமா வெற்றி என்பது ஒரு புதிர்..</p><p>சதுரங்கம்..அது ஒரு சுழல்..மாய வலை.. வெற்றியை எது தீர்மானிக்கிறது என்பது இன்று வரை பிடிபடாத ஒரு சூட்சுமம்.</p><aside><a href="https://kalkionline.com/entertainment/cinema/yash-toxic-movie-budget-review">'ஜென் சி' கிட்ஸை சீரழிக்கும் வன்முறை! தமிழ்நாட்டில் 'டாக்சிக்' புறக்கணிக்கப்படுமா?</a></aside><p>வெற்றிக்கான ரகசியம் எது என்ன என்பது இது நாள் வரை புரியவில்லை. சில சின்ன பட்ஜெட் படங்கள் பிய்த்துக் கொண்டு ஓடுவதும் (கரகாட்டக்காரன், ஒருதலை ராகம்) சில பெரிய பட்ஜெட் படங்கள் டப்பாவுக்குள் போவதும். அந்த பகவானுக்கே வெளிச்சம்.</p><p>பி.கு (10.06.1977 ல் நடை பெற்ற சட்டமன்ற தேர்தலில் 130 இடங்கள் வென்று முதல்வரானார் எம் ஜி ஆர்.)</p><p>சினிமாவில் பிரம்மாண்ட வெற்றிகளைக் குவித்த ஒரு இயக்குனருக்கு இறுதியில் ஏற்பட்ட நிதி நெருக்கடியும், சினிமா வெற்றியின் கணிக்க முடியாத தன்மையும் வாசகர்களின் மனதில் ஆழமான சிந்தனையை விதைக்கும்.</p>]]></content:encoded></item><item><title>ஆமை ஓடு உள்ளே தலையை இழுப்பது பாதுகாப்புக்காக மட்டுமல்ல! </title><link>https://kalkionline.com/lifestyle/environment/turtle-shell-head-retraction-science-evolution</link><comments>https://kalkionline.com/lifestyle/environment/turtle-shell-head-retraction-science-evolution#comments</comments><guid isPermaLink="false">b81cc9d6-cb06-48d6-9529-66e3ec61c339</guid><pubDate>Sat, 21 Nov 2026 10:08:56 +0530</pubDate><atom:updated>2026-11-21T10:08:56.229+05:30</atom:updated><atom:author><atom:name>கிரி கணபதி</atom:name><atom:uri>/api/author/1730300</atom:uri></atom:author><description></description><media:keywords>Turtles,animal facts</media:keywords><media:content height="900" url="https://media.assettype.com/kalkionline/2026-11-21/jqfyv7ek/%E0%AE%86%E0%AE%AE%E0%AF%88-%E0%AE%93%E0%AE%9F%E0%AF%81-why-turtles-pull-head-into-shell" width="1600"><media:title type="html"><![CDATA[ ஆமை ஓடு why turtles pull head into shell]]></media:title><media:description type="html"><![CDATA[ ஆமை ஓடு why turtles pull head into shell]]></media:description></media:content><media:thumbnail url="https://media.assettype.com/kalkionline/2026-11-21/jqfyv7ek/%E0%AE%86%E0%AE%AE%E0%AF%88-%E0%AE%93%E0%AE%9F%E0%AF%81-why-turtles-pull-head-into-shell?w=280" width="280"></media:thumbnail><category>pasumai / sutrusuzhal</category><content:encoded><![CDATA[ <p>கார்ட்டூன் படங்களிலும் சிறுவர் கதைகளிலும் ஆமைகள் ஆபத்து வந்தவுடன் சட்டெனத் தங்கள் தலையை ஓட்டுக்குள் இழுத்துக்கொள்வதைப் பார்த்திருப்போம். ஆனால், நிஜ வாழ்க்கையில் எல்லா ஆமைகளாலும் அப்படிச் செய்ய முடியாது.&nbsp; வெறும் பாதுகாப்புக் கவசம் மட்டுமே அல்ல. பல கோடி ஆண்டுகளாக உருவான விலா எலும்புகள், முதுகெலும்புகள் மற்றும் தோல் எலும்புகள் இணைந்த அதன் எலும்புக்கூட்டின் ஒரு பகுதியாகும்.&nbsp;</p><p>தலையை உள்ளே இழுக்கும் முறையைப் பொறுத்து ஆமைகள் 2 முக்கியப் பிரிவுகளாகப் பிரிக்கப்படுகின்றன. முதல் வகையான கிரிப்டோடைரா (Cryptodira) பிரிவில் பெரும்பாலான நில ஆமைகளும் நீர் ஆமைகளும் அடங்கும். இவற்றின் கழுத்து எலும்புகளுக்கு இடையே உள்ள அகலமான இடைவெளி, கழுத்தை 'S' வடிவத்தில் செங்குத்தாக வளைத்து தலையை நேராகப் பின்னால் இழுக்க உதவுகிறது.</p> <p>இரண்டாவது வகையான ப்ளூரோடைரா (Pleurodira) பிரிவு ஆமைகள் தலையை நேராக இழுக்காமல், கழுத்தை ஒரு பக்கமாக வளைத்து ஓட்டின் விளிம்பிற்குக் கீழே மறைத்துக்கொள்ளும். வேகமாக ஓட முடியாவிட்டாலும், எதிரிகளிடம் இருந்து தப்பிக்க இந்த 2 முறைகளும் இவற்றுக்குப் பெரிதும் உதவுகின்றன.</p> <figure><img alt="ஆமை ஓடு why turtles pull head into shell" src="https://media.assettype.com/kalkionline/2026-11-21/x640zkk1/ஆமை-ஓடு-why-turtles-pull-head-into-shell" /><figcaption>ஆமை ஓடு why turtles pull head into shell</figcaption></figure><p><strong>எல்லா ஆமைகளாலும் ஏன் மறைக்க முடிவதில்லை!</strong></p><p>அனைத்து ஆமை இனங்களாலும் தங்கள் உடலை முழுமையாக ஓட்டுக்குள் மறைக்க முடியாது. உதாரணத்திற்கு, கடல் ஆமைகள் நீரில் வேகமாகவும் எளிதாகவும் நீந்துவதற்கு ஏற்ற வகையில் எடை குறைந்த, சீரான அமைப்பு கொண்ட ஓடுகளைப் பெற்றுள்ளன. இதனால் அவற்றுக்குத் தலையை உள்ளே இழுக்கும் திறன் இல்லை.&nbsp;</p> <aside><a href="https://kalkionline.com/lifestyle/environment/largest-mangrove-forest-pichavaram-india-coastal-erosion-protection-benefits">அலையாத்திக் காடுகள் என்றால் என்ன? அவை எவ்வாறு மண்ணரிப்பைத் தடுக்கின்றன?</a></aside><p>வேறு சில ஆமைகளுக்கும் அவற்றின் ஓட்டின் அமைப்பு ஒத்துழைக்காததால், தலையை மறைக்கும் நெகிழ்வுத்தன்மை இருப்பதில்லை. ஒவ்வொரு ஆமை இனமும் தான் வாழும் சூழல், எதிரிகளுக்கு ஏற்பவே தன் உடல் அமைப்பை மாற்றியமைத்துக்கொண்டுள்ளது.</p><p><strong>பாதுகாப்புக்காக மட்டுமல்ல!</strong></p><p>எதிரிகளிடம் இருந்து தப்பிக்க மட்டுமே ஆமைகள் தலையை உள்ளே இழுக்கக் கற்றுக்கொண்டன என்று பலரும் நினைக்கலாம். ஆனால், புதைபடிவ ஆய்வுகள் வேறொரு ஆச்சரியமான உண்மையைச் சொல்கின்றன. பாதுகாப்புத் திறன் முழுமை பெறுவதற்கு முன்பே, ஓடும் கழுத்தை இழுக்கும் அமைப்பும் பரிணாம வளர்ச்சியில் உருவாகிவிட்டன.</p><p>ஆரம்பகால ஆமைகளின் விலா எலும்பு, முதுகெலும்பு அமைப்பில் ஏற்பட்ட மாற்றங்களே பிற்காலத்தில் ஓடு மற்றும் கழுத்து இழுக்கும் திறன் உருவாகக் காரணமாக இருந்ததை ஆய்வுகள் விளக்குகின்றன. வேட்டையாடும் விலங்குகள் ஓட்டை உடைக்க முயலும்போது ஏற்படும் அழுத்தத்தை, தலையை உள்ளே இழுக்கும் செயல்பாடு மாற்றுவதை ஓட்டின் இயக்கவியல் ஆய்வுகள் காட்டுகின்றன. எனவே, உயிர்வாழ்வதற்காக ஓடும் கழுத்து அமைப்பும் ஒன்றாகவே பரிணாமம் அடைந்துள்ளன.</p> <aside><a href="https://kalkionline.com/lifestyle/home-and-family/veettu-paramarippu-monsoon-home-safety-chennai-tips">சென்னை, திருவள்ளூர், புதுச்சேரி, மற்றும் கடலூர் மக்களுக்கான மழைக்கால வீட்டுப் பராமரிப்பு டிப்ஸ்!</a></aside><p>இன்றைய கழுத்து இழுக்கும் முறை உருவாவதற்கு முன்பே, ஆமைகளின் மூதாதையர்கள் அகன்ற விலா எலும்புகளையும் தோள்பட்டைகளையும் கொண்டிருந்தன. இந்த மாற்றங்கள் எதிரிகளிடம் இருந்து தப்பிக்க மட்டுமல்லாமல், புதிய வாழ்விடங்களுக்குச் செல்லவும் புதிய உணவு முறைகளுக்குப் பழகவும் உதவியிருக்கலாம்.</p><p>ஆண்டுகள் செல்லச் செல்ல ஆமைகள் தங்களை எவ்வளவு நுட்பமாகவும் நெகிழ்வுத்தன்மையுடனும் மாற்றியமைத்துக்கொண்டன என்பதை இதன்மூலம் நாம் தெரிந்து கொள்ள முடிகிறது.. பல கோடி ஆண்டுகளாக இயற்கையின் மாற்றங்களுக்கு ஏற்பத் தங்களைத் தகவமைத்துக்கொண்ட இந்த உயிரினங்களின் ஆமை ஓடு மற்றும் கழுத்து அமைப்பு, பரிணாம வளர்ச்சியின் மிகச்சிறந்த சான்றாக இன்றும் விளங்குகிறது.</p>]]></content:encoded></item><item><title>​இனி தங்கம் வாங்கறது ரொம்ப ஈஸி! இன்றும் சரிந்த தங்கம் விலை! பெண்கள் தெரிஞ்சுக்க வேண்டிய குட் நியூஸ்!</title><link>https://kalkionline.com/news/2026-november-21-gold-and-silver-price-updates</link><comments>https://kalkionline.com/news/2026-november-21-gold-and-silver-price-updates#comments</comments><guid isPermaLink="false">2c3a1479-ced5-472c-ad8d-ded0b464b691</guid><pubDate>Sat, 21 Nov 2026 09:45:00 +0530</pubDate><atom:updated>2026-11-21T09:45:00.604+05:30</atom:updated><atom:author><atom:name>ரா.வ.பாலகிருஷ்ணன்</atom:name><atom:uri>/api/author/1948799</atom:uri></atom:author><description></description><media:keywords>Silver,gold jewells,tamilnadu news</media:keywords><media:content height="768" url="https://media.assettype.com/kalkionline/2026-08-11/rqzkl0am/1000337427.png" width="1376"><media:title type="html"><![CDATA[ Gold price]]></media:title><media:description type="html"><![CDATA[ தங்கம் விலை]]></media:description></media:content><media:thumbnail url="https://media.assettype.com/kalkionline/2026-08-11/rqzkl0am/1000337427.png?w=280" width="280"></media:thumbnail><category>News</category><category>Business, Finance &amp; Economy</category><content:encoded><![CDATA[ <p>இன்று (நவம்பர் 21) 22 காரட் ஆபரணத் தங்கம் ஒரு சவரன் விலை ரூ.360 குறைந்து ரூ.91,720-க்கு விற்பனையாகிறது. இன்று வெள்ளி விலை மாற்றமின்றி 1 கிராம் ரூ.175-க்கு விற்பனையாகிறது..</p><p>தங்கம் விலை கடந்த நவம்பர் 10-ம் தேதி முதல் தொடர் சரிவை சந்தித்து வருகிறது. கடந்த சரிவு டிசம்பர் மாதம் வரை நீடிக்கும் எனவும் கணிக்கப்பட்டுள்ளது. தங்கம் விலை சரிவு நகை வாங்குவோருக்கு மகிழ்ச்சி அளித்திருக்கும் அதே வேளையில், வங்கி மற்றும் தனியார் நிறுவனங்களில் நகைக் கடன் வைத்திருப்பவர்களுக்கு நிதி நெருக்கடியை ஏற்படுத்தி உள்ளது. </p><p>தற்போது தங்கத்தின் விலை சரிந்து இருப்பதால் வங்கிகளில் அடமானம் வைக்கப்பட்டிருக்கும் நகைகளின் மதிப்பும் குறைந்துள்ளது. இதன் காரணமாக நிலுவைத் தொகைக்கும் தங்கத்தின் மதிப்பிற்கும் இடையிலான வித்தியாசத்தை ஈடு செய்ய வாடிக்கையாளர்கள் கூடுதல் தொகையை செலுத்துமாறு நிதி நிறுவனங்கள் நெருக்கடி கொடுத்து வருகின்றன. </p><p>நேற்றைய தங்கம் விலை நிலவரம்: </p><p>நேற்று (நவம்பர் 20) தங்கம் விலை ஒரு கிராம் ரூ.470 குறைந்து ரூ.11,510-க்கும், ஒரு சவரன் ரூ.3,760 குறைந்து ரூ.92,080-க்கும் விற்பனையானது. வெள்ளியின் விலை 1 கிராம் ரூ.5 குறைந்து ரூ.175-க்கு விற்பனையானது.</p><p>இன்றைய விலை நிலவரம்: </p><p>தங்க நகைப் பிரியர்கள் அனைவருக்கும் இன்று (நவம்பர் 21) தங்கத்தின் விலை சரசரவென சரிந்துள்ளது. 22 காரட் ஒரு கிராம் ஆபரணத் தங்கத்தின் விலை ரூ.45 குறைந்து ரூ.11,465-க்கு விற்பனையாகிறது. ஒரு சவரன் தங்கத்தின் விலை ரூ.360 குறைந்து, ரூ.91,720-க்கு விற்பனையாகிறது. </p><p>வெள்ளியின் விலை இன்று மாற்றமின்றி 1 கிராம் ரூ.175-க்கும், 1 கிலோ பார் வெள்ளி ரூ.1,75,000-க்கும் விற்பனையாகிறது.</p><figure><img alt="Gold Price today" src="https://media.assettype.com/kalkionline/2024-07/8afad5b1-085c-4c22-a30c-e4fb2bf4bca3/Untitled%20design%20-%202024-07-09T141525.879.jpg" /><figcaption>Gold Price</figcaption></figure><aside><a href="https://kalkionline.com/news/good-news-for-pf-subscribers-3-game-changing-epfo-rules-you-need-to-know">குட் நியூஸ்..! இனி பென்ஷன் போல மாதந்தோறும் PF பணம் பெறலாம்.! </a></aside><p>அமெரிக்கா பெடரல் வங்கி வட்டி விகிதத்தை ஏற்கனவே 0.25 சதவீதம் உயர்தி நிலையில், மீண்டும் 0.25 முதல் 0.5 வரை உயர்த்தவுள்ளது. </p><p>இந்த வட்டி உயர்வு ஒரே நேரத்தில் அமலுக்கு வந்தாலும் வரும் அல்லது படிப்படியாக டிசம்பர் மாதத்தில் 0.25 மற்றும் ஜனவரி மாதத்தில் 0.25 சதவிதமும் உயர்த்தப்பட வாய்ப்புள்ளதாக தகவல்கள் கூறுகின்றன. </p><p>வட்டி விகிதம் உயரும் பட்சத்தில், டாலர் மீதான முதலீடுகள் அதிகரித்து தங்கத்தின் விலை மேலும் 5% வரை குறைய வாய்ப்புள்ளது.</p><p>தஙகம் விலை மேலும் சரியும் என எதிர்பார்க்கப்படும் நிலையில், இன்றும் குறைந்திருப்பது மகிழ்ச்சியை அளித்துள்ளது.</p><aside><a href="https://kalkionline.com/business-finance/post-office-vs-bank-investment-comparison">அஞ்சல் துறை vs வங்கி முதலீடு: எதில் லாபம் அதிகம்? முழுமையான வழிகாட்டி!</a></aside><blockquote>Disclaimer: இந்தக் கட்டுரையில் இடம்பெற்றுள்ள தகவல்கள் பொதுவான விழிப்புணர்வுக்காக மட்டுமே; இவை தொழில்முறை நிதி அல்லது முதலீட்டு ஆலோசனைக்கு மாற்றாகாது. அனைத்து முதலீடுகளும் அபாயத்திற்கு உட்பட்டவை. எந்தவொரு நிதி முடிவையும் எடுக்கும் முன், உரிமம் பெற்ற நிபுணர்களை அணுகி ஆலோசிக்கவும்</blockquote>]]></content:encoded></item><item><title>ஒருதலைப் பட்சமாக ஆசிய கோப்பையை பாகிஸ்தானுக்கு வழங்கப்பட்ட விவகாரம்- மேல்முறையீடு செய்யும் இந்தியா!</title><link>https://kalkionline.com/sport-news-and-articles/blind-cricket-asia-cup-2026-final</link><comments>https://kalkionline.com/sport-news-and-articles/blind-cricket-asia-cup-2026-final#comments</comments><guid isPermaLink="false">55f8b16a-a68c-4019-b241-6d324e490cde</guid><pubDate>Sat, 21 Nov 2026 08:57:00 +0530</pubDate><atom:updated>2026-11-21T08:57:00.000+05:30</atom:updated><atom:author><atom:name>ராஜமருதவேல்</atom:name><atom:uri>/api/author/1988279</atom:uri></atom:author><description></description><media:keywords>sports news,Pakistan Cricket Team</media:keywords><media:content height="900" url="https://media.assettype.com/kalkionline/2026-11-20/m31ph3zj/485106.jpg" width="1600"><media:title type="html"><![CDATA[ Asia cup blind cricket ]]></media:title><media:description type="html"><![CDATA[ ind vs pak]]></media:description></media:content><media:thumbnail url="https://media.assettype.com/kalkionline/2026-11-20/m31ph3zj/485106.jpg?w=280" width="280"></media:thumbnail><category>Sports News and Articles</category><content:encoded><![CDATA[ <p>சர்வதேச விளையாட்டுப் போட்டியில் பாகிஸ்தான் அணிக்கு ஆதரவாக  கிரிக்கெட் தொழில்நுட்ப  நிர்வாகி செயல்பட்டு, ஆட்டத்தை தொடங்காமலே பாகிஸ்தான் அணி வெற்றி பெற்றதாக அறிவிக்கப்பட்டது, மிகப்பெரிய சர்ச்சைகளை கிளப்பி உள்ளது. பார்வையற்றோருக்கான 2026 ஆடவர் ஆசியக்கோப்பை கிரிக்கெட் போட்டி தொடர், பங்களாதேஷ் தலைநகர் டாக்காவில் நடைபெற்றது. இந்த போட்டித் தொடரில் ஆசியாவை சேர்ந்த பல நாட்டு அணிகள் பங்கு பெற்றன. தொடரில் நடைபெற்ற சுற்றுகளில் வெற்றி பெற்று இறுதிப்போட்டியில் விளையாட  இந்தியாவும் பாகிஸ்தான் அணியும் தேர்வாகின.</p><p>மதிப்புமிக்க 2026 ஆசிய கோப்பையின் இறுதி போட்டியில் விளையாடுவதற்கு இந்திய அணியும் பாகிஸ்தான் அணியும் தயாராக இருந்த நிலையில், மைதானத்தில் மழை குறுக்கிட்டது. மழையின் காரணமாக ஆட்டம் தொடங்குவதில் தாமதம் ஏற்பட்டது. மழை தொடர்ந்த நிலையில் இறுதிப் போட்டி கைவிடப்பட்டதாக அறிவிக்கப்பட்டது. அதைத்தொடர்ந்து 2026 பார்வையற்றோர் ஆடவர் ஆசியக் கோப்பையை பாகிஸ்தான் அணி வென்றதாக அறிவித்தனர். </p> <p>இறுதிப் போட்டியை நடத்தாமலே பாகிஸ்தான அணி வென்றதாக அறிவிக்கப்பட்டது சர்வதேச அளவில் சர்ச்சைகளை கிளப்பியது. பாகிஸ்தான் அணிக்கு ஆசியக் கோப்பை வழங்கியதை இந்திய பார்வையற்றோர் கிரிக்கெட் சங்கம்(CABI) மிக கடுமையாக கண்டித்தது. மேலும் கோப்பை வழங்கும் நிகழ்ச்சியில் இந்திய அணி கலந்து கொள்ளாமல் புறக்கணித்தது. தொழில்நுட்பக் குழுவின் இந்த நடவடிக்கையை இந்திய பார்வையற்றோர் கிரிக்கெட் சங்கம் (CABI) வன்மையாகக் கண்டித்துள்ளது. </p><p>இதற்கு பார்வையற்றோர் உலக கிரிக்கெட் வாரிய தொழில்நுட்பக் குழு , இறுதிப்போட்டி நடத்தப்படா விட்டாலும் , தொடரில் பாகிஸ்தான் அணி பெற்ற ரன் விகிதத்தின் அடிப்படையில் , அவர்களுக்கு 2026 ஆம் ஆண்டிற்கான பார்வையற்றோர் ஆசியக் கோப்பை வழங்கப்பட்டது என்று விளக்கம் கூறியுள்ளது.</p><p>இந்த சர்ச்சைகளைத் தொடர்ந்து பார்வையற்றோர் உலக கிரிக்கெட் வாரியத்தின் தலைவரும் , பாகிஸ்தான் பார்வையற்றோர் கிரிக்கெட் கவுன்சிலின் தலைவருமான சுல்தான் ஷா, இந்த முடிவை கைவிட வேண்டும் என்று கூறியுள்ளார். இறுதிப்போட்டி நடத்தப்படாததால் அதில் கலந்து கொண்டுள்ள இந்தியா மற்றும் பாகிஸ்தான் ஆகிய இரண்டு அணிகளையும் வெற்றியாளராக அறிவிக்க வேண்டும் என்று கூறியுள்ளார்.</p><figure><img alt="Pak team" src="https://media.assettype.com/kalkionline/2026-11-20/qcm1jhmk/485125.jpg" /><figcaption>pak blind cricket team </figcaption></figure><p>இதனால் நடுவரும் அதை முடிவை எடுக்க வேண்டிய கட்டாயம் ஏற்பட்டது என்று இந்திய பார்வையற்றோர் கிரிக்கெட் சங்கம் தங்களது சமூக ஊடகங்களில் பதிவிட்டுள்ளது. மேலும் அது இரு நாடுகளும் வெற்றி பெற்றதாக அறிவிக்க வேண்டும் என்றும் வலியுறுத்தி உள்ளது.பார்வையற்றோர் இந்திய கிரிக்கெட் சங்கம் , போட்டியின் தொழில்நுட்ப விதிமுறைகள் பிரிவு 27-ஐ சுட்டிக்காட்டி , சமநிலையில் முடியும் அல்லது மழையால் தடைபடும் இறுதிப் போட்டிகளில் கோப்பையைப் பகிர்ந்தளிப்பதே சரியான நடைமுறை என்பதைத் தெளிவுபடுத்தியுள்ளது. </p><p>தங்களின் வாதத்தைத் தொழில்நுட்பக் குழு முதலில் ஏற்றுக்கொண்ட போதிலும், பார்வையற்றோர் கிரிக்கெட் தொழில்நுட்பக் குழுவின் இயக்குநரும், பாகிஸ்தான் பார்வையற்றோர் கிரிக்கெட் கவுன்சிலின் (PBCC) தலைவரும் இந்த முடிவுகளை எடுத்து , தங்கள் நாட்டு அணிக்கு சாதகமாக ஒருதலைப்பட்சமான முடிவை எடுத்துள்ளார் , என்று குற்றம் சாட்டியுள்ளது.</p><p>மேலும், ஒரு சர்வதேச சாம்பியன்ஷிப் தொடரின் முடிவைத் தங்களுக்குச் சாதகமாகத் திசைதிருப்பும் இத்தகைய முயற்சிகள் விளையாட்டு அறத்திற்கு எதிரானது என CABI குறிப்பிட்டுள்ளது. இந்த முடிவெடுக்கும் செயல்முறையில் வெளிப்படைத்தன்மை, நடுநிலைமை மற்றும் நேர்மை ஆகியவை முற்றிலும் மீறப்பட்டுள்ளதாகத் தெரிவித்துள்ள இந்திய சங்கம், இது குறித்து சர்வதேச விளையாட்டு அமைப்புகளிடம் முறையிடவும் திட்டமிட்டுள்ளது.</p>]]></content:encoded></item></channel></rss>